Ana Iteraniba te Aono
Mwakuri n Anganano ibukin te Kouwii i Kiribati
Ibukin 15 te ririki Taokita Wayne Chisholm mai Monroe, Utah e kaoiia taan anganano mai Aotiteria, Tonga ao USA ni katauraoi mwakuri n ibuobuoki n te Kouwii ibukiia ataein te reirei, taan mwakuri, ao taan reirei n te Moroni High School ao mitinare Ibukiia Aika Itiaki.
Mwakuri n ibuobuoki, bwaai aika a katauraoaki ma bwaai ni mwakuri a bane n reke man te anganano ao a tauraoi ibukin teniua te wiiki ni moan te ririki.
Mwiina ae riki e bon kakawaki ni kakerikaakan aorakin te wii ao ni karikirakean tuan te aitiin ni kaeti ma te wii.
Taokita Chisholm e kaira katean taian kiriniki aika a teimaan n te Pasanga High School i Apia, Samoa, ao n te Liahona High School i Tonga.
N aban Kiribati ae mena iaon aba ae Abaiang, mwakuri n ibuobuoki n te Kouwii ibukin te botanaomata a karaoaki n te aro ae te Katorika inanon uoua te wiiki n Tianuare iroun Clyde Larsen. Inanon te tai anne tao bon nakon 800 taian wii ae a tia ni koutaki, 350 n iterana ake mai tinaniku a tia ni kaitiakaki ao ni katararaoaki, ao 600 ataein te reirei ae a reireinaki aron tuan te aitiin ao n anganaki aia bwain aoraki inanon kaawan reirei ni kabane; a kawaraki taabo n reirei n te rebwerebwe.
A aki kaangaanga karaoan bwaai iaon Abaiang. Mitinare aika a bwanin-aia tai aika Titita Sillito ao Titita Robison ao Unimwaane Weenig ao Unimwaane Sanf a ibuobuoki ngkana a tauraoi, a mwakuri 10–12 te aoa n te bongina, onoua te bong n te wiiki n akea te motirawa.Taokita Larsen e kabwarabwara aron kainnanoan te kouwii ikekei kanga “e kateinang karaoana”, ma n taekinna bwa a rangi n akoi man tataonaki n nano kaain te aba—a karauiia n tekateka iaon te inaai inanon mwaitin te aoa n tataninga aia tai bwa a aonga n nooraki.
E taku: “E kakoauaki bain te Atua tiaki ni katoa bong ma ni kabane boong. Bon te tibwanga ae kakukurei n riki bwa te bwai ni mwakuri ni bain te Atua ibukiia aomata aikai—te tibwanga aei e bon aki manrereaki irouia ake taan anganano.”