E mafai faapefea ona tatou iloa le mana faamalolo o Keriso?

(28 Setema–11 Oketopa)

How can we experience the healing power of Christ

I le auaunaga a Iesu Keriso ia sa Nifae, sa Ia faaali atu le alofa tele ma Lona mana faamalolo ia i latou uma o e na o mai ia te Ia. O le a se mea e mafai ona tatou aoao mai i le aafiaga o sa Nifae ma le Faaola?

Tofotofoga o sa Nifae

O le tele o tausaga a o lei taunuu atu Iesu sa tumu i faigata. Sa onosaia e sa Nifae:

Fevaeveai faalemalo (tagai 3 Nifae7:1–4).
Amioleaga ma mea inosia (tagai 3 Nifae 2:3, 7:7
Faailoga lanu o ituaiga (tagai 3 Nifae 6:10–14).
Sauaga faalelotu (tagai i le 3 Nifae 1:9).
Taua (tagai i le 3 Nifae 2:17).
Mala faalenatura i le taimi o le tolu aso o le pogisa (tagai 3 Nifae 8).

Auaunaga a Keriso ia sa Nifae

Ina ua faaali atu le Faaola i tagata sa Nifae, sa Ia valaaulia tagata uma o e puapuagatia i soo se ala” (3 Nifae 17:7) e o mai ina ia faamaloloina. O Lana valaaulia na tuuina atu i talaatu o faigata na feagai ma sa Nifae i lena taimi. Sa faatatau i manua na vaaia ma mea e lei vaaia atonu sa tauaveina e sa Nifae i o latou olaga uma. Sa faamalolo e Iesu Keriso “tagata uma” (3 Nifae 17:9) ma auauna atu ia te i latou “taitoatasi” (3 Nifae 17:21).