Itulau o le lotoifale
Lagolagoina e le Ekalesia le Tali Atu i le Pipisi o le Misela i Samoa
Na foai atu e Galuega Alofa a le Au Paia o Aso e Gata Ai, le lala o fesoasoaniga alofa a Le Ekalesia a Iesu Keriso o le Au Paia o Aso e Gata Ai, ni moega falemai se iva, lima moega laiti ma moega pepe e fa i le Falemai o Tupua Tamasese Meaole i Samoa i le Aso Faraile 15 o Novema.
O le foai sa faia e tali atu ai i le pipisi o le misela lea ua aafia ai le motu o le Pasefika i le taimi nei.
O Kapuana Ainuu, le Pule o le Uelefea ma le Ola Tutoatasi a le Ekalesia mo Samoa, na fai ma sui o Galuega Alofa a le Au Paia o Aso e Gata Ai i se sauniga e tauaaoina atu ai, lea na aofia ai ma se isi foai mai le Rotary.
O le Fesoasoani Muamua o le Au Peresitene o le Eria, o Elder K. Brett Nattress, na saunoa mai, “Tatou te faafetai tele mo a tatou uo i le malo ma fomai o tomai faapitoa mo a latou taumafaiga e le faavaivai e tausia e mama’i, ma puipuia tagata uma. Tatou te tutu faatasi ma a tatou uo i faatuatuaga uma ma soo se tapuaiga i le aioi atu i le Alii i talosaga, mo i latou o loo mafatia i lenei taimi, ma mo le manuia o tagata Samoa uma.”