Feperueri

Na iVolanikalou e Vakavuvulitaka na iTuvatuva ni Tamada Vakalomalagi

Sere: “Au na Muria na iTuvatuva ni Kalou”

(NVL, 164–65)

“Raica, oqo na inaki kei na lagilagi ni noqu cakacaka—me tucake tale mai na mate na tamata kecega ka rawata na bula tawamudu” (Mosese 1:39).

Kuria ki na veivakasama oqo na nomu o sa vakarautaka. Tuvanaka na sala me kilai kina na vunau baleti ira na gone ka vukei ira me ra kila vakavinaka kina ka bulataka ena nodra bula. Tarogi iko, “Na cava me ra cakava na gone me ra vuli kina, kei na sala meu vukei ira me ra vakila na Yalotabu?”

iMatai ni macawa: E tiko na nona ituvatuva na Tamada Vakalomalagi me baleti au.

Vakatakila na ivunau: Vakaraitaka vei ira na gone na iyaloyalo ni dua na vale. Vakamacalataka ni ra na gadreva na dautara vale me dua na droini ni vale ni bera ni ra qai tara na vale. Taroga, “Na cava e bibi kina na kena caka ka muri na droini?” Taura cake tu na ivolanikalou, ka tukuna vei ira na gone ni rawa ni da raica na nona droini na Tamada Vakalomalagi me baleti keda ena ivolanikalou. Vola ena papa “E tiko na nona ituvatuva na Tamada Vakalomalagi me baleti au.” Wilika vata na iyatuvosa.

Veivakauqeti me kilai: Vola na veitaro oqo ena papa:

• O cei o au?

• Au lako mai vei?

• Na cava au mai cakava eke?

• Na cava ena yaco vei au niu sa mate?

Solia vei ira yadua na gone e dua na tikinipepa me volai toka kina e dua vei ira na vosa oqo: o cei, e vei, na cava na vuna se na cava. Wilika vata na imatai ni taro ena papa, ka taroga vei ira kece na gone era taura tiko na vosa o cei me ra tucake. Lagata “Au Luve ni Kalou” (NVL, 2–3), ka taroga vei ira na gone era tucake tu se ra na sauma vakacava na taro. Tokaruataka ena veitaro kece, ena nomu vakayagataka na sere oqo: e vei: “I Lived in Heaven” (NVL, 4); na cava na vuna: “I Will Follow God’s Plan” (NVL, 164–65); na cava: “Did Jesus Really Live Again?” (NVL, 105)Vakadinadinataka ni nona ituvatuva na Tamada Vakalomalagi ena kauta mai vei keda na marau.

A boy holding up a picture in the Gospel Art Book.

Vaqaqacotaka na kila ka: Ni ra wasea na gone na veika era vulica ena Lalai vata kei ira na tani, ena qaqaco na nodra kila vakavinaka kei na ivakadinadina ni vunau. Vakasamataka mo solia vei ira na madigi eso me ra vakayacora oqo ena kalasi, ka vakayaloqaqataki ira me ra wasea na veika era sa vulica mai vale.

iKarua ni macawa: A bulia ko Jisu Karisito na vuravura me baleti au.

Veivakauqeti me kilai: Veisoli vakasama kei ira na gone ena veika era dau cakava ka tiko na kena ivakarau vei ira, me vaka na vesu wa ni ivava se na vakarau moce. Vakamacalataka ena ivolanikalou eda vulica kina ni a bulia na vuravura ko Jisu ena dua na ivakarau. Wasei ira na gone ki na ono na iwasewase ka solia ki na iwasewase yadua e dua na idusidusi vakaivolanikalou ka vakamacalataki kina e dua na siga ni Veibuli (raica na Mosese 2). Kerea na iwasewase yadua me ra droinitaka na iyaloyalo ni nodra siga. Me ra vakaraitaka na nodra iyaloyalo vei ira na vo ni gone ka tukuna vei ira na ka a buli ena siga ko ya. Sureti ira na gone me ra biuta na iyaloyalo ena kedra ituvatuva dodonu ena papa.

Veivakauqeti me bulataki: Taroga vei ira na gone, “Na cava e dua na ka a bulia ko Jisu ka bibi vei iko?” Solia yadua vei ira na gone e dua na ivakarau lailai ni valawa bali vakamasima (raica na NVMLNB, 165, me baleta na icakacaka ni valawa bali vakamasima). Me ra vakayagataka na gone na valawa bali me ra cakava kina na ibulibuli e bibi vei ira. (Kevaka e sega na valawa bali, e rawa ni ra droinitaka na gone na kena iyaloyalo.) Me ra wasea na gone ena nodra iwasewase ni kalasi na ka era sa cakava se droinitaka kei na vuna e bibi kina vei ira. Laga na “My Heavenly Father Loves Me” (NVL, 228–29).

iVakadinadina: E dua na ivakadinadina lekaleka ena rawa ni sureta na Yalotabu ena dua na gauna cava ga ena lesoni. E rawa ni rawarawa walega me vaka na nomu kaya, “Au kila ni na kauta mai na bula marau na nona ituvatuva na Tamada Vakalomalagi,” se rawa ni dua na ivakadinadina bibi cake ka oka kina na vosa me vaka “Au vinakata meu wasea na noqu ivakadinadina.” (Raica na NVMLNB, 43–44.)

Creation Picture

Creation picture

Creation Picture

iKatolu ni macawa: Na matavuvale sa itakele ni nona ituvatuva na Tamada Vakalomalagi.

Vakatakila na ivunau: Vola na veika oqo ena papa: “Na matavuvale sa itakele ni nona ituvatuva na Tamada Vakalomalagi.” Veitalanoataka na ibalebale ni iyatuvosa oqo. Bokoca na iyatuvosa. Tukuna na imatai ni rua na vosa, ka kerei ira na gone me ra vakatotomuria. Qai tukuna na imatai ni va na vosa, ka kerei ira na gone me ra vakatotomuria. Tomana tiko me yacova ni sa rawa ni ra vakatotomuria na gone na iyatuvosa taucoko.

Veivakauqeti me kilai: Kerei ira taumada eso na gone me ra matataka na matavuvale eso mai na ivolanikalou. Vakarautaka eso na ivakatakilakila me baleta na matavuvale yadua (me vaka beka oqo, Atama kei Ivi: “Na neirau matavuvale na imatai ni matavuvale e vuravura”; Eparaama kei Serai: “Keirau sa qase sara qai dua na luvei keirau”; kei Liai kei Seraia: “Keirau kosova na wasawasa me keirau yaco ki na vanua yalataki”), ka solia na ivakatakilakila oqori vei ira na gone. Vakarautaka na isulu rawarawa ga eso, kevaka e rawa. Kerei ira na gone ka ra matataki ira na veimatavuvale mai na ivolanikalou me ra lako mai ki liu, dua na ilawalawa ena dua na gauna. Me ra wilika na nodra ivakatakilakila ka kerei ira na vo ni gone ena Lalai me ra kilakila o cei era matataka tiko. Ni sa kilai kece na matavuvale oqori, vakaraitaka vei ira na gone na tikina ena ivolanikalou e rawa ni ra vulica kina me baleta na matavuvale oqo. Tukuna na sala era dui muria kina na veimatavuvale oqo na nona ituvatuva na Tamada Vakalomalagi ena vukudra.

A woman leader standing with two children dressed in Biblical costumes in Primary sharing time.

Veivakauqeti me bulataki: Kerei ira na gone me ra vakasamataka na veika vivinaka e tu ena nodra matavuvale. Sureti ira me ra wasea na veika vivinaka oqori vei ira vakataki ira ena nodra ilawalawa se ena Lalai taucoko.

Moica na itaviqaravi me veiganiti kei na nodra yabaki ni bula na gone ena Lalai (raica na NVMLNB, 110–17). Me vaka beka oqo, ena ika 2 ni itaviqaravi ena ikatolu ni macawa, e rawa me ra taroga na gone qase cake na taro io se sega ka sega ni rogoca na ivakatakilakila me baleta na matavuvale vakaivolanikalou era matataka.

iKava ni macawa: Au na muria na nona ituvatuva na Kalou.

Veivakauqeti me kilai: Vakaraitaka eso na bini se na vatu lalai kei na dua na tavaya lala ka vakatakilakilataki ena dua na droini ni matadredredre. Tukuna vei ira na gone ni nona ituvatuva na Tamada Vakalomalagi e solia vei keda na galala me da digia na dodonu se na cala. Vakamacalataka ni digidigi vinaka ena kauta mai na bula galala kei na marau, ia na digidigi ca ena kauta mai na vesuki kei na rarawa (raica na 2 Nifai 2:27). Taroga vei ira na gone, “Na ivakaro cava o sa talairawarawa tiko kina ena nomu muria na nona ituvatuva na Kalou?” Solia e dua na bini vei ira yadua na gone era sauma mai na taro. Vola ena papa na veika era tukuna. Taroga vei ira na gone e tiko na kedra bini me ra wasea na sala cava ena basika kina na marau ni muri na ivakaro e cavuta. Qai laiva me biuta na gone na nona bini ena tavaya. Vakadinadinataka ni da na vakasinaita na noda bula ena marau kevaka eda digia me da muria na nona ituvatuva na Kalou.

2016 Outline for Sharing Time/Children's Sacrament Meeting Program

Na kuila e tu ena sharingtime.lds.org

Au na muria na ituvatuva ni Kalou ena:

Veivakauqeti me bulataki: Vakarautaka e dua na tiki ni pepa levu ena ibulibuli ni dua na kuila me baleta na kalasi yadua. Vola ena kuila yadua “Au na muria na nona ituvatuva na Kalou ena …” Vakamacalataka ni nona ituvatuva na Tamada Vakalomalagi e soli kina vei keda na galala me da digia na dodonu se na cala, kei na veika eda digitaka me da cakava e veisiga sa bibi sara ena noda bula marau. Me ra cakacaka vata vakalasi na gone me ra droini se ra vola ena nodra kuila na veika e rawa ni ra cakava me ra muria kina na nona ituvatuva na Tamada Vakalomalagi, ka sureti ira me ra sainitaka na yacadra. Kerei ira na kalasi yadua me ra wasea na veika era droinitaka se ra vola ena nodra kuila. Me ra tayabe wavoki ena loma ni rumu na gone ka ra taura tu na nodra kuila ka lagata “I Will Be Valiant” (NVL, 162). Vakaraitaka tu na kuila ena rumu ni Lalai.

Children standing in a line at the front of the Primary room. Some of them are holding banners.

Vagoleya mai na nodra igu na gone ena imoimoi veiganiti me rawa ni ra vakaitavi tikoga.

A glass jar containing dry beans. A smiling face icon is attached to the outside of the jar.

Na mata mamarau e tu ena sharingtime.lds.org