2020
Jodikdik ro
Juļae 2020


Jodikdik ro

Pija
Adriana hugging a friend

Pija ko jān by Raul Sandoval

Em̧m̧an tata ippa kōmat jān aolep kain. Ij kōmat iiōk ko an biļawe, kapkeek, kukiij jiddik, jālele im raij—Ij kōm̧m̧an aolep kain. Ij barāinwōt kōņaan katakin kūlaaj ko. Em̧m̧an ippa jabdewōt iien letok in̄an n̄a n̄an katakin juon kūlaaj an Doulul eo an Jiron̄ ro.

Ikar itok n̄an kweilo̧k eo an N̄an Kōkajoorļo̧k Jodikdik Ro kōnke ekar wōr juon kajjitōk ikar kōņaan uwaak eo. Ewōr juon aō jikaļarjep n̄an etal n̄an kaļaj, ak ij en̄jake bwe ij aikuj etal im mijen. Eļan̄n̄e ij etal, inaaj luuji jikaļarjep eo aō. Ak eļan̄n̄e ij pād wōt im erom̧ juon rūkaki, imaron̄ jerbal im kōļļāik wōņeen aō jikuuļ ilo ejja iien eo wōt. Ilo iien N̄an Kōkajoorļo̧k Jodikdik ro, juon sister ekar kōnono kōn kōjeraam̧m̧an ko an petriak. Ij kōppopo n̄an bōk kōjeraam̧m̧an ko an petriak kiiō, im ij kōjatdikdik bwe n̄e ibōke, inaaj jeļā em̧m̧anļo̧k kōn ta eo Jemedwōj Ilan̄ ekar karōk n̄an eō. Em̧m̧an ippa būrokraam eo an jodikdik im N̄an Kōkajoorļo̧k Jodikdik ro kōnke rej kōkajoorļo̧k jodikdik ro. Kōn m̧ool eo, jej aolep aikuj aenōm̧m̧an.

Eto ālkin iien aō kar peptaij, ekar bōjrak aō etal im jar, innem bar ro̧o̧l ļo̧k, innem bar bōjrak. Ak membōr ro an ward eo rekar lotok eō im kar karuwaineneik eō n̄an bar rool tok. Rekar ba n̄an eō bwe Kabun̄ in im membōr ro rej o̧o̧n̄ kōn eō im aikuji eō. Ikar kālet n̄an bar rool tok, im ilakkar kajoor wōt n̄an kiiō. Ikar kile jon̄an aō lukkuun aikuji Kabun̄ in. Imaron̄ jar n̄an Jemedwōj Ilan̄ im em̧m̧an aō mour, im imaron̄ en̄jake Jetōb. Im en̄in N̄a e!

Adriana T. (jabōn tata tuanimiin̄), 17 an iiō, Dominican Republic