Me

Sa Vakalesui Mai na Lotu i Jisu Karisito

Sere: “Dokai Koya,” tikina 1 kei na 3

(Serenilotu, naba 15)

“Au sa raica e rua na Tamata, ia na kedrau iserau kei na iukuuku sa sega ni vakamacalataki rawa, raica erau sa tucake tu ena maliwa lala donuya na mataqu. A sa kacivi au e dua vei rau, dusi koya na kena ikarua ka kaya—Oqo na Noqu Gone ni Toko. Mo Rogoci Koya! Josefa Simici—Ai Tukutuku 1:17)

Kuria ki na veivakasama oqo na nomu o sa vakarautaka. Tuvanaka na sala me kilai kina na vunau baleti ira na gone ka vukei ira me ra kila vakavinaka kina ka bulataka ena nodra bula. Tarogi iko, “Na cava me ra cakava na gone me ra vuli kina, kei na sala meu vukei ira me ra vakila na Yalotabu?”

iMatai ni macawa: Sa vakalesui mai na Lotu i Jisu Karisito.

Vakatakila na ivunau: Ni bera na Lalai, vola na ikaono ni yavu ni vakabauta ena papa. Kerei ira na gone me bobo na matadra. Tukuna vei ira ena gauna sa mate oti kina ko Jisu Karisito, sa yaco me ra dau caka ca na tamata ka sa kau tani kina mai vuravura na Nona kosipeli kei na matabete. Vakamacalataka ni vakatokai oqo me Vukitani, ka ra sa tu kina na tamata ena butobuto vakayalo—me vaka ni bobo tu na matadra vakayalo—me yacova ni sa vakalesuya mai ko Jisu na Nona Lotu mai vei Josefa Simici. Taura cake tu e dua na iyaloyalo ni iMatai ni Raivotu, ka tukuna vei ira na gone me rai na matadra. Vukei ira na gone me ra cavuqaqataka na ikaono ni yavu ni vakabauta ena nodra wilika vata i cake. Bokoca e vica na vosa, ka tokaruataka tiko me yacova ni sa boko laivi kece na vosa ka ra sa cavuqaqataka rawa na gone na yavu ni vakabauta.

Veivakauqeti me kilai: Cakava na tikinipepa ni vosa me baleta na itavi yadua ena ivolakabi sa vakaraitaki toka e ra. Vola na yaca ni veitutu ena papa me vaka sa vakaraitaki tu, ka biuta tu e dua na iyatu lala e lomadonu me matataka na itavi. Wasei ira na gone ki na lima na ilala, ka solia vei ira e yadua na tikinipepa ni vosa. Sureti ira na ilala yadua me ra biuta na nodra tikinipepa ni vosa ena kena itutu dodonu ena papa. Dusimaka ni Lotu vakalesui mai era tu kina na veiliutaki vata era a tu ena Lotu ena gauna se tiko kina e vuravura ko Jisu.

ITUTU ENA LOTU TAUMADA	ITAVI	ITUTU ENA LOTU VAKALESUI MAI
iApositolo	Mo ivakadinadina bula digitaki kei Jisu Karisito	iApositolo
Parofita	Tukuna na lomana na Tamada Vakalomalagi	Parofita
iTalatala	Liutaka e dua na ilawalawa lailai ni Yalododonu	Bisopi
iVakavuvuli	Vakavulica na kosipeli	iVakavuvuli
Dauvunau	Solia na veivakalougatataki digitaki	Peteriaki

Na tikinipepa ni vosa sa tu ena sharingtime.lds.org

A girl and boy holding up images representing the offices in the priesthood.

Wasewase vakayabaki: Tuvanaka na nomu gauna ni veiwasei me ra vakaitavi o ira na gone qase cake kei ira na gone sobu. Me vakaoqo, ena ikarua ni itaviqaravi ena imatai ni macawa, e rawa ni o vakayagataka na matakau qaniliga me vukea na nodra nanuma tiko na gone sobu na ulutaga yadua. Ena itaviqaravi ni ika 2 ni macawa, e rawa ni o wasei ira na gone sobu ena ilala vakalasi ka me ra tukuna vei ira na italanoa na qasenivuli qai railesuvi ena kena dusi na iyaloyalo ka taro.

Na qaniliga matakau era tu ena sharingtime.lds.org

iKarua ni macawa: O Josefa Simici na parofita ni Veivakalesui Mai

Veivakauqeti me kilai: Kumuna vata na iyaloyalo kei na veika e yaco ena vakalesui mai ni Lotu. Wasea na iyatuvosa “O Josefa Simici na parofita ni Veivakalesui Mai” ki na kena levu ga na iwasewase me rauta na iyaloyalo sa tiko, ka vakarautaka e dua na tikinipepa ni vosa me baleta na vosa se na malanivosa yadua (raica na ivakaraitaki). Wasei ira vakailala na gone, ka solia ki na ilala yadua e dua na tikinipepa ni vosa, dua na iyaloyalo, kei na dua na idusidusi vakaivolanikalou ka vakamacalataka na ka e yaco tiko ena iyaloyalo. Kerei ira na gone me ra wilika na ivolanikalou ka veitalanoataka na veika e yaco tiko ena iyaloyalo. Me ra qai wasea na ilala yadua na nodra italanoa vata kei ira na vo ni gone ena Lalai. Veitalanoataka na itavi nei Josefa Simici ena veika yadua oqori, ka me ra vakasamataka na gone yadua na sala sa tara kina na nodra bula se rawa ni tara kina na nodra bula na veika oqori. Biuta na iyaloyalo kei na tikinipepa yadua ni vosa ena papa ena kena veitaravi dodonu. Ni sa tu kece ena papa na tikinipepa ni vosa, ni wilika vata na iyatuvosa.

Young prophet sits in rocker reading large family Bible--reads James.

Joseph Smith, Jr. sitting on the ground in the Sacred Grove. Joseph is looking up at a vision of Jesus Christ and Father in Heaven, both of whom are dressed in white robes. The Father is extending His hand toward Christ as He instructs Joseph to listen to Him.

The Prophet Joseph Smith sitting on his bed in the Smith farm house. Joseph has a patchwork quilt over his knees. He is looking up at the angel Moroni who has appeared before him. Moroni is depicted wearing a white robe. The painting depicts the event wherein the angel Moroni appeared to the Prophet Joseph Smith three times in the Prophet's bedroom during the night of September 21, 1823 to inform him of the existence and location of the gold plates, and to instruct him as to his responsibility concerning the plates.

Oliver Cowdery writing as Joseph Smith reads from the gold plates.

Joseph Smith, Jr. and Oliver Cowdery kneeling before John the Baptist. John the Baptist has his hands placed on the head of Joseph Smith, Jr. as he restores the Aaronic Priesthood. John is depicted wearing white. There are trees and a river in the background.

Kirtland Ohio Temple

Na tikinipepa ni vosa kei na iyaloyalo era sa tu ena sharingtime.lds.org

Ko Josefa Simici na parofita ni Veivakalesui mai.

JS—AT 1:5–13

JS—AT 1:14–20

JS—AT 1:30–35

JS—AT 1:34–35, 67

JS—AT 1:68–73

V&V 109:2–4

iKatolu ni macawa: Na iVola i Momani e dua tale na ivakadinadina kei Jisu Karisito

Veivakauqeti me kilai: Ni wilika vata na ulutaga ni iVola i Momani mai na tabana ni ulutaga. Wilika i cake na ivolanikalou oqo, ka me ra laveta na ligadra na gone ni ra rogoca eso tale na yacana na iVakabula: 2 Nifai 19:6; Alama 5:38; 3 Nifai 5:26. Ni ra kila na gone na ulutaga, vola ena papa. Digia e vica na ulutaga, ka vakasamataka na sala e vakataucokotaka kina na itavi oqori na iVakabula.

Veivakauqeti me bulataki: Solia vei ira yadua na gone e dua na ivakatakilakila ni ivola ka volai toka kina na iyatuvosa “Na iVola i Momani e dua tale na ivakadinadina kei Jisu Karisito.” Sureti ira me ra ukutaka na ivakatakilakila ka vakayagataka ena nodra ivolanikalou. Vakasamataka me ra ripotetaka e vica na gone na nodra takete me ra tauyavutaka e dua na itovo ni vuli ivolanikalou e veigauna (raica na Janueri, ika 2 ni macawa). E rawa ni o sureti ira me ra wasea na nodra nanuma me baleta na malanivosa ni ivolanikalou era sa wilika.

Booksmarks created by children

Na ivakatakilakila ni ivola sa tu ena sharingtime.lds.org

Na iVola i Momani e dua tale na ivakadinadina kei Jisu Karisito

iKava ni macawa: Sa vakalesui mai na matabete.

Vakatakila na ivunau: Vakaraitaka vei ira na gone e dua na iyaya e cakacaka ena livaliva. Qai vakaraitaka ni na sega ni rawa ni cakacaka kevaka e sega na kaukauwa dodonu. Me taura cake tu e dua na gone e dua na iyaloyalo kei Karisito ni tabaki ira tiko na Nona iApositolo. Vakamacalataka ni nona Lotu na Karisito ena sega ni cakacaka rawa kevaka e sega na kaukauwa ni matabete. Me vunitaka na gone oqo na iyaloyalo e dakuna. Vakamacalataka ni gauna era sa mate kina na iApositolo nei Karisito, sa yali kina na dodonu ni matabete. Me dua tale na gone me vakaraitaka e dua na iyaloyalo ni kena vakalesui mai na matabete. Vakadinadinataka ni sa vakalesuya mai na Kalou na matabete mai vei Josefa Simici.

Veivakauqeti me kilai: Kerea e dua me wilika V&V 107:1, ka me ra vakarogoca na gone na yacadrau na matabete. Biuta ena papa e dua na iyaloyalo ni kena vakalesui mai na Matabete i Eroni kei na iyaloyalo ni kena vakalesui mai na Matabete i Melikiseteki. Vola na iEroni se iMelikiseteki ena dela ni kena iyaloyalo. Veivosakitaka o cei a vakalesuya mai, se kauta lesu mai, na matabete e rua oqo vei Josefa Simici (raica na Josefa Simici—Ai Tukutuku 1:72). Vakaraitaka vei ira na gone e vica na iyaloyalo ni cakacaka vakalotu ni matabete, me vaka na papitaiso, veivakadeitaki, veisoliyaki ni sakaramede, kei na vakalougatataki ni matabete, kei na nodra vakabulai na tauvimate. Sureti ira na gone me ra solia tiko na iyaloyalo ni ra lagata tiko na “The Priesthood Is Restored” (NVL, 89). Tarova ena veigauna eso na sere, ka kerei ira na gone era taura tu na iyaloyalo me ra tu volekata na vosa iEroni se iMelikiseteki. Vakayacori tale ke tiko na kena gauna.

Veivakauqeti me bulataki: Me ra vakasamataka na gone na sala era sa vakalougatataki kina mai na matabete. Sureti ira me ra cakava e dua na kadi ni vakavinavinaka se iyaloyalo me soli vua e dua na matabete era kila (me vaka e dua na bisopi, qasenivuli, tama, se daukaulotu).

Wasei na lomadra: Solia vei ira na gone na madigi me ra wasea na lomadra me baleta na kosipeli. Oqo ena sureta na Yalotabu ka vaqaqacotaka na nodra kila na gone na kena vakayagataki ena nodra bula na ivunau. (Raica na NVMLNB, 63–65.)

A teacher and children standing in front of a Primary class. They are holding pictures.

Ena itaviqaravi ni ikava ni macawa, sa nomu kina na madigi mo dikeva na nodra kila ka na gone. Na kena talevi tale e rawa ni vakadeitaka ena nodra vakasama na ivakavuvuli.