Քլարկ Գ․ Գիլբերտ
Բարձրագույն Իշխանություն Յոթանասունական
Շատերը երեց Քլարկ Գ. Գիլբերտին ճանաչում են որպես BYU – Pathway Worldwide-ի նախագահ և որպես Այդահոյի Բրիգամ Յանգ Համալսարանի նախկին նախագահ: Շատերը նրան ճանաչում են նաև այդ երկու հաստատություններում առցանց բարձրագույն կրթական ծրագրերի նորարարական զարգացման շնորհիվ:
Երեց Քլարկը համարում է, որ Եկեղեցու նշանակալից ծառայությունը՝ օգնել ԱՄՆ-ի Մասաչուսեթս նահանգի կենտրոնական Բոստոնի երիտասարդ տղաներին, կրթական հնարավորություններ է բացել ավելի մեծ լսարանի համար: Ծառայելու այդ հնարավորությունը ստացավ, երբ սովորում էր մագիստրատուրայում և հոգ էր տանում մի երիտասարդ ընտանիքի մասին:
«Այդ երիտասարդները շատ աջակցություն չեն ստացել: Նրանք դարձան մեր կյանքի մի մասը, և մենք սկսեցինք սիրել նրանց», - ասել է նա: «Ես սովորեցի լսել Տիրոջը և գիտեի, որ Նա այդ երիտասարդների հետ է։ Ես լսում էի, երբ Նա ասում էր, թե ինչ պետք է անեմ նրանց համար»:
Երեց Գիլբերտը պատմել է, որ Տերն իրեն ասել է այլ մարդկանց կարիքների մասին: «Հարցն այն չէր, որ Նա ինձ նախապատրաստում էր կրթության, այլ Նա ինձ ցույց էր տալիս, թե ինչպես կարող է խորապես և անձնապես փոխել մարդկանց կյանքը»:
Քլարկ Գորդոն Գիլբերտը ծնվել է Օքլենդում (ԱՄՆ, Կալիֆորնիա) 1970 թվականի հունիսի 18-ին՝ Փոլ և Սյուզան Գիլբերտների ընտանիքում: Նա մեծացել է ԱՄՆ-ի Արիզոնա նահանգի Ֆենիքս քաղաքում: Ճապոնիայի Կոբե միսիայում ծառայելուց հետո նա ամուսնացել է Քրիստին Քալդերի հետ 1994 թվականին՝ Սոլթ Լեյքի Տաճարում: Նրանք ունեն ութ զավակ:
1994 թվականին երեց Գիլբերտը միջազգային հարաբերությունների բակալավրի աստիճան է ստացել Բրիգամ Յանգ համալսարանում, իսկ 2001 թվականին բիզնեսի կառավարման դոկտորի աստիճան է ստացել Հարվարդի համալսարանում։ Նա աշխատել է պրոֆեսորի օգնական Հարվարդի Բիզնեսի դպրոցում, ուսումնական գծով փոխնախագահի օգնական՝ ԲՅՀ Այդահո համալսարանում և նախագահ ու գործադիր տնօրեն՝ Deseret News և Deseret Digital Media կազմակերպություններում։
Այս ծառայությանը կանչվելու պահին նա ծառայում էր Տարածքային Յոթանասունական, ինչպես նաև ծառայել է երեցների քվորումի նախագահ, ցցի երիտասարդ տղամարդկանց նախագահի և ցցի նախագահի խորհրդական ու եպիսկոպոս: