Object Lesson eo an Nokon in Jota
Kōjerbal Iien Ko Am̧ ilo Em̧m̧an
N̄e kwoj likūt Irooj m̧oktata, elōn̄ ruum̧ n̄an men ko jet.
Kōmeļeļe ko jān David Habben
Jete kain m̧akūtkūt kwoj en̄jake ke kwoj aikuj leļo̧k am̧ aolep raan? Aolep kōj elōn̄ ad 24 awa n̄an joļo̧k, ak ewi wāween ad kālet n̄an kōjerbal iien ko rej kōm̧m̧an juon oktak eļap!Būreejtōn Dallin H. Oaks, Rikakpilōklōk eo Kein Kajuon ilo Būreejtōnji eo Kein Kajuon, ekar ba: “Oran men ko rem̧m̧an jemaron̄ kōm̧m̧ane n̄an tōpar iien ko ellā jān iien ko ad n̄an tōpari.
Būreejtōn Dallin H. Oaks, Rikakpilōklōk eo Kein Kajuon ilo Būreejtōnji eo Kein Kajuon, ekar ba: “Oran men ko rem̧m̧an jemaron̄ kōm̧m̧ane n̄an tōpar iien ko ellā jān iien ko ad n̄an tōpari.Oran men ko rem̧m̧an jemaron̄ kōm̧m̧ani retōr jān jon̄an iien eo ewōr n̄an kadedeļo̧ki. Jet men ko rem̧m̧anļo̧k jān em̧m̧an, im men kein rej men ko rej aikuj leļo̧k aer n̄ani m̧oktata ilo mour ko aer. … Jej aikuj meļo̧kļo̧k jet men ko rem̧m̧an bwe jen maron̄ kālet ro jet me rem̧m̧anļo̧k ak rem̧m̧an tata.”1
Ilo m̧akūtkūt in, kwonaaj kwaļo̧k kilen ta eo ej waļo̧k n̄e jej kōm̧m̧ane jerbal eo an Irooj m̧oktata jān men otemjej.
1. Kowōr Tōkjen Iien
Elukkuun lōn̄ m̧akūtkūt ko rem̧m̧an jemaron̄ kōjerbali iien ko ad n̄an kōttōpar. Kajjitōk ippān baam̧le eo am̧ n̄an kwaļo̧k jet iaan men ko rej joļo̧k iien ko aer kaki n̄an kōm̧m̧ani kajjojo raan.
Kōmeļeļe bwe bato eo ej bōk iien. Dōkā ro im bo̧k ko rej bōk jikin men ko reoktak jemaron̄ kōm̧m̧ane kōn iien ko ad: dōkā killep ko rej jutak kōn men ko Irooj ekar kajjitōk ippād n̄an kōm̧m̧ani m̧oktata, āinwōt ekkatak jeje ko rekwojarjar, jerbal in jipan̄, tampeļ im menmenbwij an baam̧le, etal n̄an im̧ōņ jar eo, ak bo̧k eo ej jutak kōn m̧akūtkūt ko rem̧m̧an, āinwōt kōm̧m̧ani jerbal ko ilo m̧ōko im joļo̧k iien ippān ro m̧ōttad.
2. Kāāleti Mokta Men ko Rejjab Koņ
Lutōki aolep bo̧k ko ilowaan bato, innem kobaik dōkā killep ko ņa ilōn̄tata. N̄e kwoj kobaik bo̧k ko m̧oktata, eban bwe jipeij n̄an aolep dōkā killep ko—ejjeļo̧k oktak wāween ad kōm̧m̧ani m̧oktata m̧akūtkūt ko jet ilōn̄ļo̧k men ko me Jemedwōj Ilan̄ ekar kakien kōj n̄an kōm̧m̧ani, emaron̄ jabwe ad iien n̄an men ko me relukkuun aorōk.
3. Rej Kakoņkoņ ilo Jikier
Jisōs Kraist ekar kakien, “A kom̧win pukot m̧okta aelōn̄ in Anij, im kwōjarjar eo An.” (Josep Smith Translation, Matu 6:38 [in Matu 6:33, footnote a]). Kōnono kōn wāween am̧ maron̄ karōk iien ko am̧ n̄an pukot aelōn̄ in Anij. m̧oktata .
Lutōkļo̧k kobban bato eo im jar jino jān jinoin kōn ejja m̧weik ko wōt. Ro jeim̧ im jatūm̧ me redik remaron̄ kōņaan jipan̄. Leļo̧k bwe ren likūt m̧okta dōkā kilep ko ilo bato eo. Ilo am̧ kobaik bo̧k ko ālkin, lale wāwen an kobrak jipeij ko ipeļaakin dōkā killep ko m̧ae iien aolep bo̧k rej ko̧ņ ilowaan.
Kajjitōk ippān baam̧le eo ta aer ļōmņak kōn kallim̧ur in jān Būreejtōn Russell M. Nelson ta meļeļein: “Ilo am̧ emakijkij im leļo̧k n̄an Irooj iien ko am̧ reļļap, E enaaj kōkm̧anm̧an aolep iien ko jet am̧.”2
Likūt Irooj M̧oktata
N̄e jej pukot n̄an kōm̧m̧ane Ankilaan m̧oktata, E ej jipan̄ kōj bwe en bwe iien ko n̄an men ko jet remenin aikuj im men ko rej lōn̄aj lōn̄tak kōj. Kōn menin eļan̄n̄e kwoj apan̄ n̄an kōm̧m̧an am̧ iien n̄an kadedeikļo̧k jerbal ko am̧ ilo m̧ōko, kōļapļo̧k taļōn ko am̧, ak kabwe awa in am̧ kiki, im kajjitōk ippān Irooj ta eo kwomaron̄ kōm̧m̧ane n̄an karōk iien ko am̧ m̧oktata ekkar n̄an karōk eo An. Kōm̧m̧ani kōttōpar ko ippān doon āinwōt juon baam̧le n̄an kōm̧m̧ani jerbal ko an Anij—im jem̧jerā eo am̧ Ippān—m̧oktata ilo kajjojo raan.