Talofa mai Madagascar!
Talofa, o ma’ua o Margo ma Paolo.
O loo ma malaga faataamilo i le lalolagi e aoao e uiga i fanau a le Atua. Faatasi mai ma i ma’ua a o ma asiasi i Madagascar!
O Madagascar o se atunuu o motu i le talafatai i sasae o Aferika. E maua ai le tele o laau ma meaola e le maua i se isi atunuu i le lalolagi---e pei o le [lemur] lima si’usi’u tavi’o lea!
O tama nei o loo amoina fagu vai mo lo latou aiga. E faapefea ona e fesoasoani i lou aiga?
O Le Ekalesia e laitiiti i Madagascar, ae o loo tuputupu pea! O le taimi nei ua 14 uarota ma paranesi e 26 iina.
E tele ituaiga o pili’o’ua lanu fesuiai e ola i Madagascar nai lo se isi lava mea i le lalolagi.
O vavae ogalaau puputa [baobab] nei e mafai ona teu ai le tele o le vai i o latou ogalaau---e oo i le 120,000 lita!
E toatele tagata Madagascar e ’aai alaisa pe faalua pe faatolu i le aso, o nisi taimi e ’ai faatasi ma fualaau faisua, o pi, po o aano o manu.
O le upu Madagascar mo le “uo” o le namana. A faapea e mafai ona e feiloai atu i se uo fou i Madagascar, mata o le a le mea e te ta’u atu ia i latou?
Feiloai i nisi o a tatou uo mai Madagascar!
Ou te iloa o Iesu Keriso o lo tatou Faaola.
Nathan, 7 tausaga, Itumalo Antananarivo, Madagascar
O Russell M. Nelson, o se perofeta a le Atua.
Nomena, 6 tausaga, Itumalo Antananarivo, Madagascar
Pe e te sau mai Madagascar? Tusi mai ia i ma’ua! Ma te fiafia lava e faalogo atu ia te outou.
Faafetai mo le asiasia o Madagascar ma i ma’ua. Feiloai i se isi taimi!