Ana Iteraniba te Aono
Birimwaakan Rikiraken te Ekaretia i Kiribati
Ni moan namwakaina aika aua n 2019, nimaua ana mwaanga Ana Ekaretia Iesu Kristo ibukiia Aika Itiaki ni Boong aika Kaitira aika a kateaki iaon aba n Aban Kiribati, ni kaineti ma are e taku Beretitenti John Larkin man te Marshall Islands / Kiribati Mition.
A kateaki mwaanga aika a boou iaon te aba ae Nikunau, Nonouti ao Onotoa; ao uoua mwaanga aika a boou ake a tia ni kateaki iaon Tabiteuea.
N raonaki ma uoua mwaanga aika a boou iaon Tabiteuea, iai ngkai botan te mwaiti ae aua ana mwaanga te Ekaretia n te aba anne.
Rinanon aia mwakuri korakora 100 mitinare aika tauraoi ake a beku i Kiribati n raonaki ma aia mwakuri n ibuobuoki ae kakaonimaki membwa n te Ekaretia n te aba, e rikirake ni birimwaaka te Ekaretia i Kiribati.
Ni kaineti ma are e taku Beretitenti Larkin te babaire bon kurubunakin nimaua mwaanga aika a boou aika a tibwa tia n tei ma mwaanga aika maiu iaon te aba ae Tabiteuea ao Beru ni katea te South Tarawa District bwa te mwaneka are imwiina ni katean te titeiki ae boou.