Na Sala me Lagati kina na Sere ena Lalai

Na inaki ni sere kei na ivakatagi ena Lalai sai koya me vakavulica vei ira na gone na kosipeli i Jisu Karisito ka vukei ira me ra bulataka. Na sere ni Lalai ena taleitaki vakalevu cake kina na vuli, vukei ira na gone me ra vulica ka nanuma tiko na dina ni kosipeli, ka sureta na Yalo.

Oqo eso na maqosa e rawa ni o vakayagataka mo vakavuvulitaka kina e dua na sere vei ira na gone. Na ivakaraitaki ena vukei iko ena sere era vakaturi tu ena idusidusi oqo. Raica na iwasewase ni “iVakarau ni Kena Vakayagataki na Sere se iVakatagi ena Lalai” ena idusidusi ni ikuri eso ni vakasama ni 2015.

Dreta na Nodra Vakasama na Gone

Ni bera ni o tekivu lagasere, vakadeitaka ni ra sa vakarorogo tiko vei iko na gone. E rawa ni o dreta na nodra vakasama ena nomu vakayagataka na veivuke vakaiyaloyalo me vaka na itaba, na iyaya rawarawa eso, se o ira sara ga na gone. E rawa talega ni o veisautaka ga na rorogo ni domomu. Na itaviqaravi ni vakarorogo e dodonu me lekaleka ka veivagolei vakadodonu ki na sere. Kena ivakaraitaki:

• Ni bera ni lagati na “I Love to See the Temple” (NVL, 95), kerei ira na gone me ra laveta na ligadra kevaka era sa raica e dua na valetabu. Sureti ira me ra vakasamataka na veika era dau vakila ni ra raica e dua na valetabu ni ra lagasere tiko.

• E rawa me ra nomu veivuke vinaka na gone. Sureti ira me ra vakayagataka na veiyaya rawarawa ni vakatasuasua me vaka na neketai se ivolanikalou me ra matataka kina na daukaulotu ni ra lagata tiko na “We’ll Bring the World His Truth” (NVL, 172–73).

A woman standing in front of a mirror practicing leading music.

Mo vakatovotovo e vale baleta ni gauna o vakavulici ira kina na gone mo na raici ira, ka sega ni o raica na nomu ivola.

A woman leading music in Primary. A girl is standing at her side holding a copy of the Book of Mormon.

Me rawarawa ga na iyaloyalo. Oqo ena rawa kina vei ira na gone me ra vakanamata ki na itukutuku e tiko ena sere, ka na rawa talega kina me vakadinadinataka na Yalo ni dina na ka era lagata tiko.

Vagoleya na Nodra Vakarorogo na Gone

Ni o kerei ira na gone me ra vakarogoca na isau ni dua na taro ena vukei ira me ra vulica na vosa kei na itukutuku e tiko ena sere. E rawa ni o kerei ira me ra vakarogoca na isau ni veitaro me vaka na “o cei?” “na cava?” “e vei?” “ena gauna cava?” se “na cava na vuna?” E rawa talega ni o kerei ira na gone me ra vakarogoca na veivosa bibi se vosa rogorogo vata se me ra wilika ena iqaqalo ni ligadra e vica na gauna era lagata kina e dua na vosa.

Ni o vakavulica na “Na Yaloqu Niu Rogoca” (tabana 28 ena ivolalailai oqo), vola e dua vei ira na taro oqo ena papa: “Evei au rawa ni rogoca kina na domona na iVakabula?” “O cei e vakavulica vei keda na ivakarau ni buladodonu?” “O cei e dau vosa vakamalua vei keda?” Sureti ira na gone me ra vakarogoca na kena isau ni ra lagasere ka sikinalataka (ena nodra roqota na ligadra, tucake, se tara na daligadra) ni ra lagata na kena isau. Me ra lagata vakavica kei iko na gone na kena isau. Vola tale e dua na taro ena papa ka tokaruataka.

Thumbnail for Catalog

Vakavakarau mo vakavulica na itukutuku vakosipeli ni dua na sere ena nomu vulica na idusidusi vakaivolanikalou sa tu ena Nodra iVolanisere na Lalai.

A woman leading the singing in Primary.

Era na vakila na gone na nomu lomana kei na nomu gumatuataka na kosipeli ena nomu lagata vata kei ira. Ni o wasea na nomu ivakadinadina me baleta na iVakabula, ena rawa talega me ra vakila na Nona loloma ena vukudra.

Okati Ira na Gone

Okati ira na gone ena veisala duidui eso ni o ni lagasere tiko. Kena ivakaraitaki:

• Sureti ira na gone me ra vakasamataka na imoimoi rawarawa eso ni liga me vukea na nodra nanuma tiko na vosa kei na itukutuku e tiko ena sere (raica na “Veivuke vua na iliuliu ni sere” ena tabana 7).

• Sureti ira na gone me ra vakatayaloyalotaka ni ra daukaulotu ena nodra lagata tiko “We’ll Bring the World His Truth.” Kerei ira me ra tayabe tiko ga ena vanua era tu cake tu kina se wavokita na rumu ka taura tu na nodra ivolanikalou ni ra lagasere.

• Ni bera ni lagati na “Na Yaloqu Niu Rogoca,” solia vei ira yadua na gone e dua na uto pepa ka kerei ira me ra vola na “Vakarorogo” ena dua na yasana kei na “Rogoca” ena yasana kadua. Vakamacalataka ni vosa oqo e rau tukuni vakavica ena sere. Kerei ira na gone me ra vakaraitaka na yasa dodonu ni uto ni ra lagata na vosa oya.

2016 Outline for Sharing Time/Children's Sacrament Meeting Program

2016 Outline for Sharing Time/Children's Sacrament Meeting Program

Na uto sa tu ena sharingtime.lds.org

Vakarorogo

Rogoca

A Korean woman standing in front of a group of Primary children. She is holding a songbook.

Veisere Vovou: Ni o vakamacalataka e dua na sere vou vei ira na gone, lagata mada vei ira e liu. Era na vulica vakavinaka cake na gone e dua na sere ni ra sa rogoca rawa vakavica ni se bera ni ra tekivu lagata.

Laga, Laga, Laga

Era dau vulica vakavinaka cake sara na gone na sere ni ra rogoca ka lagata vakavica vata.

Railesuva ka lagasere ena vuqa na sala lasa. Kena ivakaraitaki:

• Sureti ira na gone me ra tekivu vulica na ilagalaga ni dua na sere vou ena nodra vakarogoca se ra vagugutaka toka ena gauna ni curu yani.

• Me railesuvi na “I Will Follow God’s Plan” (NVL, 164–65), cakava e vica na ivakatakilakila ni gaunisala. Vola e dua na vosa duidui mai na sere ena ivakatakilakila yadua ni gaunisala. Taura cake tu e dua na ivakatakilakila, ka tukuna vei ira na gone ena nodra lagata na sere me ra kakua ni lagata na vosa oya. Tokaruataka ena ivakatakilakila tale eso ni gaunisala.

• Cakava e dua na kisi e ono na yasana mai na pepa se pepa kaukauwa, ka vola ena yasana yadua e dua na ivakarau duatani ni kena lagati (me vaka na, vakasausautaka na kena ilagalaga, matanataka e ligamu, lagata vakamalua, laga na tagane, laga na yalewa, se vagugutaka na kena ilagalaga). Ena dua tale na kisi vola kina na yaca ni so na sere ni Lalai era vulica tiko na gone. Sureta e dua na gone me vaqiqica na imatai ni kisi me ra kila na ivakarau me ra lagata kina na sere, ka sureta e dua tale na gone me vaqiqica na ikarua ni kisi me ra kila na sere me ra lagata.

Two young girls standing by a table in Primary. There are song cubes on the table.

iCakacaka ni kisi sa tu ena sharingtime.lds.org