Itok, Ļoor Eō: Bok in Mormon
Etke Alma ekar Kwaļo̧k kōn Bwebwenatoon Moses im Jedpānit Bronze eo?
Juļae 13–19
Ālkin an Alma keidi naan an Anij n̄an juon ine (lale Alma 32:28–43), armej rekar kajjitōk ippān ewi wāween an katōk ine eo. Alma ekar kōjerbal bwebwenatoon Moses im jedpānit bronze eo jān Bōnbōn jebta 21 āinwōt juon waanjon̄ak in jerbal ilo tōmak (lale Alma 33:19–23).
Juon Kain Kraist
Juon kain ej juon me eo ej bōk jikin ak penej jenkwan juon men ak juon armej. Ke jedpānit baijin ko rekar kij ri Israel ro, Moses ekar kotak ļōn̄tak jedpānit bronze eo, eo me ekar erom̧ juon men eo ej bōk jikin Kraist. Aolep rekar em̧akūt ilo tōmak im kar reiļo̧k n̄an jedpānit bronze eo bwe ren mour, āinwōt an aolep ro rej kōm̧m̧an jerbal kōn tōmak eo aer ilo Jisōs Kraist renaaj mour ilo jetōb.
Jet Epen Buruōer
Āinwōt an pidodo reiļo̧k, jet armej rekar kapen buruōer im makoko, im rekar mej kōn aer kar kūj er. Etke rekar jab reilo̧k? (lale Alma 33:20). Ta in katak in emaron̄ katakin kōj kōn tōmak im jab tōmak?
Kwonaaj Ke Mour?
Eļan̄n̄e kwomaron̄ mour ilo am̧ kōm̧m̧an juon men eo epidodo āinwōt reilo̧k, kwoban ke kar kōm̧m̧ane? Alma ekar leļo̧k kajjitōk in im karuwaineneik kōj n̄an reilo̧k n̄an Rilo̧mo̧o̧r ilo ad tōmak ilo E (lale Alma 33:21–22).