Sau, Mulimuli Mai ia te A’u: Tusi a Mamona
E faapefea ona tatou auai i le faatinoga o le “galuega ofoofogia” a le Alii?
(12-18 Oketopa)
Faatasi ai ma le tele o mea na aoao atu e le Faaola ia sa Nifae, sa Ia aoao atu foi i latou e uiga i le faapotopotoina o Isaraelu ma sa poloaiina i latou e suesue i tusitusiga paia ma ia tausia a latou lava faamaumauga. E mafai faapefea ona tatou mulimuli i nei aoaoga i le taimi nei?
Aufaatasi i le Galuega
Na valoia e Iesu Keriso se “galuega ofoofogia” i aso e gata ai (tagai i le 3 Nifae 21:9). O lena galuega o le faapotopotoina o Isaraelu. Na taua e Peresitene Russell M. Nelson lena mea “o le mea aupito taua o loo tupu nei i le lalolagi” ma sa ia saunoa, “Afai e te filifili e, pe afai e te manao ai, e mafai ona avea oe o se vaega tele o lena mea.”1
-
E mafai faapefea e oe ma lou aiga ona aoao atili e uiga i le auai ai i le faatinoina o le faapotopotoina o Isaraelu?
Suesue i Perofeta
Na poloai atu le Faaola ia sa Nifae e “suesue i perofeta” (3 Nifae 23:5). Ua ia i tatou le avanoa e faalogologo ai i le perofeta soifua ma isi taitai o le Ekalesia o lauga mai i konafesi aoao.
-
O le a se mea e mafai ona e faia ina ia maua ai ni mea se tele mai le konafesi aoao?
-
E faapefea e le “suesue i perofeta” ona fesoasoani ia i tatou i le faapotopotoina o Isaraelu?
Tausi se Faamaumauga
Sa poloaiina e Iesu Ona soo sa Nifae e tausia se faamaumauga o Ana aoaoga ma valoaga a Samuelu le sa Lamana (tagai i le 3 Nifae 23:4, 6–13). E faapena foi, e mafai ona tatou tusi faamaumauina o tatou aafiaga i le olaga e fesoasoani ai ia i tatou e aoao atu isi.
-
Pe o i ai ni aafiaga faaleagaga ua mavae e te lei faamaumauina?
-
E mafai faapefea ona e tusi faamaumauina mea o loo aoao atu e le Atua ia te oe?