Okosita

E Dua na Valetabu ni Kalou na Yagoqu

Sere: “The Lord Gave Me a Temple”

(NVL, 153)

“Dou sa sega beka ni kila ni dou sa vale ni Kalou, ka sa tiko vei kemudou na Yalo ni Kalou?”… Ni sa savasava na vale ni Kalou, ia sai kemudou oqo” (1 Korinica 3:16–17).

Kuria ki na veivakasama oqo na nomu o sa vakarautaka. Tuvanaka na sala me kilai kina na vunau baleti ira na gone ka vukei ira me ra kila vakavinaka kina ka bulataka ena nodra bula. Tarogi iko, “Na cava me ra cakava na gone me ra vuli kina, kei na sala meu vukei ira me ra vakila na Yalotabu?”

iMatai ni macawa: E dua na valetabu na yagoqu.

Vakatakila na ivunau: Ni se bera na Lalai, vola na malanivosa “Dou sa vale ni Kalou” (1 Korinica 3:16) ena papa. Vakaraitaka vei ira na gone na iyaloyalo ni valetabu, ka taroga vei ira na cava na vuna sa rui bibi kina na valetabu (oqo e dua na nona vale na Turaga, savasava, qarauni vakavinaka, ka dua na vanua e rawa ni lako mai kina na Yalo Tabu). Vola ena papa na veika era tukuna. Vakamacalataka ni yagoda, me vaka na valetabu, era sa ka tabu ka gadrevi me da dau rokova o keda kei ira na tani.

Veivakauqeti me kilai ka bulataki: Lavetaka na iyaloyalo ena tabana e 47 ni ivolavakarau ni isususu, Dou Raici Ira na Nomudou Lalai. Musuka laivi na iwirini ena iyaloyalo, ka biuta ena dua na koniteina. Kerea e dua na gone me digitaka e dua vei ira na iwirini. Taroga vei ira na gone na sala e vakananuma kina vei ira na iyaloyalo me ra dau raica na yagodra me vaka na valetabu. Solia yadua vei ira na gone e dua na ilavelave ni iyaloyalo, ka sureti ira me ra rokataka. Sureti ira na gone era qase cake me ra vola e dua na ka me ra cakava ena macawa oqo me ra raica kina na yagodra me vaka na valetabu. Sureti ira na gone me ra kauta ki vale na nodra iyaloyalo me ra vakavulica kina ki na nodra matavuvale na sala e rawa ni ra raica kina na yagodra me vaka na valetabu.

Lavetaki: Kevaka e sega ni dua na misini ni lavelavetaki, e rawa ni o biuta e dua na pepa sega ni laini ena dela ni ivakaraitaki ka lavetaka, se rawa ni o tabaka mai na LDS.org.

Veivakauqeti me bulataki: Vakaraitaka e dua na ilavelave ni “Noqu iVakatagedegede Vakosipeli.” Kerei ira na gone me ra dusia na ivakatagedegede ni kosipeli e vakavulica vei ira na ivakarau me ra raica kina na yagodra me vaka na valetabu. Sureti ira na gone me ra gole vua e dua e dabe volekati ira toka ka wasea e dua na sala sa raica tiko kina na yagona me vaka e dua na valetabu. Qai kerei ira me ra vakasamataka e dua na sala e rawa ni ra vakavinakataki cake kina. Sureta e vica na gone me ra wasea na nodra vakasama vei ira kece.

2016 Outline for Sharing Time/Children's Sacrament Meeting Program

2016 Outline for Sharing Time/Children's Sacrament Meeting Program

Au na qarauna na yagoqu

Posita kei na ivolakabi ni isususu era sa tu ena sharingtime.lds.org

iKarua ni macawa: Na vakaisulu rakorako e vakaraitaka na vakarokoroko vei Tamada Vakalomlagi kei au.

Vakatakila na ivunau: Kerei ira na gone me ra cereka na 1 Korinica 3:16 ka wilika vata i cake na ivolanikalou. Tukuna vei ira na gone ni dua na sala eda dau raica kina na yagoda me vaka na valetabu sai koya na noda dau vakaisulu rakorako. Vakaraitaka “Noqu iVakatagedegede Vakosipeli,” ka me ra wilika i cake na gone na ivakatagedegede e kaya vakaoqo, “Au na dau vakaisulu rakorako meu vakaraitaka kina na noqu doka na Tamada Vakalomalagi.”

Veivakauqeti me kilai: Veitalanoataka na ibalebale ni vakaisulu rakorako (raica na iwasewase ni “iSulusulu kei na iRairai” ena Me iSakisaki ni iTabagone). Vakarautaka e vica na ivolakabi me volai tu e cake “Au na dau vakaisulu rakorako ena noqu …”. Wasei ira vakailala na gone, ka kerei ira na ilala yadua me ra vola na nodra yalayala me ra dau vakaisulu rakorako se me ra droinitaka e dua na kedra iyaloyalo ena dua vei ira na ivolakabi oqori. Vakaraitaka tu na ivolakabi oqori ena rumu ni Lalai.

Modesty drawing

Modesty drawing

Modesty drawing

Moica na itaviqaravi me ganiti ira na nomu Lalai (raica na NVMLNB, 110–17). Me vaka beka oqo, e rawa ni o moica na ikarua ni itaviqaravi ena ika 2 ni macawa me baleta e dua na Lalai era lewe levu ena nomu kerei ira yadua na gone me ra droinitaka e dua na vakasama ena dua na tikinipepa lailai. Qai kabira na pepa kece ena ivolakabi.

iKatolu ni macawa: Na bulataki ni Vosa ni Vuku e vakaraitaka na noqu rokova na yagoqu.

Veivakauqeti me kilai: Ena dua na yasa ni papa vola kina “iVakaro” kei na idusidusi vakaivolanikalou eso oqo: V&V 89:7–9, 12, 14, 16. Ena yasana kadua, vola kina “Yalayala” kei na idusidusi vakaivolanikalou eso oqo: V&V 89:18–21. Me ra wilika na veimama ni gone na imatai ni iwasewase ni ivolanikalou ka vakasaqara na ivakaro sa solia vei keda na Turaga ena Vosa ni Vuku. Me ra qai wilika na vo ni gone na vo ni ivolanikalou ka vakasaqara na veivakalougatataki sa yalataka vei keda ko Koya kevaka eda talairawarawa. Veitalanoataka na ibalebale ni ivakaro kei na veivakalougatataki oqo.

Veivakauqeti me bulataki: Sureta e dua na gone me kaya, “Au na bulataka na Vosa ni Vuku ena noqu ” qai vakalewena ena vanua e lala tu ena dua na ka ena cakava me bulataka kina na Vosa ni Vuku. Qai sureta e dua tale na gone me tokaruataka na malanivosa kei na nona isau ni taro na imatai ni gone qai vakuria kina na nona o koya. Qai kerea e dua tale na ikatolu ni gone me tokaruataka na malanivosa kei na nodrau isau ni taro ruarua na gone e liu qai vakuria tale ena dua na isau ni taro. Tokaruataka kevaka e tiko na kena gauna, me ra vakuria ena dua tale na isau ni taro na gone yadua.

Na Vosa ni Vuku
iVakaro V&V 89:7–9, 12, 14, 16	Yalayala V&V 89:18–21

iKava ni macawa: Na kena wiliki, saravi, ka rogoci na veika e maucokona e dau vakasavasavataka na noqu vakasama.

Vakatakila na ivunau: Vakaraitaka vei ira na gone e rua na bilo iloilo, e dua e tu kina na wai duka ka dua na wai savasava. Taroga vei ira na gone na kena cava era na via gunuva kei na vuna. Tukuna vei ira na gone ni noda vakasama e vaka na bilo iloilo, sa dodonu vei keda me da dau tawana ga i loma na veika savasava ka vinaka. Vola na veiyatuvosa oqo ena papa, ka me ra cavuta vata kei iko na gone: “Na kena wiliki, saravi, ka rogoci na veika e maucokona e dau vakasavasavataka na noqu vakasama.” Vakasamataka mo vakavulica vei ira na gone na matanimeke vakaliga me ra dau nanuma tiko kina na iyatuvosa. Me vaka beka oqo, me baleta na vosa kena wiliki, dodoka na ligamu me vaka ni o taura tiko e dua na ivola; me baleta na vosasaravi, dusia na matamu; me baleta na rogoci, qovia na ligamu e daligamu; kei na vakasama, dusia na yadremu. Taleva tale vakavica na iyatuvosa, ka vakaisosomitaka na matana ena vosa.

Two glasses. One containing clean water and the other containing dirty water.

Veivakauqeti me kilai: Vakaraitaka vei ira na gone e dua na iyaloyalo kei Jisu Karisito vata kei ira na gone, ka kerei ira me ra vakaraica toka me vica na sekodi. Ubia na iyaloyalo ka kerei ira na gone me ra tukuna vei iko na veika matailalai era nanuma. Vukei ira na gone me ra kila ni da nanuma tiko na veika eda raica. Vakamacalataka ni da vakatawana na noda vakasama ena veika vinaka eda na vakasamataka talega na veika vinaka. Vakaraitaka tale na iyaloyalo, me ra qai wilika na gone “I Feel My Savior’s Love” (NVL, 74–75). Kerei ira na gone me ra wasea na veika era vakila ni ra wilika na sere. Vakamacalataka ena noda vakarorogo ki na ivakatagi vinaka ena vukei keda me da vakila na Yalotabu ka vakasavasavataka tiko na noda vakasama.

Children standing at the front of the room in Primary. They are making hand gestures. There is a chalkboard in the background.

Ena mana na nodra vuli na gone ni levu na iwalewale ni vuli e taurivaki. Me vaka oqo ena ika 4 ni macawa, era na kila na gone na ivunau ena nodra raica e dua na lesoni vakaraitaki ka ra vakayaloqaqataki me ra dau vakayagataka na matanimeke rawarawa ga e liga me vukea na nodra nanuma tiko.