Janueri

Au Luve ni Kalou, ka tiko e Dua na Nona iTuvatuva me baleti Au

“A yalo oqo sa tukuna mai ki na yaloda, ni da sa luve ni Kalou” (Roma 8:16).

Vakuria ki na veivakasama oqo eso na nomu. Ena veimacawa, mo tuvanaka na veisala me (1) kilai na ivunau, (2) vukei ira na gone mera kila vakavinaka ka (3) vukei ira mera bulataka. Tarogi iko, “Na cava me ra cakava na gone me ra vuli kina, kei na sala cava me’u vukei ira kina me ra vakila na Yalotabu?”

Sere: “Au Luve ni Kalou”

(NVL, 2–3)

gone vakaraitaka tiko na itaviqaravi ni yabaki

iTaviqaravi ni Yabaki: Wasea vakalekaleka e dua na sala o sa raica kina na nona lomani iko na Kalou. Biuta e dua na ka lailai (me vaka e dua na polo vauvau, dua na bini, se dua na qereqere) ena loma ni dua na tavaya se koniteina ka rawa ni raibasikati. Vakatara vei ira na gone ena loma ni yabaki taucoko, me ra wasea na sala eso era vakila kina ni kilai ira ka dau lomani ira na Kalou. Vakatara na gone me biuta tale edua na ka ena loma ni tavaya, ena veigauna kece e wasea kina e dua na ka. Taleva wasoma na tavaya, ka dusia tiko na veisala cava sa dau vakaraitaka kina na Tamada Vakalomalagi ni lomani keda.

iMatai ni Macawa: E Tamaqu Vakalomalagi na Kalou. E kilai au ka lomani au.

Kila na ivunau (qitotaka e dua na kilakila mada): Tukuna vei ira na gone ni o vakasamataka tiko e dua e lomani keda, kilai keda yadua, dau vukei keda, ka tiko sara vakayawa. Tarogi ira me ra kilakila o cei o vakasamataka tiko (na Tamada Vakalomalagi). Veivosakitaka na noda veiwekani kei Tamada Vakalomalagi. Sureti ira na gone me ra cavuta vata na “E Tamaqu Vakalomalagi na Kalou. E kilai au ka lomani au.”

Vakauqeta na kila ka (wili ivolanikalou): Wasei ira na gone ki na veiwasewase lalai. Me ra wilika na iwasewase yadua na Inosi 1:5, Mosese 1:6, kei na Josefa Simici—Ai Tukutuku 1:17 ka veitalanoataka na sala e dau vosa kina na Turaga vei ira yadua na parofita. Tarogi ira na gone: “Kevaka e sikovi kemuni mai na Tamada Vakalomalagi, na cava ena kacivi iko kina?” Vakadinadinataka ni kilai keda yadua na Kalou ena dui yacada.

Moica na itaviqaravi me veirauti kei na levu ni nomu Lalai. Ni wasewasei na gone ena Lalai ka levu na lewena me ra wilika na ivolanikalou e solia vei ira e vuqa na gone na madigi ni vakaitavi. Ena sega ni gadrevi mo wasei ira vakailawalawa e dua na Lalai lewe vica ga me rawa ni ra vakaitavi kece kina na gone.

Vakauqeta na kena vakayagataki (lagalaga sere): Me ra tuva cawiri na gone ka solia wavoki e vica na iyaya ka matataka na loloma ni Kalou me baleti ira na Luvena ni ra lagata tiko “Au Luve ni Kalou” (NVL, 2–3) se “I Know My Father Lives” (CS, Children Song Book, 5). Na iyaya oqori e rawa ni oka kina na ivolanikalou, iyaloyalo ni sakaramede, dua na tiki ni vuanikau, se iyaloyalo ni dua na matavuvale. Tarova ena so na gauna na lagasere ka me wasea na gone a taura tu e dua na iyaya e dua na sala e kila ni lomani koya kina na Kalou. Vakayacori tale ke balavu na gauna.

iKa 2 kei na 3 ni Macawa: Na ituvatuva nei Tamada Vakalomalagi e ituvatuva ni marau.

iloloma

Na ituvatuva nei Tamada Vakalomalagi e ituvatuva ni marau

Kila na ivunau: Vola “Na ituvatuva nei Tamada Vakalomalagi e ituvatuva ni marau” ena dua na tiki ni pepa. Biuta na pepa ena dua na koniteina ka ologa me vaka e dua na iloloma. Taura cake na iloloma ka tukuna vei ira na gone ni tiko e loma e dua na ka ena kauta mai vei ira na marau. Me ra qai kilakila se cava oya. Qai dolava na iloloma ka me wilika e dua na gone na iyatuvosa vei ira na kalasi. Vakamacalataka ni tiko na nona ituvatuva na Tamada Vakalomalagi me rawa kina ni da marau ka laki bula vata tale kei Koya.

Vakauqeta na kila ka (lagata tiko e dua na sere ka saumi taro): Solia ki na kalasi yadua e dua na tikinipepa me tiko kina e dua vei ira na taro oqo:

• Na cava e tu ena noqu bula, ka tekivu mai vei?

• Na cava au a digitaka, kei na cava me’u vakasaqara?

• Na cava me’u muria, kei na cava e rawa ni’u tatakube toka kina?

• Na cava au na vakila kevaka au muria na nona ituvatuva na Kalou?

Lagata na imatai ni rua na laini ni “I Will Follow God’s Plan” (CS, 164–65), ka veitalanoataka na isau ni matai ni taro. Tokaruataka ena vo ni sere kei na taro tale eso.

veivuravura

Jisu Karisito

Bula Taumada

papitaiso

matavuvale

Bula Oqo

iKarua ni Lako Mai

Bula sa Bera mai

Vakauqeta na kila ka (vakacavara e dua na iyatuvosa): Biuta na iyaloyalo eso e matataka na bula taumada, bula oqo, kei na bula sa bera mai ena tolu na vanua duidui ena loma ni rumu. Droinitaka e dua na mata mamarau ena dua na tikinipepa. Tukuna vei ira na gone ni veigauna kece o taura cake kina na mata mamarau, e dodonu me ra kaya, “Mamarau.” Tu volekata na iyaloyalo ni bula taumada ka vakamacalataka na Matabose mai Lomalagi. Ena veigauna e rawa kina, me ra qai vakacavara na gone na nomu iyatuvosa ena “mamarau” ni o taura cake tu na mata mamarau. Me vaka oqo: “E vinakata na Tamada Vakalomalagi me da mamarau. A tukuna vei keda o Koya na Nona ituvatuva me talai keda mai ki vuravura me da vakayago. E kaya o koya ni rawa ni da marau kevaka eda talairawarawa ki na Nona ivakaro. E kila o Koya ni da na gadreva e dua na iVakabula me vukei keda me da marau, baleta ni sega ni dua vei keda e sa uasivi sara. Ni da rogoca na nona ituvatuva na Tamada Vakalomalagi, sa dua na ka na noda marau eda a kaila ena reki!” Tomana na itaviqaravi oqo ni o toso yani ki na veiyasana tale eso ka vakamacalataka na ituvatuva ni marau: “O a lako mai ki na nomu matavuvale, ka sa dua na ka na nodra marau ena nomu sucu mai.” “Eda marau ni da cakava na veidigidigi dodonu.” “Eda na marau ni da tiko tawamudu vata kei na noda dui matavuvale kei Tamada Vakalomalagi kei Jisu Karisito ena matanitu selesitieli.” Vakuria ena veika matailalai ni ituvatuva me veiganiti kei na nodra yabaki kei na nodra kila ka na gonelalai.

Vakauqeta na kena vakayagataki (droini yaloyalo): Solia vei ira yadua na gone e dua na tiki ni pepa ka tiko kina e dua na mata mamarau kei na veivosa “na ituvatuva nei Tamada Vakalomalagi e ituvatuva ni marau”. Sureti ira me ra droinitaka e dua na iyaloyalo ena nona ituvatuva na Tamada Vakalomalagi ka ra dau marau kina. Vakadinadinataka ni nona ituvatuva na Tamada e baleta na noda marau tawamudu.

Vakaraitaka na loloma: Sa rawa mo vaqaqacotaka na nomu loloma vei ira na gone ni ko masulaki ira yadudua, saga mo na kila na veika era taleitaka kei na nodra gagadre, kacivi ira ena yacadra, ka vakarorogo vagumatua vei ira.

iKa 4 ni Macawa: E tu vei au na galala, kau na saumitaro ena vuku ni noqu digidigi.

Kila na ivunau: Vakarautaka e rua na pepa ni vosa, e dua me tukuna “E tu vei au na galala” kei na dua me tukuna “Au na saumitaro ena vuku ni noqu digidigi.” Wasei ira vakarua na gone. Kerea e rua na gone me rau gole mai ki liu. Kerea e dua vei rau me taura cake tu na imatai ni pepa ni vosa, ka me tucake e dua na iwasewase ka kaya, “E tu vei au na galala.” Kerea na gone kadua me taura cake na ikarua ni pepa ni vosa, me ratou qai tucake na iwasewase kadua ka kaya, “Au na saumitaro ena vuku ni noqu digidigi.” Tokaruataka vakavica, ka me ra cavuta na iwasewase yadua na veimalanivosa yadua.

Vakauqeta na kila ka (veivosakitaki na veivotuka): Taroga vei ira na gone se cava na votuka ni nodra digitaka me ra kakua ni kana, me tara e dua na sitovu katakata, me laki lotu, se me dau yalovinaka vei ira na tani. Vakamacalataka ni lomani keda na Tamada Vakalomalagi ka vinakata me da digia na veika vinaka ka ciqoma na veivakalougatataki ni veidigidigi oqori.

era sarava tiko na gone e dua na iyaloyalo

Ena veivakadreti ni ra vakaitavi tiko na gone taucoko ena dua na itaviqaravi ka na solia vei ira na madigi me ra vakaitavi ena sasaga ni vuli-ka.

Vakauqeta na kena vakayagataki (qito): Vola ena dua na tikinipepa eso na digidigi vinaka kei na so na digidigi ca e rawa ni cakava e dua na gone. Biuta na tikinipepa ena dua na koniteina. Me ra tu na gone ena rua na laini, e dua na laini ni “digidigi” kei na dua na laini ni “veivotuka”. Me qai taubale cake mai ki liu na imatai ni gone ena dua na laini ni ra lagata tiko na kena vo na imatai ni laini ni “Choose the Right” (Hymns, naba 239). Me qai vola na gone ena laini ni “digidigi” e dua na digidigi ka wilika mai. Me qai tukuna mai na gone tale kadua e dua na votuka ni digidigi oya. O ira na vo ni gone me ra qai dulaka cake na nodra idovidovi ni kakana kevaka e digidigi vinaka ka dulaka sobu kevaka e digidigi ca. Tomana tiko ke vo na gauna.

Veivuke vei iliuliu ni sere.

Kerei ira na gone me ra lagata vata kei iko na italetale ni “Au Luve ni Kalou” (NVL, 2–3) ka vakarogoca na vosa e vakamacalataki kina na ka era na vinakata me cakava vei ira e dua. Vola na veika era cavuta mai ena papa (tuberi, liutaki, tikotikoga, vulica rawa). Taroga e dua na taro me baleta na veivosa yadua. Me vaka beka oqo, “O cei e liutaki keda?” se “Na cava na vuna o na vinakata kina e dua me lako tikivi iko?” Vakadinadinataka na veivakalougatataki ni tiko noda itubutubu, qasenivuli, iliuliu, parofita, ivolanikalou kei na Yalo Tabu me ra vukei keda ena noda raica lesu na noda sala vua na Tamada Vakalomalagi.