Julai

Na Valetabu na Vale ni Kalou

Sere: “I Love to See the Temple”

(NVL, 95)

“Sa koto kina na veicakacaka vakalotu kei na veiyalayalati ena veivaletabu me rawa kina vei keda vakayadua sara me da na curuma tale na nona iserau na Kalou ka vakakina me vauci vata ka tawamudu na matavuvale” (“Na Matavuvale: Ai Vakaro ki Vuravura Raraba,” parakaravu 3).

Kuria ki na veivakasama oqo na nomu o sa vakarautaka. Tuvanaka na sala me kilai kina na vunau baleti ira na gone ka vukei ira me ra kila vakavinaka kina ka bulataka ena nodra bula. Tarogi iko, “Na cava me ra cakava na gone me ra vuli kina, kei na sala meu vukei ira me ra vakila na Yalotabu?”

iMatai ni macawa: Sa vakaroti ira na Nona tamata na Kalou me ra tara na Valetabu.

Vakatakila na ivunau: Vakaraitaka na iyaloyalo ni dua na valetabu ka vola ena papa “Na valetabu e .” Sureti ira na gone me ra lagata na imatai ni qaqa ni “I Love to See the Temple” (NVL, 95). Tukuna vei ira me ra sikinalataka mai ni ra sa lagata na malanivosa ka na vakacavari kina na iyatuvosa e toka ena papa ena nodra roqota na ligadra. Tukuna vei ira na cava na valetabu (na vale ni Kalou). Vukei ira na gone me ra raica na “Valetabu” ena iVolavosa ni iVolatabu (tabana 780–81). Vukei ira me ra kunea na itukutuku e vakamacalataki kina ni valetabu e Nona vale dina sara na Turaga ka sa dau vakaroti ira na Nona tamata na Kalou me ra tara Valetabu.

Veivakauqeti me kilai: Vakarautaka na ivakatakilakila eso me baleta na valetabu a tara ko Mosese (raica Na Lako Yani 25:1–2, 8–9), Nifai (raica na 2 Nifai 5:16), kei na Josefa Simici (raica na V&V 124:31) kei ira era dau muri ira. Me vaka oqo: “Na neimami valetabu a dau vakatokai me valecavu, ka keimami dau kauta ni keimami lako voli” (Mosese) se “Keimami a tara e dua na valetabu ena neimami biuti Jerusalemi ka soko kosova na wasawasa” (Nifai). Digia e tolu na gone me ra matataki iratou na parofita oqo, ka sureti ira me ra solia na ivakatakilakila ki na Lalai. Sureti ira na vo ni gone me ra kilakila o cei eratou dui matataka tiko. Ni ra sa kila rawa, vakaraitaka na kena iyaloyalo na parofita se na valetabu era a tara o koya kei ira na nona tamata.

The Book of Mormon prophet Lehi and his family aboard a ship. The family members are looking at and pointing to the shores of the promised land. Birds are flying around the ship.

A depiction of the Israelite tabernacle in the wilderness. The tabernacle is viewed from above. The interior and exterior of the tabernacle are depicted.

Night time shot of the Nauvoo Illinois Temple. The photograph is taken looking west, showing the temple from the back.

Na iyaloyalo sa tu ena sharingtime.lds.org

Veivakauqeti me kilai: Vakaraitaka na iyaloyalo ni valetabu e voleka duadua ki na vanua o vakaitikotiko kina. Veitalanoataka na taro eso oqo: Na cava na vuna o nanuma ni vakaroti keda kina na Kalou me da tara valetabu? Na cava e rawa ni o cakava mo vakavakarau kina mo lako ki na valetabu ena dua na siga?

Sureta na isau ni taro: Era na rawa ni sauma vakavinaka cake na gone na taro kevaka e soli vei ira na gauna me ra vakasamataka kina vakavinaka. Dau nanuma mo tukuna vei ira ni o na solia vei ira na gauna me ra vakasamataka ni bera ni o qai kerea na kena isau. (Raica na NVMLNB, 69.)

iKarua ni macawa: Ena vakalougatataki na veimatavuvale mai na veicakacaka tabu vakalotu ni valetabu.

Vakatakila na ivunau: Sureta e dua na gone qase cake me wilika na iotioti ni rua na iyatuvosa mai na ika 3 ni parakaravu ni “Na Matavuvale: Ai Vakaro ki Vuravura Raraba” ki na Lalai. Biuta na veivosa yadua oqo kei na malanivosa ena veitikinipepa duidui: Na valetabu, e vanua savasava, eda dau laki vauci vata kina. Dui biubiuti ira ena papa. Me tosoya e dua na gone na nona tikinipepa ki na kena tikina dodonu. Me vakayacori tiko me yacova ni sa tuvalaki donu na ivolanikalou. Lagata na ikarua ni qaqa ni “I Love to See the Temple,” ka me ra vakarogoca na veimama ni gone e rua na ka eda dau cakava ena valetabu (veiyalayalati ka yalataka mo muria) kei na ikarua ni veimama me ra vakarorogo ki na dua na dina era sa vulica (na matavuvale e tawamudu). Vukei ira na gone me ra kila ena nodra vauci ki na nodra matavuvale ena valetabu sa kena ibalebale ni rawa ni ra na duavata me tawamudu.

2016 Outline for Sharing Time/Children's Sacrament Meeting Program

Vakatakilataka vakavinaka na vunau o vakavulica tiko. Oqo ena vukei ira na gone me ra kila kina vakavinaka ka bulataka vakavinaka cake.

Na valetabu e dua na vanua savasava ka da na vauci vata kina.

Na tikinipepa ni vosa ena sharingtime.lds.org

Veivakauqeti me bulataki: Sureta e dua na matavuvale se vica na gone me ra wasea na lomadra ena nodra gade ki na lomanibai ni valetabu se na sala era sa vakalougatataki kina ena vuku ni valetabu kei na cakacaka vakalotu ni veivauci. Sureti ira na gone me ra droinitaka na iyaloyalo ni nodra matavuvale ena tautuba ni valetabu.

Lomani ira o dau vakavulica: Ni o veivakavulici me baleta na matavuvale tawamudu, mo dau kauwai ena vukudra na gone ka sega tu na tamadra kei na tinadra ena nodra matavuvale. Mo dau kauwai talega ena vukudra na gone ka ra luluqa tu se sega ni lewe ni Lotu na nodra itubutubu se dua na tacidra. Vakayaloqaqataki ira kece sara na gone me ra bula kilikili ka vakavakarau me rawa ni dua na nodra matavuvale tawamudu vakataki ira ena dua na siga. (Raica na NVMLNB, 31–32.)

iKatolu ni macawa: Era a cakacaka vakaukauwa ka solibula na ivuvu ni lotu me ra tara na valetabu.

Veivakauqeti me kilai: Vakasoqona vata na itukutuku eso me baleta na kena tarai cake na valetabu e Kirtland kei Salt Lake ka, kevaka e rawa, na valetabu ka voleka duadua ki na vanua o vakaitikotiko kina. (Raica na Lalai 5, lesoni 25 kei na 44 se LDS.org me baleta na itukutuku ni Valetabu e Kirtland kei Salt Lake.) Kerea eso na itabaqase me ra lako mai ki na Lalai ka wasea na itukutuku vei ira na gone. Wasei ira vakailala na gone, ka me ra veivukevuke na gone me ra mai sota kei ira na itabaqase. Sureti ira na gone me ra lagata na “I Love to See the Temple” ena nodra lako mai vua e dua na vulagi sureti ki vua e dua tale.

Primary teachers gathered in groups in a large room. They are each being taught by a different teacher.

O na gadreva beka mo moica na itaviqaravi me sotava na nodra gagadre na nomu Lalai. Me vaka beka oqo, kevaka era lewe levu na nomu Lalai, me ra na veitokiyaki na nomu vulagi sureti mai na dua na ilala ki na dua tale ka kua ni ra toki na gone mai vua e dua na vulagi ki vua e dua tale. (raica na NVMLNB, 179).

iKava ni macawa: Au rawa ni vakavakarau meu kilikili kaya na lako ki na valetabu.

Veivakauqeti me kilai ka bulataki: Vakaraitaka “Na Noqu iVakatagedegede Vakosipeli” ka vakamacalataka ni noda muria na veivakatagedegede oqo ena vukei keda me rawa ni da kilikili me da lako ki na valetabu. Wasei ira vakailawalawa na gone. Me dua na qasenivuli ena veilawalawa yadua me veitalanoataka na ivakatagedegede ena vukei ira na gone me ra vakavakarau me ra lako ki na valetabu ka vakadinadinataka na sala sa vukei koya kina na nona bulataka na veivakatagedegede oqo. Kerea na ilala yadua me ra digia e dua na ivakatagedegede vakosipeli ka qai vola se droinitaka na nodra yalayala me ra muria na ivakatagedegede oya. Sureta na bisopi se peresitedi ni tabana ki na Lalai, me wasea na nona ivakadinadina me baleta na bibi ni valetabu.

2016 Outline for Sharing Time/Children's Sacrament Meeting Program

Na posita sa tu ena sharingtime.lds.org

Bolebole Vakayabaki: Nanuma mo solia vei ira na gone na madigi me ra wasea na veika era vulica tiko ena nodra dau wili ivolanikalou (raica na Janueri, ika 2 ni macawa).