Autalavou
Ina ua vaetofia a’u e galue i le Misiona a Kalefonia San Bernardino o se faifeautalai faamisiona, sa matou i ai faatasi ma lo’u aiga iina. O lo’u ata lea o loo opo atu i se tasi o o’u uso ina ua uma ona vaetofia a’u. Sa avea o se malaga ia oo mai i lea taimi, ae sa ou matuā faafetai mo suiga na ou vaaia ia te au lava ia faapea foi i lo’u aiga.
O lo’u tausaga lona lua-i-le toe tausaga o la’u aoga maualuga, sa ou aafia ai i se faalavelave tau taavale matautia. A o lei tupu lena mea, sa na ona ou faia lava o mea e tatau ona ou fai. Ae ina ua mavae le faalavelave, sa toetoe lava ina suia moni o’u mafaufauga. Semanu e uma ai lava i lena taimi lo’u ola iina, ma sa ou le manao e faamuta faapena. Sa fesoasoani lo’u epikopo ia ou i ai i le ala sa’o: o le faitauina o le Tusi a Mamona i aso taitasi ma sauniuni e ave se misiona.
O le tamoe o la’u taaloga lea, o le mea sa ou faananau i ai. Ina ua mavae le faalavelave, sa le mafai ona ou tamoe mo se vaitau, ma sa ou taumafaufau po o le a se isi mea o totoe ia te au. Ae sa ou liliu atu i le Alii, ma a o ou faia, sa ou maua se vaitau maoae mo taaloga i le tausaga na sosoo ai. Sa i ai lava faigata, ae o le mea na suia o le, nai lo lo’u faia mo au lava ia, sa ou faia mo le Alii.
Na o le vaai atu i le tele o faamanuiaga e mafai ona maua mai le atoaga o le talalelei o le mea lea na suia ai au. O le mauaina uma o lena fiafia ma le olioli, sa ou manao ai e faasalalau atu i le lalolagi. Ua ou naunau mo tagata ia maua le olioli ua ou maua i aso uma ona o le talalelei. Ma o le ala lena ua ou auauna ai i se misiona: e fesoasoani ai “ia aumaia le tino ola pea ma le ola faavavau o le tagata” (Mose 1:39).
Garret W., 18, Karolaina i Matu, ISA