June

Na iMatai ni iVakavuvuli kei na Cakacaka Vakalotu ni Kosipeli Sa Rawa Kina vei Au Meu Bula Vata Tale kei na Kalou

Sere mo digitaka mai na Nodra iVolanisere na Lalai

“Keimami vakabauta ni sa yavu ni i vakavuvuli ni itukutuku vinaka na: ai matai, Mo vakabauta na Turaga o Jisu Karisito; ai karua, na Veivutuni; ai katolu, na Papitaiso ena tabadromuci e wai me bokoci kina na ivalavala ca; ai kava, na isolisoli ni Yalo Tabu ena veitabaki ni liga” ( Na Yavu ni Vakabauta 1:4).

Kuria ki na veivakasama oqo na nomu o sa vakarautaka. Tuvanaka na sala me kilai kina na vunau baleti ira na gone ka vukei ira me ra kila vakavinaka kina ka bulataka ena nodra bula. Tarogi iko, “Na cava me ra cakava na gone me ra vuli kina, kei na sala meu vukei ira me ra vakila na Yalotabu?”

iMatai ni macawa: Ni da vakabauti Jisu Karisito me da lomani Koya, vakararavi Vua, ka talairawarawa ki na Nona ivunau.

Kila na ivunau ka veivakauqeti me kilai: Vola ena papa na “vakabauti Jisu Karisiro ena yaco kina me da lomani Koya, vakararavi Vua, ka rokova na Nona ivunau.” Vakaraitaka vei ira na gone eso na sorenikau. Taroga: Na sorenikau oqo e rawa ni ra yaco me ra cava?” “O kila vakacava ni na tubu na sorenikau oqo?” “Na cava me da cakava me ra tubu kina?” Vakamacalataka ni noda vakabauti Jisu Karisito, me vaka na sorenikau, e rawa ni tubu kevaka eda susuga cake. Veitalanoataka na veika e rawa ni da cakava me vukea na kena tubu na noda vakabauta, ka vakamacalataka na sala era na vakavuna kina na veika oqo me da lomana ka dau vakararavi vei Jisu Karisito ka rokova na Nona ivunau. Lagata na “Faith” (NVL, 96–97). Bulia eso na matana e ligamu me sala vata kei na imatai ni qaqana.

Frontal head and shoulders portrait of Jesus Christ. Christ is depicted wearing a pale red robe with a white and blue shawl over one shoulder. Light emanates from the face.

Sa tu na droini ena sharingtime.lds.org

Two young girls dressed in pink dresses. One is holding a potted plant and the other is holding seeds.

Tokaruataki: Era dau vuli na gone ni tokaruataki na ka. Vakasamataka mo vakalevutaka na lesoni vakaraitaki ena imatai ni macawa me vaqaqacotaka na ivakavuvuli ni vakabauta. Tea na sorenikau ena dua na vokete, ka dau kauta mai ena veigauna eso na kau sa tubu tiko oqo ki na Lalai. Tukuna vei ira na gone na veika o sa cakava mo vukea na kena tubu na kau. Veidutaitaka na kena susu cake e dua na sorenikau ki na kena susugi cake na vakabauti Jisu Karisito.

iKarua ni macawa: Na veivutuni e kauta mai na veivosoti.

Vakatakila na ivunau: Sureti ira na gone me ra cereka na ivolanikalou ka wilika na Vunau kei na Veiyalayalati 58:42–43. Kerei ira me ra raica na cava e yaco ni da veivutunitaka na noda ivalavala ca. (Kevaka e rawa, sureti ira na gone me ra vakatakilakilataka na tikina eso oqo ena nodra ivolanikalou.) Tukuna vakalekaleka vei ira na gone na veika e baleti Inosi (raica na Inosi 1:1–4), ka me wilika e dua na gone na Inosi 1:5–8. Vakadinadinataka ni Veisorovaki nei Jisu Karisito e rawa kina vei keda me da vosoti ena noda ivalavala ca.

Veivakauqeti me kilai: Vakamacalataka ni o ira na tamata era sa veivutuni ka sa vosoti na nodra ivalavala ca era na gadreva me ra qarava na Kalou. Wasei ira vakatolu na gone, ka solia ki na ilala yadua e dua vei ira na iyaloyalo oqo kei na idusidusi vakaivolanikalou: Veipapitaisotaki o Alama ena wai ko Momani (Mosaia 17:2–4; 18:1–17); Jona (Jona 1–3); na nodra buluta na nodra iseleiwau o ira na Onitai-Nifai-Liai (Alama 23:4–18; 24:6–19). Vakamacalataka ni italanoa eso oqo e tukuni kina na veika e baleti ira na tamata era a veivutunitaka na nodra ivalavala ca ka qarava na Turaga. Kerei ira na ilala yadua me ra railesuva na ivolanikalou ka vakarautaka ka vakatasuasuataka e dua na drama me vakaraitaka na nodra sa veivutuni na tamata oqo ka qarava na Turaga (ena kena vakavuvulitaki na kosipeli, kaulotu, ka bese ni vala).

iKatolu ni macawa: Niu sa papitaiso, au sa vakayacora e dua na veiyalayalati kei na Kalou.

Veivakauqeti me kilai: Kerea e dua na gone me lako mai ka dodoka tu ki liu na ligana. Qai biuta e yadua na ivola ena ligana. Wilika na Mosaia 18:7–11. Vakamacalataka ni dua vei ira na veiyalayalati eda cakava ena gauna eda papitaiso kina sai koya me da “veivuketaka na noda icolacola, me mamada kina.” Taroga na gone e taura tu na ivola kevaka sa wawale tiko mai na ligana. Me rua tale na gone me rau veivuke me rau taura cake tu na ligana. Veitalanoataka eso na icolacola era colata tu eso na gone, me vaka na nodra dau vakasewasewani, na tauvimate, galili, se dredre tiko na ka ni vuli. Taroga vei ira na gone na sala me ra veivukevukei kina me vakamamadataki na nodra icolacola.

Three children, two boys and a girl, participating in Primary sharing time. They are standing together holding books in front of them.

Era na vakarorogo matua sara na gone ka ra vakarautaki me ra vuli ni ra veivakatakarakarataki. Me vakaoqo, na itaviqaravi oqo e vakaraitaki ira na gone ena nodra vakatasuasuataka tiko na vakasama ni veivuketaka na nodra icolacola.

Veivakauqeti me bulataki: Tukuna vei ira na gone ni papitaiso sai koya na matamata ka na basika ena sala ki na bula tawamudu (raica na 2 Nifai 31:17). Ena dua na yasa ni rumu biuta kina e dua na iyaloyalo ni dua na gone e papitaiso tiko. Ena yasa ni rumu kadua biuta kina na kena iyaloyalo na iVakabula, ka vakamacalataka ni ena itaviqaravi oqo na iyaloyalo oqo e matataka na bula tawamudu. Tukuna vei ira na gone ni da tiko ena sala ki na bula tawamudu ena gauna eda rokova tiko kina na noda veiyalayalati ni papitaiso. Railesuva vakalekaleka na veiyalayalati oqo (nanumi Jisu Karisito tiko, talairawarawa ki na ivunau, ka dau vukei ira na tani). Solia vei ira yadua na gone e dua na pepa ka droinitaki tu kina na isasabai na DND. Me ra vola na gone ena nodra pepa e dua na ivunau ka na vukei ira me ra rokova tiko na nodra veiyalayalati ni papitaiso (e rawa ni ra droinitaka e dua na iyaloyalo me tukuni kina na ivunau era digitaka). Sureta e dua na gone me biuta na nona pepa ena buturara ena maliwa ni iyaloyalo e rua. Kevaka e rawa, vukei ira na gone me ra kunea na ivunau ena nodra ivolanikalou ka wilika vata. Tokaruataka tiko me yacova ni ra sa cakava rawa na gone e dua na sala ena maliwa ni ivolanikalou.

Line drawing of CTR logo - Outline Version

Sa tu na itawake ena sharingtime.lds.org

iKava ni macawa: E dau vakacegui au ka tuberi au na Yalo Tabu.

Veivakauqeti me kilai: Wasei ira vakailala na gone, ka solia ki na ilala yadua e dua na tikinipepa ka tu kina na ivolanikalou eso oqo:

• “E dina, e dina, au sa kaya vei iko, Au sa solia vei iko na noqu Yalo Tabu, ia ena vakavukui iko ko Koya ka vakasinaiti iko ena ” (V&V 11:13).

• “Kevaka dou sa curu ena matamata ka rawata na Yalo Tabu, ena na veika kece mo dou kitaka” (2 Nifai 32:5).

• “Ia na Dauveivakacegui na Yalo Tabu, … ena na ka kecega, ka kauta mai na ka kecega ki na nomudou , a ka kecega kau a vosataka vei kemudou” (Joni 14:26).

• “Mo vakarorogo vua na Yalotabu ni na tuberi iko ena —io ena vukei iko mo kitaka na veika vinaka, mo yalomalumalumu, ka ; oqori na noqu Yalotabu” (V&V 11:12).

• “Ia na kaukauwa ni Yalo Tabu ena ni veika kecega” (Moronai 10:5).

Kerei ira na gone me ra vakasaqara na ivolanikalou ka vakalewena na lomanibai lala. Me ra qai veitalanoataka na sala ena vukei keda kina na Yalo Tabu. Sureti ira me ra wasea na veika era sa sotava ena kena vukei ira na Yalo Tabu.

iVolanikalou: Sa ka bibi sara me ra dau vulica na gone na dina ni kosipeli mai na ivolanikalou (raica na NVMLNB, 50–51). Sureti ira na gone me ra dusia yadua na vosa ni o wilika tiko i cake e dua na ivolanikalou. Kerei ira na gone sobu me ra vakarogoca toka vakamalua e dua na vosa se malanivosa ka laveta na ligadra ni ra sa rogoca.

Veivakauqeti me bulataki: Tukuna vei ira na gone ni dau vukei keda na Yalo Tabu ena vuqa sara na sala. Lagata “The Holy Ghost” NVL, 105). Kerei ira na gone me ra laveta cake na ligadra ena gauna era lagata kina e dua na sala e rawa ni vukei ira kina na Yalo Tabu. Tarova na sere ka veitalanoataka na veika era sa vulica me baleta na Yalo Tabu. Tomana tikoga na lagasere kei na veivosaki. Wasea e dua na gauna sa vakacegui se tuberi iko kina na Yalo Tabu.

Sa tu na tikidua ena sharingtime.lds.org