Na iVakarau me Vakayagataki kina na Sere ena Lalai

Na inaki ni sere ena Lalai o ya me ra vakavulici na gone ena kosipeli i Jisu Karisito. Na sere ni Lalai e vakavuna me taleitaki kina vakalevu cake na vulici ni kosipeli, sureta na Yalotabu, ka tauyavutaka e dua na draki ni vakarokoroko ka ganita vinaka na vuli (raica na iVoladusidusi 2: Veiliutaki ena Lotu [2010], 11.2.4).

Ni o vakarau mo vakatavulica e dua na sere, tarogi iko mada: E rawa vakacava meu dreta ka taura toka na nodra vakarorogo na gone? Na taro cava meu taroga meu vukei ira kina na gone me ra kila vakavinaka na kosipeli e tukuni tiko ena sere? Na iwalewale cava e rawa ni’u vakayagataka me’u vakatavulica kina na sere oqo? Oqo eso na iwalewale e rawa ni o vakayagataka. Na ivakaraitaki e rawa ni vukei iko mo vakavulica na sere eso e vakaturi tiko ena ituvatuva oqo. Me baleta na ikuri ni vakasama eso, raica na iwasewase ni Lalai ena Serving in the Church ena LDS.org kei na iwasewase ni “iVakarau ni Kena Vakayagataki na iVakatagi ena Lalai ena ituvatuva ni 2015, 2016, kei na 2017.

Moica na iTaviqaravi: Eso na vakasama ni veivakavulici e vakamacalataki eke ena ganiti ira vinaka na gone sobu. Moica na nomu iwalewale ni veivakavulici me ganiti ira na gone ena veitabayabaki duidui me rawa ni ra vakaitavitaki kina ena vuli kei na lagasere.

Vakabibitaka na ivakavuvuli ni kosipeli ena sere.

Nanuma na veivakasama oqo ni o vakatavulica “Families Can Be Together Forever” (CS, 188). Kerei ira na gone me ra vakarogoca e dua na tiki ni nona ituvatuva na Tamada Vakalomalagi ni o lagata na imatai ni laini ni sere ka me ra tucake ni ra kila se cava oya (matavuvale). Sureti ira na gone me ra lagata vata kei iko na laini oya. Dusimaka ni rorogo ni “here on earth” kei na “good to me” erau muria e dua na ivakarau, ka kerei ira na gone me ra lagata na veimalanivosa oqori. Kerei ira me ra vakarogoca na tiki ni sere e tarava me ra kila kina se vakacava na balavu ni gauna e rawa ni ra wasea kina na nodra bula kei na nodra matavuvale. Lagata na ikarua ni laini, vakabibitaka na “through all eternity.” Sureti ira na gone me ra lagata vata kei iko na laini oya, oti ni qai lagata vata na laini ruarua. Kerei ira na gone me ra vakarogoca e dua tale na vosa ka kena ibalebale “through all eternity” ena kena italetale. Lagata, “Families can be together forever,” me ra qai vakavoqataka lesu mai vei iko. Laga, me ra qai vakavoqataka mai o ira na, “Through Heavenly Father’s plan.” Taroga se cava na nona ituvatuva na Tamada Vakalomalagi, vakananuma vei ira na gone ni vinakata o Koya me ra vakamau ena valetabu ka me dua na nodra matavuvale tawamudu vakataki ira. Vakaotia na nomu vakavulica vei ira na kena italetale ena nomu lagata na veimalanivosa ka kerei ira na gone me ra vakavoqataka.

Vakatovotovo: Mo na kila taumada vakataki iko na sere ko na qai vakatavulica vakavinaka. Vakatovotovo e vale me rawa ni o raici ira na gone ena gauna o vakatavulici ira kina.

lagasere na iliuliu ni sere

Me vukei ira na gone me ra vulica na ilagalaga ni dua na sere, “vakababataka na ligamu, ni o lagata tiko na qaqana, laveta cake na ligamu ni lako cake na domo ka biuta sobu mai ni lutu sobu na domo”.

Vakayagataka na veivuke vakaiyaloyalo me vukei ira na gone me ra vulica ka nanuma tiko na qaqana.

ivakatagi

Tu na iyaloyalo ena sharingtime.lds.org

Nanuma na veivakasama oqo ni o vakatavulica “Ke tu e yasaqu na iVakabula,” (tabana e 28 ena ituvatuva oqo):

• Cakava e dua na tikinipepa ni vosa me baleta na veimalanivosa yadua ni sere, ka raica e dua na iyaloyalo e matataka na veitikinipepa ni vosa yadua. Biuta na iyaloyalo ena dua na yasa ni rumu kei na dua na tikinipepa ni vosa ena yasana kadua. Veivosakitaka vata kei ira na gone se na duatani beka vakacava na nodra ivalavala kevaka e rawa ni ra raica na iVakabula ni tu volekati ira. Lagata e dua na sere, ka kerei ira na gone me ra vakasotara na iyaloyalo ki na qaqana.

• Me ra laga vata kei iko na gone ni o dusia na iyaloyalo.

• Solia vei ira na kalasi yadua e dua na malana me ra lagata ni ra tucake tu, me ra qai veisau me yacova ni ra sa lagata na kalasi kece sara na veimalanivosa yadua.

Vakadinadinataka: Wasea vakalekaleka na nomu ivakadinadina vei ira na gone me baleta na dina ni kosipeli ka kunei ena sere ni Lalai. Vukea me ra kila na gone ni lagasere e dua na sala e rawa ni ra wasea kina na nodra ivakadinadina ka vakila na Yalotabu.

Vakayagataka na iwalewale veiganiti me ra vakaitavi kina na gone ka nanuma tiko na sere.

Nanuma na veivakasama oqo ni o vakatavulica “My Heavenly Father Loves Me” (CS, 228–29). Taroga vei ira na gone na sala era sa vakaraitaka kina na nodra loloma me baleti ira na lewe ni matavuvale. Taroga na sala sa vakaraitaka kina na Tamada Vakalomalagi na Nona loloma ena vukudra. Vakamacalataka ni a bulia o Koya na vuravura totoka oqo me baleti ira ena Nona lomani ira. Lagata na sere vei ira na gone dua na malanivosa ena dua na gauna, ka sureti ira me ra lagata vata kei iko ni ra matanataka na veitikina yadua: lagasere na manumanu vuka, rai ki lomalagi, miraka na matadra na uca, kei na so tale. Me baleta na ikarua ni qaqana, sureti ira me ra cakava na matana me vaka nodra dusia na matadra, vuka vaka na bebe, qovia na ligadra e daku ni daligadra. Sureti ira me ra mokoti ira ni ra lagata na, “He gave me my life,” ka tavia na uludra (“my mind”), biuta na ligadra ki utodra (“my heart”), cuvara na uludra ka roqota na ligadra (“I thank him reverently”). Kerei ira me ra biuta lesu na ligadra ki utodra ni ra lagata, “Yes, I know Heavenly Father loves me.”

lagasere na gone

Ni dau tokaruataki ena vukei ira na gone ena nodra vulica na sere vovou. Dau tokaruataka na sere ena veisala duidui eso, me vaka na vakasolokakana, vagugu, vakasausautaka na kena ikadakada, vakaduiduitaka na kena itautau, se lagasere ni o dabe ka tucake.