Haʻu, ʻo Muimui ʻIate Au: Tohi ʻa Molomoná
ʻE Lava Fēfē e Ngaahi Fehuʻi ʻa ʻAlamaá ʻo Tokoni ke Tau Tupulaki Fakalaumālié?
ʻAlamā 5–7 1–7 Sune
Ko e hā e Tuʻunga ʻOku ou ʻi Aí?
Naʻe fai ʻe ʻAlamā ha ngaahi fehuʻi ʻe 36 ki he kakai ʻo Seilahemalá ke tokoni ke nau vakaiʻi ʻenau fakalakalaka fakalaumālié. Naʻe fakamatalaʻi ʻe Palesiteni M. Lāsolo Pālati, Palesiteni Leʻoleʻo ʻo e Kōlomu ʻo e Kau ʻAposetolo ʻe Toko Hongofulu Mā Uá, ʻoku tokoni ʻa e vakavakaiʻi fakalaumālié. Naʻá ne pehē, “Ke hoko ko ha fai-fakahinohino kiate au lolotonga e [vakavakaiʻi] ko ʻení …, ʻoku ou loto ke lau mo fakalaulauloto e ngaahi lea fakatupu fakakaukau ʻoku ʻi he vahe nima ʻo ʻAlamaá.”1
Ko e hā ʻOku Fie Maʻu Ke u Liliú?
ʻI hoʻo lau e ʻAlamā 5:7–13, kumi e meʻa naʻe akoʻi ʻe ʻAlamā fekauʻaki mo e founga te tau lava ai ʻo liliu pea ʻunu ke ofi ange kia Kalaisí. Fakakaukau ki he ngaahi meʻa te ke lava ʻo liliú, pea faʻu ha palani ke ngāueʻi.
Kuo Tāpuekina Fēfē Au ʻe he ʻEikí?
Naʻe fakaafeʻi foki ʻe ʻAlamā e kakaí ke nau manatuʻi e founga ne fakahaofi ai ʻe he ʻEikí ʻenau ngaahi tamaí pea manatu ki heʻenau uluí. Fakakaukau ke hiki ʻa e talanoa hoʻo uluí ke manatuʻi e founga kuo tāpuekina ai koe ʻe he ʻEikí. Te ke lava foki ʻo lau e ngaahi talanoa ki he ului hoʻo ngaahi kuí pe fuofua kāingalotu ʻo e Siasí.
“Ko ha toki meʻa fakaʻofoʻofa ka naʻe ʻilo ʻe he Kāingalotu kotoa pē ʻa e ngaahi talanoa ki he ului ʻenau ngaahi kuí. … ʻE faitāpuekina lahi takitaha kitautolu kapau ʻoku tau ʻilo ʻa e ngaahi talanoa ʻo e tuí mo e feilaulau ʻetau ngaahi kuí ke kau ki he Siasi ʻo e ʻEikí.”2
Tā fakatātaaʻi ʻe Carolyn Vibbert