O Le Auai i le Ekalesia e Pei o le …
Ina ia fesoasoani e faamanatu le 200 tausaga o le Uluai Faaaliga, i le lomiga lenei tatou te faamanatuina ai faamanuiaga o le taliaina/aofia ai i Le Ekalesia a Iesu Keriso o le Au Paia o Aso e Gata Ai. O auala nei e tolu mai taitai o le Ekalesia ua latou faamatalaina ai le taliaina/aofia ai i le Ekalesia.
O le Avea o se Pepe Femalagaai
“E faapei o pepe femalagaa’i, o loo tatou i ai foi i se malaga i lo tatou aiga faalelagi, lea o le a tatou toe faatasia ai ma o tatou Matua Faalelagi. E faapei o pepe, ua tuuina mai mo i tatou ia uiga paia faaleatua ia e mafai ai ona tatou folau i le olaga. … E faapei o i latou, afai tatou te lalagaina faatasi o tatou loto, o le a puipuia i tatou e le Alii … ma o le a avea ai i tatou o se ata felanulanuai eseese matagofie.”
Sister Reyna I. Aburto, Fesoasoani Lua i le Au Peresitene Aoao o le Aualofa, “Ma le Loto Gatasi,” Liahona, Me 2018, 78.
Avea ma se Lainafaaola i Isi
“A tatou tausia a tatou feagaiga, e ono ese i tatou mai isi i la tatou aganuu ma atunuu, ma e aumaia ia i tatou ni musumusuga e mafai ai ona tatou mafaufau i ni vaifofo eseese, faiga eseese, faaaogaaga eseese. O le a tatou le ogatusa lava ma le lalolagi, ae o le avea ma se tagata ese i ni auala lelei e mafai ai ona avea i tatou ma se faaolatotoga i isi o loo tauivi.”
Sharon Eubank, Fesoasoani Muamua i le Au Peresitene Aoao o le Aualofa, “Ia Pupula Atu Lou Malamalama,” Liahona, Nov. 2017, 8.
O le i ai i se Aufaipese
“O le mamanu faalelagi e le o leo uma i le Aufaipese a le Atua e tutusa. E i ai eseesega—leo usu, oloto, tena ma le malū—ina ia faaoaina ai musika. …
“… Aua ne’i e lafoaia lau matafaioi i le aufaipese. Aisea? Ona o oe e tulagaese; e le mafai ona suitulagaina oe. O le misi ai o se leo se tasi e faavaivaia ai isi tagata pepese uma i la tatou nei aufaipese faaletino tele, e aofia ai ma le leiloloa atu ai o i latou ua lagonaina le lē taliaina e tagata po o le lē taliaina i le Ekalesia.
Elder Jeffrey R. Holland o le Korama a Aposetolo e Toasefululua, “O Pese Usuina ma Lē Usuina,” Liahona, Me 2017, 49, 50.