I Aki Tangiria ni Kaokoro!
E maeka te tia korokaraki i Utah, USA.
“E korakora kakawakia aomata imatan te Atua” (Reirei ao Berita aika Tabu 18:10).
E ingainga nanon Mika nakon te reii n te mwaie n te kiraati. E tangira te ongongora nakon taian katangitang. E tangiria ni kataneiaa ma aron te kiba ni mwaie ao ni kaeta aron karaoana. Ao e tangiria ni karaoia ngkana a bane ni karaoia kaain te kiraati. Ngkana a karaoa anne, ti tebo ma taan mwaie a karaoa ae kantaningaki. E namakinna bwa tiaki ti ngaia ae iai irouna te Bwaibwai n Anti.
N te bong aei a reiakina aron kain te mwaie teuana. Mika e matakuakina ana tia reirei ni kibakiba n te eea. E matakuakiniia ataeinnaine ake tabeman ni kataia ni karaoia. Tabeman a bairea raoia n te tai ae baaiti. Tabeman a kataia ni ira te tai. Mika e kataia ni kaokiokia, ma e aki reke irouna.
“Ko kona ni buokai, te tia reirei?” E titiraki Mika.
Te ataeinnaine are irarikina e taraa Mika. Ngkanne e raraa raoraona. “Bukin tera e taetae n aron arei?” e wirikiriki. Ataeinnaine ake uoman a rairaki ao a taraa Mika.
Ni kawaina n okira mweengana man te kiraati, Mika e aki kakarongoa inanon kawaina.
Ngke a roko ni mwengaia, Tinana e kamronrona ana tonati n te umwanikuuka. Iai menan te buraawa iaon bwangena. N tabetai ao anne te bwai ae karika ngaren Mika. Ma n te bong aei e kabwaka ana baeki iaon tano ao ni bwaka iaon te kaintekateka n te taibora.
“E uara te mwaie?” E titiraki tinana.
“E buakaka,” e taku Mika. “I bubutii ibukin buokau, ao te ataeinnaine e taku bwa I taraa ni kamanga. Ngkanne e karekea tarakiu.” Mika e taraa naano. “I aki tangiria ni manga nakon te mwaie.”
“Oo, Mika!” E taku tinana. “I rangi ni kabwara bure. Dad ao Ngai ti tangiria ni mataku n am mwaie. Ti rangin ni kamoamoa n aron am mwakuri korakora!”
Mika e namakinna bwa e a moanna n tang. “I aki tangira Aki Toamaun Rabataut. I aki tangiria bwa e na kaokoro moau. I kantaningaia bwa e na aki kaangaanga ibukiu n reiakin bwaai aika boou. N na riai ni kataneiaai n taetae!”
Dad e tekateka i rarikin Mika ao e rabwatia ni baina. “Mika, ti rangin n tangiriko. Ti na aki bita te bwai teuana ibukim.”
Ma e ioioa atuuna Mika ao e karaba ubuna ni baina. “I aki tangiria n tiku ni kaokoro. I tangira Aki Toamaun Rabatau bwa e na kanakoaki mai irou!”
Aki kakarongoa Mom ao Dad tabeua te tai.
“Iai au iango,” e taku Mum. Mika e kaninganinga imarenan baina. “E aera ko aki tataro ao n tuanga Tamara are i Karawa bwa e kanga Ana namakin ibukim?”
Mika e iangoia. E tatangiria ni kani kakaraoa te tataro. E karaurau, ni katoutoua atuna. “Ko kona ni korea te titiraki bwa iaonga n uringa te bwai ae n na titiraki ibukina?”
E korea te titiraki Mom. Ngkanne e uota te beeba Mika nakon ana ruu ao n tataro.
Ngke e roko n te umwanikuuka tabeua te miniti imwiina, Mika e moangare ao n riki n rangin ni kukurei. “E kaeka Tamara are i Karawa!” e taku.
“Tera ae E taekinna?” E titiraki tinana.
“E taku, ‘Mika, I tangiriko n aron te kawai ae ko mena iai ngkai,’” e taku. “Ao E taekinna ni KABAIBATA bwanana!”
Te wiiki are imwiina n te mwaie, Mika e aki tabe n aia iango ataeinnaine ake tabeman ibukin Aki Toamaun Rabatana. Irarikina, e noora te ataeinnaine temanna, Sara, ae taraa n nanokawaki. Sara iai naba ana kaangaanga n reiakin anuaia aomata aika tibwa roko n aia tabo.
Ngke e a okira mweengana Mika, e iangoia bwa e na korea te bwai nakon Sara. E korea tamnein te buroo ae mwaiti. E buokia mom ma korean taeka.
“Nakon Sara,” e koroia Mika. “Bon te tia mwaie ngkoe ae moan te nakoraoi. I tangiria n riki bwa raoraom. I kukurei bwa ko mena n au kiraati ni mwaie.”
Mika e a rangin n ingainga nanona ni kan angan Sara te beeba. E tangira Sara bwa e na namakina te kukurei ao n tangiria bwa e na mwaie.