2020
Ko Hai Au?—Fili ha Kaati
Sune 2020

Ko Hai Au?—Fili ha Kaati

Fakaʻaongaʻi e ʻū kaati ko ʻení ke fakahoko e vaʻinga ʻi he peesi K12–K13.

ʻĪmisi
Who Am I—Pick a Card

  • ʻĀpisi:Naʻá ku ului ki he ʻOtuá ʻi he ngaahi taʻu kuohilí ʻi he taimi naʻe maʻu ai ʻe heʻeku tamaí ha mata meʻa-hā-maí. Lolotonga ʻeku ngāue ki he Tuʻi ko Lamonaí, naʻá ku tokoniʻi ha kakai tokolahi ke nau ʻilo ki he mālohi ʻo e ʻOtuá.

  • Tuʻi ko Lamonaí:ʻI heʻeku ako kau ki he ongoongoleleí, naʻá ku maʻu ha mata meʻa-hā-mai. Naʻá ku mamata kia Sīsū! Ne u vahevahe ʻeku fakamoʻoní mo ʻeku tamaí pea tokoni ke fakahaofi e kau faifekaú mei he pilīsoné.

  • Kolihola:Ne u feinga ke fakalotoʻi e kakaí naʻe ʻikai moʻoni ʻa Sīsū pea fie maʻu ha fakamoʻoni naʻe ʻi ai ha ʻOtua. Fakafokifā pē kuo ʻikai ke u toe lava ʻo lea pe fanongo!

  • ʻĀmoni:Ko e taha au ʻo e ngaahi foha ʻo Mōsaiá. Lolotonga ʻeku ngāue fakafaifekaú, naʻá ku maluʻi e fanga sipi ʻa e Tuʻi ko Lamonaí. Naʻá ku akoʻi e Tuʻi ko Lamonaí mo e kuiní fekauʻaki mo e ongoongoleleí.

  • Kau ʻAnitai-Nīfai-Līhaí:Ko e kau Leimana kimautolu ne faʻa tau maʻu pē, ka naʻa mau fili ke muimui ki he ʻOtuá. Ko ia ai naʻa mau tanu ʻemau meʻataú pea palōmesi he ʻikai ke mau toe tau.

  • ʻAlamā ko e Siʻí:ʻOku fakahingoa au ki heʻeku tamai, ko e palōfitá. Naʻá ku fakahoko mo hoku ngaahi kaungāmeʻá ha ngaahi fili ʻoku kovi. Ka naʻa mau fakatomala leva pea hoko ko e kau faifekau.

  • Ko e Kuiní:Naʻá ku maluʻi hoku husepānití ʻi he taimi ne fakakaukau ai e niʻihi kehé naʻá ne pekiá. Hili ʻeku ako kau ki he ʻOtuá, naʻe tokoniʻi au ʻe heʻeku kaunanga ko ʻĀpisí ke u tuʻu pea akoʻi e niʻihi kehé.

  • ʻEikitau ko Molonaí:Ne u hoko ko e ʻeikitau ʻa e kongakau Nīfaí, ka naʻe ʻikai ke u saiʻia hono fakamamahiʻi e kakaí. Naʻá ku ngaohi e fuka ʻo e tauʻatāiná ke fakamanatu ki he kakaí e meʻa naʻe mahuʻinga taha ke maluʻí.

  • Kau Tau Kei Talavoú:Naʻa mau ako e tuí mei heʻemau ngaahi faʻeé. ‘I he taimi ne fie maʻu ai ke mau maluʻi homau ngaahi fāmilí, naʻa mau falala ʻe tokoniʻi kimautolu ʻe he ʻOtuá. Pea naʻá Ne fai ia!

  • ʻĒlone:Ko e taha au ʻo e ngaahi foha ʻo Mōsaiá. ‘I heʻeku ngāue fakafaifekaú, naʻá ku akoʻi e tamai mo e faʻē ʻa e Tuʻi ko Lamonaí. Hili iá naʻá na faʻu leva ha ngaahi lao ke maluʻi e kau faifekau ʻi hona fonuá.

  • ʻAmalekaia:Naʻá ku fuʻu fie tuʻi moʻoni! Naʻá ku fakakonahi e ʻeiki ʻo e kau Leimaná pea puleʻi ʻene kongakaú. Naʻá ku feinga ke fakalotoʻi e kakaí ke nau tau mo fakalaveaʻi e niʻihi kehé.

  • Ko e Kaunangá:ʻI he taimi ne fakamamahiʻi ai au ʻe ha taha, naʻá ku loto-toʻa feʻunga ke fakahā ia ki ha taha mo kole tokoni. Naʻá ku ngāue mo e ʻEikitau ko Molonaí ke maluʻi hono kakaí.

Ngaahi tā fakatātā ʻa Jeff Harvey