Toʻu Tupú
Faitaaʻi ʻe Leslie Nilsson
Fofoa V., (toʻohema) taʻu 18
Etuale V., (toʻomataʻu) taʻu 16, Savali, Haʻamoa
ʻOku tokoni e tokotaha kotoa ʻi homau fāmilí.
Fofoa: ʻOku tui homau fāmilí ki he ngāue fakatahá. ʻOku ou tānaki mo hoku tuongaʻane ko ʻEtualé ʻa e fefie ki he feimeʻatokoní. ‘Okú ma tokoni foki ke ngaohi e meʻatokoni ke fakatau atú. ‘Oku ou manatu ki ha taimi naʻe ʻikai maʻu ai ʻe homau fāmilí ha paʻanga feʻunga ke totongi ʻaki ha moʻua vai lahi, ko ia ne mau fakahoko kotoa homau tafaʻakí ke tokoni. Naʻe tunu meʻakai hoku tokouá ʻo fakatau atu. Naʻá ku tufi niu mo ʻEtuale mo tānaki ha meʻakai kehe pea tokoni leva ke fakatau atu e meʻakaí ke maʻu ha paʻanga. ‘I heʻemau ngāue mālohi ko ha fāmilí mo falala ki he ʻOtuá, ne mau lava ʻo toe fakamoʻui mai ʻa e vaí.
Etuale: ʻOku tokoniʻi au ʻe he ʻOtuá ʻi he meʻa kotoa pē ʻi heʻeku moʻuí. ʻOkú Ne foaki mai ʻa e ivi mo tāpuekina au ʻi he ʻaho kotoa pē. ʻOku ou saiʻia he nofo ʻi Haʻamoá. ‘Oku nonga ʻaupito ia heni. Ko ʻeku fakaʻānaua lahi tahá ke ngāue fakafaifekau taimi kakato! ‘Oku ou fie foaki hoku taʻu ʻe uá maʻá e ʻOtuá.