Ekōjkan Ad Kōkajoorļo̧k Tōmak ko Ad—Ippān Doon
Ilo ekkatak ko ad jān Bok in Mormon ilo allōn̄ in, jej ekkatak kōn Korior, eo ekar ukot ļōmņak an elōn̄ membōr ro an Kabun̄ in ke em̧ōj m̧o̧ņ er jān rikanaan ro ak tokālik rekar kile bwe e make ekar po ilo m̧oņ kōn Setan im ekar m̧oņe ro jet. Jej ekkatak kōn RiZoram, ro, aolep armej ro rekar kattoļo̧k er jān Kabun̄ in. Im jej lo Alma eo Edik, eo ekar kajoor ilo an kar jutak ņae Kabun̄ in, kappukot n̄an kōkajoorļo̧k ajri ro nejin rerūtto ņae kālet ko renana me enaaj tōl er ettoļo̧k jān Irooj im Kabun̄ eo An.
Jet iaad ewōr ro uwaan baam̧le ko ad ak m̧ōttad ro rej kāālet n̄an jab bōk koņaer ilo Kabun̄ in an Irooj me em̧ōj an jepļaaktok. Menin emaron̄ kōmmetak n̄an kōj ro me rej en̄jake tōmak eo ad ilo lukkuun kajoor in. Jekōņaan jipan̄, ak elōn̄ iaad rej ļōmņak elmen.
Juon būrabōļōm ikkijjeen māākjiin eo me eban maron̄ kōkm̧anm̧an aolep un ko unin an tōmak dikļo̧k ak kōmeļeļeik lukkuun ekōjkan jelm̧ae menin eļan̄n̄e ej waļo̧k. Jibadbad in tōmak an aolep armej eoktak. Ak kōn būrabōļōm in jej kōjatdikdik n̄an leļo̧k jet jipan̄, āinwōt:
-
Aorōk in karuwaineneik aolep armej (lale 40).
-
Ļōmņak ko n̄an jinen im jemān ajri ro kōn wāween aer kajebwebweik jem̧jerā ko aer ippān ajri ro nejier rerūtto ro me kar kāālet er n̄an juon iaļ eoktak.
-
Ļōmņak ko rejipan̄ kōn bwebwenato ko an Kabun̄ in im wāween an maron̄ kōkajoorļo̧k tōmak ko ad.
Jej kōjatdikdik bwe bwebwenato kein rej letok juon ijjino n̄an eok n̄an kappukot tōl eo ekwojarjar n̄an jekjek ko kwe make kwoj jelm̧aeiki.
Ilo kautiej,
Adam C. Olson
Rilolorjake Kajimwe ko