1 Nephi 16

Te Liahona ’e te fana i fati

Te ’imira’a i te tauturu a te Fatu

te mau ’utuāfare e pārahi ra ’ati a’e i te auahi

’Ua rātere te mau ’utuāfare o Lehi ’e o Isema’ela i roto i te mēdēbara e rave rahi matahiti te maoro. Nā te Fatu i arata’i ia rātou nā roto i te mau tuha’a maitata’i a’e o te fenua. Tītauhia ia rātou ’ia a’ua’u ’e ’ia ha’aputu i te mā’a i ni’a i te ’ē’a. E tere fifi roa teie.

1 Nephi 16:14 ; 17:1, 4

Tē māta’ita’i ra ’o Lehi i te hitira’a mahana

’Ua fafau te Fatu e arata’i ’oia i nā ’utuāfare i te hō’ē fenua maita’i mai te mea e ha’apa’o rātou i te mau fa’auera’a. ’Aita rātou i ’ite nāhea i te ’imi i te fenua, terā rā, e arata’i ’oia ia rātou.

1 Nephi 2:20 ; 10:13 ; 17:13–14

Lehi e tāpe’a ra i te Liahona

I te hō’ē po’ipo’i, ’ua māere ’o Lehi i te ’itera’a i te hō’ē pōpō i rāpae i tōna fare ’ie. ’Ua pi’ihia taua pōpō ra, te Liahona. I roto i te Liahona, e fa’a’ite mai te hō’ē nira i te ’ē’a e tītauhia i te pupu ’ia tere atu. I te tahi taime e ’ite rātou i te mau poro’i nō ’ō mai i te Fatu ra tei pāpa’ihia i ni’a i te Liahona. Mea nā reira ïa te Fatu i te arata’ira’a ia rātou.

1 Nephi 16:10, 16, 26–29 ; Alama 37:38

Nephi ’e te fana i fati, ’e Lamana ’e ’o Lemuela tē amuamu rā

I te hō’ē mahana, i tō Nephi a’ua’ura’a i te ’ānimara, ’ua fati tāna fana ’āuri. ’Aita tā te mau ’utuāfare e nehenehe fa’ahou e tāmā’a ’aita ana’e e fana. ’Ua riri te mau taea’e o Nephi iāna ’e i te Fatu.

1 Nephi 16:18–21

Nephi ē tāpe’a ra i te fana i fati ’e ’o Lehi tē ’ino’ino rā

’Ua rohirohi roa rātou pā’āto’a ’e ’ua po’ia. ’Ua ’oto vetahi o rātou ’e tē amuamu ato’a. ’Ua ri’ari’a rātou ’o te pohe rātou i te po’ia. ’Ua amuamu ato’a Lehi i te Fatu.

1 Nephi 16:19–22, 35

Nephi ē mau ra i te hō’ē hāmara ’e te tīmā

’Ua hāmani Nephi i te hō’ē fana ’āpī ’e te hō’ē te’a i te rā’au. E fa’aro’o tōna ē e tauturu mai te Fatu iāna ’ia ’imi i te mā’a.

1 Nephi 16:23

Lehi ’e ’o Nephi tē hi’o ra i te Liahona

’Ua ani Nephi ia Lehi i hea e haere ai e a’ua’u i te ’ānimara. ’Ua ’oto ’o Lehi nō tōna amuamura’a. ’Ua tātarahapa ’oia ’e ’ua ani i te Fatu i te tauturu. ’Ua parau te Fatu ia Lehi ’ia hi’o i te Liahona. ’Ua pāpa’ihia te hō’ē poro’i i ni’a iho. ’Ua ha’api’i mai nā ’utuāfare ē, e tere te Liahona maoti rā tō rātou fa’aro’o i te Fatu ’e tō rātou ha’apa’o i te mau fa’auera’a.

1 Nephi 16:23–29

Tē hi’o ra te ’utuāfare ’o Lehi ia Nephi i te amora’a mai i te hō’ē ’ānimara tāna i a’ua’u

I te tahi taime e taui te Fatu i te poro’i i ni’a i te Liahona nō te tauturu ia rātou i roto i tō rātou mau tere. ’Ua tauturu te Liahona ia Nephi ’ia ’ite i hea e a’ua’u ai. ’Ua hōpoi mai ’oia i te mā’a nō te ’amu, ’e ’ua ’oa’oa pā’āto’a rātou. ’Ua tātarahapa rātou ’e ’ua ha’amāuruuru i te Fatu.

1 Nephi 16:28–32