Iakwe jān Argentina!
Iakwe! Etam ro in Margo im Paolo.
Kobatok ippam ilo am loļo̧k Argentina!
Argentina ej juon laļ ilo Turōk in Amedka. Elōn̄ļo̧k jān 2,000 m̧aeļ (3, 219 km) aeitokan. Ilo tu eōn, elukkuun bwūļ ilo iien jam̧ar. Ilo turōk, elōn̄ aij ko rekwōj ilo aolep iiō!
Empanadas rej m̧ōn̄ā ko kijeer ekkā kan̄n̄i ilo Argentina. Rej iiōk pilawe ko me rej kanni kōn kanniōkin kau, ko̧o̧n, ak leen wōjke. Enno!
Rej ņa cowboys ro gauchos ilo Argentina. Rej lali cattle im o̧o̧j ko.
Elōn̄ armej rej wia m̧ōņā ilo jikin wia jiddik ko ilo kepoon in iaļ ko. Ļaddik in ej jipan̄ jemā ineek juon sandía ak watermelon.
Leddik in ekar loļo̧k Córdoba Argentina Tampeļ ilo raan eo me rekar aje tampeļ eo. Ejjab to Argentina enaaj wōt jilu tampeļ ie!
Elōn̄ menin mour ko rekabwūlōn̄lōn̄ rej mour ilo Argentina—jaguars, condors, im penguins!
Ushuaia ej juon iaan jikin ko repaaketata South Pole ilo laļ in! Elōn̄ jilu ward ko ilo jikin en.
Lale jet iaan ro m̧ōttad jān Argentina!
Ke Būreejtōn Russell M. Nelson ekar kwaļo̧k būrokraam̧ eo ekāāl ikkijeen kōttōpar ko n̄an ajri im jodikdik ro, ij kōm̧m̧ani kōttōpar ko n̄an ettōr, erom̧ juon m̧ōttā eo em̧m̧an, im kōkm̧anm̧anļo̧k jar ko aō. Ikar leļo̧k aō naan in kam̧ool ilo iien kwojkwoj eo ke ijeļā bwe eļan̄n̄e ij kōm̧m̧ane būrokraam̧ in, Jemedwōj Ilan̄ enaaj jipan̄ eō.
Gonzalo L., 7 an iiō, Buenos Aires, Argentina
N̄e jej riiti jeje ko rekwojarjar, jej ekkatak kōn Jisōs im wāween An iakwe kōj. Menin ej jipan̄ eō bwe in m̧ōņōņō. Ijeļā bwe Ej iakwe eō.
Emma L., 5 an iiō, Buenos Aires, Argentina
Kwoj ke itok jān Argentina? Jeje tok n̄an kōm! Kōmij m̧ōņōņō in ron̄ jān kwe!
Kom̧m̧ol kōn ami alooje Argentina ippam. Bar lo kom̧!