Faaali ma Faamatala Atu
Ina ua ou papatiso, sa ou lagonaina le matuā fiafia lava e faia lenei laasaga tele, ma le iloa e ala i lo’u papatisoga ma lo’u faamauga, o loo ou mulimuli ia Iesu.
Sary Del Mar R., 8 tausaga, Valle del Cauca, Kolomupia
E tatau ona tatou tatalo ia Tamā Faalelagi e fesoasoani mai ia i tatou.
Yohann P., 8 tausaga, Brittany, Farani
Ou te fiafia i le konafesi aoao aua ou te alu ai e matamata i le perofeta o saunoa mai ma faasoa mai lana molimau. Na te fesoasoani mai ia te au ia malamalama i mea e finagalo lo tatou Tamā Faalelagi ia te au e fai.
Fuki M., 10 tausaga, Shizuoka, Iapani
O se aso manaia pe a nonofo faatasi le aiga e matamata i le konafesi aoao.
Faith M., 9 tausaga, Dar se Salaam, Tanzania
O le aiga o se vaega taua o le fuafuaga a Tamā Faalelagi. Ou te fia nofo faatasi ma lo’u aiga e faavavau i le lagi. Matou te tatalo faatasi uma, faamalolosia, ma fesoasoani le tasi i le isi. Ou te alofa i lo’u aiga.
Katya, 10 tausaga.
Ou te alofa i lo’u Tamā Faalelagi. E fiafia o Ia pe a ou faia ni mea lelei. Ou te faafetai ia te Ia mo mea uma ua Ia tuuina mai ia te au.
Vlad, 4 tausaga