Քամիլ Ն․ Ջոնսոն

Երեխաների միության գերագույն նախագահ

Քամիլ Ն․ Ջոնսոնն իր ամբողջ կյանքում ուսումնասիրել է խոսքը՝ իր ավելի քան 30 տարվա փաստաբանական կարիերայի ընթացքում մշակելով և օգտագործելով դրանք մարդկանց խնդիրները լուծելու համար։ Եվ նա միշտ մեծ խաղաղություն է գտել սուրբ գրությունների խոսքերում: Նա իր ամենասիրելի ընկերներից է համարում սուրբ գրությունների գործիչներին:

Այնուամենայնիվ, երբ նա և իր ամուսինը տեղափոխվեցին Հարավային Ամերիկա, որպեսզի 2016-2019 թվականներին ղեկավարեն Պերու Արեկիպա միսիան, նա կարոտ էր խոսքերի: Քանի որ նա երբեք չէր ուսումնասիրել իսպաներենը, աղոթում էր, որ կարողանար շփվել միսիոներների և մարդկանց հետ, որպեսզի նրանք զգային իր սերն իրենց հանդեպ և լսեին Մորմոնի Գրքի մասին իր վկայությունը:

«Ես ապավինեցի Տիրոջը և Հոգուն, որպեսզի կարողանայի հաղորդել իմ սերն ու վկայությունն այն ժամանակ, երբ խոսքերը չէին ենթարկվում ինձ: Ես հաճելի և դառը դաս սովորեցի, որ «[իմ] հասկացողությանը չվստահեմ» [Proverbs 3:5], այլ ամբողջովին ապավինեմ իմ Փրկիչին»։

Կյանքի ընթացքում նա սովորեց ավետարանի մի պարզ ճշմարտություն. «Նպատակը՝ Փրկիչին սիրելու, Փրկիչի նման սիրելու և նրա մեջ է, որ թույլ տանք՝ Հիսուս Քրիստոսի սերն ու Քավությունը գործեն մեր կյանքում»:

Քույր Ջոնսոնն օրհնվել էր միսիայի 552 միսիոներների հանդեպ սիրով, իսկ այժմ զգում է, որ իր սերը տարածվում է մեկ միլիոն երեխաների վրա, ում համար նա այժմ պատասխանատու է:

«Ես հրճվում եմ երեխաներից սովորելու այս հնարավորության համար, ովքեր Հիսուս Քրիստոսի մաքուր սիրո արտացոլումն են», - ասել է նա:

Քամիլ Նեդո Ջոնսոնը ծնվել է 1963 թվականի սեպտեմբերի 12-ին ԱՄՆ-ի Այդահո նահանգի Պոկատելլո քաղաքում՝ Հալ և Դորոթի Նեդոների ընտանիքում։ 1987 թվականին նա ամուսնացել է Դուգլաս Ռ. Ջոնսոնի հետ Սոլթ Լեյքի տաճարում: Նրանք ունեն երեք զավակ: 1985 թվականին ավարտել է Յուտայի համալսարանի անգլերեն բաժինը, իսկ 1989 թվականին՝ Յուտայի համալսարանի «S. J. Quinney» իրավաբանական քոլեջը:

Քույր Ջոնսոնը ծառայել է ծխի Երիտասարդ կանանց նախագահ, ծխի Սփոփող միության և Երեխաների միության նախագահություններում և եղել է Ավետարանի վարդապետության ուսուցիչ: