Vakavulici Ira na Gone Era Vakaleqai Tu Vakayago

E vakavuvulitaka na iVakabula, “A luvemu kecega ena vakavulici ira na Turaga; ena ka levu talega na nodra vakacegu na luvemu” (3 Nifai 22:13).

Sa nodra itavi bibi na iliuliu ni Lalai me ra vakavulica na kosipeli i Jisu Karisito vei ira kece na gone, oka kina o ira e vakaleqai tu na kedra ituvaki. Na Lalai e vanua me ra ciqomi, lomani, susugi, ka taleitaki kina na gone kece sara. Ena draki ni bula oqori ena rawarawa kina vei ira kece na gone me ra kila na nona loloma na Tamada Vakalomalagi kei Jisu Karisito ka vakila ka vakadinadinataka na veivakauqeti ni Yalo Tabu.

Sa ka talei vua na Kalou na gone kecega. Era gadreva yadua na loloma, veidokai, kei na veitokoni.

Taro ivakasala vei ira tale eso ni o cakacaka tiko mo sotava na nodra gagadre na gone ena nomu Lalai ka vakaleqai tu na kedra ituvaki.

1. Veitalanoa kei na nona itubutubu na gone. E vakavuqa ni o ira ga na itubutubu era na kilai ira vakavinaka cake na luvedra mai vei keda kecega. E rawa ni ra vakavulici iko ena ivakarau mo sotava kina na nodra gagadre, na balavu ni gauna e rawa ni vakarorogo tiko kina, kei na ivakarau e dau taleitaka me vakavulici kina. Me vaka oqo, eso na gone era dau vakarorogo vakavinaka ki na ivakatagi, eso tale ki na italanoa, iyaloyalo, na ivolanikalou, se veitosoyaki. Vakayagataka na iwalewale duidui ni veivakavulici, ka vakadeitaka me vakayagataki na sala era na vuli vakavinaka duadua kina na gone yadua.

2. Veitalanoa vata kei ira na iliuliu tale eso ni Lalai kei ira na qasenivuli. Ni masu ka cakacaka vata me laurai na sala me ra vukei kina na gone kece sara me ra vulica na kosipeli i Jisu Karisito ka ra vakila ni ra lomani.

3. Veitalanoa kei ira ena matabose ni tabanalevu. Ena tu beka vei ira na veiliutaki ni matabete kei na mataisoqosoqo tale eso na vakasama ena ivakarau me ra vukei kina na gone e tu na nodra gagadre bibi. Ena dua na tabanalevu, eratou vakarautaka na bete levu e dua na nodra “tutu na Lalai” e veimacawa me dau dabe vata tiko kei na dua na gonetagane sega ni tu vinaka nona vakasama. (E vinaka, kevaka me dua tikoga e veimacawa.) Oqo ena vukea na gonetagane oqo me vagolea na nona vakasama ki na lesoni ka vakila ni lomani.

E vakavuvulitaka o Elder M. Russell Ballard, “E matata, ni o keda eda sa vakaitavitaki me baleti ira na gone vakamareqeti sa soli vei keda e dua na itavi tabu ka vakaturaga, ni sai keda sa lesia na Kalou me da ologi ira na gone nikua ena loloma kei na bukawaqa ni vakabauta ka me ra kila o cei o ira” (“Great Shall Be the Peace of Thy Children,” Ensign, Epe. 1994, 60).

Stick figure cues

Eso na gone e vakaleqai tu na kedra ituvaki ka ra dau vakaitavi vakavinaka ni tuvai vei ira na iyaloyalo. Vakayagataka na ituvatuva me vaka e vakaraitaki eke me vakatakilai kina na gauna ni masu, gauna ni vakadigagalu, se gauna ni lagasere.

Na iyaloyalo sa tu ena sharingtime.lds.org

Me baleta na itukutuku tale eso ni nodra vukei na gone e bibi na veika era gadreva, raica na lds.org/callings/primary (tabaka na Primary, qai Teaching All Children, Including Those with Disabilities); Teaching, No Greater Call, 38–39; kei na disabilities.lds.org.

A group of Primary children. A boy in front with his arms outstretched has Down's Syndrome.

Moici ni lesoni: O na gadreva beka mo moica na nomu gauna ni veiwasei me baleti ira na gone e vakaleqai tu na ituvaki ni nodra bula. Raica na sharingtime.lds.org me baleta na ivakaraitaki ni kena caka oqo.