Ilo Digital Wōt: Rūm̧m̧an Ded ro
Ekōjkan, Etke, N̄āāt, im Ia eo n̄an Kōjparok Jāān.
Bwebwenato eo kar kōpooje n̄an kakobabaļo̧k ippān E. Jeffrey Hill, PhD, rikatakin kōn bajet ko an baam̧le.
Men̄e kwoj kalimjōk jāān āinwōt menin in letok jān lan̄ ako juon men eo ej itok jān nana, ilo m̧ool ej menin aikuj. Bōtaab āinwōt rūm̧m̧an ded ro, emakijkij am en̄jake āinwōt ejjan̄in kar bwe n̄an em̧ool aikuj ko am jān raan n̄an raan, kwojjab ba wōt jabdewōt idin̄ ko jab kōtmeni! En̄in ej etke ekanooj in aorōk n̄an an wōr jāān in joortok lik ko.
N̄an jipan̄ eok, erkein ļalem menin jipan̄ ko n̄an jino ejaake jāān in joortok lik ko am̧ ilo iien eo em̧ōkajtata bwe kwon maron̄ lem̧ōņōņōik kōjeraam̧m̧an ko an keke mo̧o̧j an jāān ko tokālik.
-
Ekōjkan? Jino kōn ejaake juon bajet. Mejmej karuo karōk ewi jon̄an kōļļā enaaj etal n̄an kōļļā juon m̧ōttan jon̄oul im aikuj ko am̧ (bill ko, m̧ōn̄ā, m̧uri, ko eierļo̧k). Jabdewōt bwe eo wōr enaaj lewaj n̄an eok juon ļōmņak kōn ewi jon̄an eo komaron̄ kakoņe aolep allōn̄ im ewi jon̄an bwe eo epād n̄an am̧ joļo̧k n̄an kōņaan ko am̧.
Lale ippān jikin kakoņkoņ jāān eo am̧ kōn ļōmņak ko n̄an kōm̧m̧an bwe kakoņkoņ jāān en pidodoļo̧k, āinwōt jon̄an bōkjāān eo ej make etal n̄ane jān kōļļā eo am̧ n̄an saving account ko am̧ kajjojo allōn̄. Bwe ilo wāween in, kwojjab aikuj in ilo m̧ool ļōmņak kake! Im kanooj lale n̄an bōk em̧m̧an eo an aolep kain joortok lik ko ālkin iiō in jerbal ko am̧ jikin jerbal eo am̧ emaron̄ lewaj.
-
N̄āāt? Kiiō! … Ak komaron̄ jino kōn kōļļā eo tok juon am̧. Komaron̄ jab en̄jake bwe ewōr ruum̧ ilo bajet eo am̧ n̄an kakoņkoņ kiiō, bōtaab jen jino kakoņ em̧ool jidik wōt kajjojo allōn̄, kwonaaj ejaake juon iminene me enaaj kōjeraam̧m̧an eok ilo ilju im jekļaj.
-
Jete? Kakoņ jon̄an wōt eo komaron̄ ilowaan wōt bajet eo am̧. N̄e ejabwe jāān ak kwoj m̧uri, innām komaron̄ wōnm̧aanļo̧k n̄an kakoņ wōt 5 bōkjāān kajojo allōn̄. Bōtaab ilo an kōļļā ko am̧ ļapļo̧k, komaron̄ kōļapļo̧k n̄an 10 ak 15 bōkjāān ak em̧ool eļapļo̧k ilo an iien wōnm̧aanļo̧k wōt. Juon kōttōpar em̧m̧an ej n̄an kōjeno̧lo̧k jāān in jidimkij ko kabwe n̄an juon allōn. Innām jino kakoņ ebwe n̄an kōbare 3 n̄an 6 allōn̄ ko im jab bōjrak in kōļapļo̧k.
-
Ia? Ej juon ļōmņak em̧m̧an n̄an likūt jāān in jortok lik eo n̄an juon am make akkaun—eo enaaj kōm̧m̧an bwe kwoj jab kōņaan kōjerbale ilo aolep men ko. Eļan̄n̄e kwoj kakoņkoņ n̄an juon men ejeno̧lo̧k, kajjieon̄ kōm̧m̧ane juon akkaun ejeno̧lo̧k komaron̄ ņa etan (āinwōt “couch” ak “laptop”)
N̄e ej wōr wōt am̧ kajjitōk ko, kepaak rikapilōk in jāān eo am̧. Remaron̄ jipan̄ eok kōm̧m̧ane kōttōpar in kakoņkoņ ko am̧ pedped ioon jekjek eo ikkijien jāān eo am̧.
Ilōn̄ in men otemjej, keememej bwe bun̄tōn eo im̧aan tata n̄an pojak ikkijien jāān ej n̄an kōļļā juon m̧ōttan jon̄oul eo am̧! Lōke kallim̧ur eo an Irooj bwe Enaaj “kōpeļļo̧k wūntō ko ilo ilan̄, im kowōtļo̧k n̄an kwe juon kōjeraam̧m̧an, me ejabwe jikin n̄an kakoņi n̄an būki”(Malakai 3:10; 3 Nipai 24:10). Jet iien jej kōtmene bwe kōjeraam̧m̧an kein n̄an itok ilo jekjek in jāān rej lutōkleplep iood, ak likūt ilo kōlmenļo̧kjeņ bwe kōjeraam̧m̧an kein remaron̄ koba men ko an jetōb (lale David A. Bednar, “Wūntō in Lan̄,” Liaona, Nob. 2013, 17–20).
Irooj ej ba bwe “ej [An] kōttōpar n̄an ņan [An] ro rekwōjarjar” (Katak im Bujen Ko 104:15). Kōm̧m̧an menin joortok lik emaron̄ pen—eļaptata n̄e ej em̧m̧an dettam̧, n̄e elōn̄ jekjek ko ilo mour eo am̧ poļomeer—bōtaab kōn jidik kōn jidik, kōmaron̄ kōm̧m̧ane. Jemedwōj Ilan̄ enaaj jipan̄ eok oktak jān imenene ko am̧ im un ko raorōk n̄an erōm̧ un̄n̄are peim make im jāān ko am̧ repād ilo kōjparok.