Kamanoaia Ataei man Tamnaei Aika Tangako

mother and her son walking down a path

Tamnein te utu iaan te kiaba, te ataeinimwane ae tekateka n te ningning, ao koraki n ataei man Getty Images, e kamanenaaki ibukin mwakuri ni kamatata, kaotaki irouia taan rawetamnei

Titita Joy D. Jones, Beretitenti ni Kabuta n te Moanrinan e kabwarabwara bwa te tangira bon te bwai ni buaka ae korakora ni buakan taian Tamnei aika Tangako: “N aron te taeka ae bebete uringakina ae taku, ‘tamnei aika tangako a tiringa te tangira,’ ma ti na uringnga naba bwa te tangira e tiringa te tamnei ae tangako.” Aikai kawai aika teniua are a kabwarabwara te tangira bwa e tararuaia ataei ni kaitarai ana kairarang te tamnei ae tangako.

Kamanoaki: “I Tangiriko”

Karekea te itoman ike am ataei a na namakinna bwa a mano ao n tangiraki.

Kaeka: “I Teimatoa n Tangiriko”

Taekina nakoia am ataei aron te tamnei ae tangako ao kaoia nakoim ma aia titiraki.

Kamaiuaki: “N na Bon Tangiriko n Taainako”

Kakoaua nakoia am ataei bwa e ngae ngke a ikakorakora ma tamnei aika tangako, e aki bitaki am tangira.

Titita Jones e katereterea riki n tatabeua aron iango aikai n ana rongorongo n te iteranibaa 36.

Tera ae Ko Kona ni Karaoia

• Karekea te marooro ae nakoraoi ma am ataei n aron te namakin n te wenenibure ao e kanga aron totokoaia man tamnei aika tangako.

• Buokiia ataei bwa a na ataa bukina.

• Ni katoa tareboon, taburete, ao kombiuta a na tararuaki, nakoia te roro aika tebwitabun ao ikawai.

• Tai kitana temanna n te ruu iaon te bwai n reitaki.

• Tai kabuakakaia ataei ake a kabwarabwara aia kaangaanga ma tamnei aika tangako.

“Ti tararuaia ara ataei ni karokoa te tai are a kona n tararuaia i bon irouia”

Jason S. Carroll, te burobeetia ibukin maiun te utu n te Brigham Young University