Ana Iteraniba te Aono
Aia Koaua te Moanrinan ao te Roronrikirake man te Uoote ae Eita 2
Te Uoote ae Eita 2 e onrake kaaina irouia ataein te Moanrinan aika niniwana ao te Roronrikirake. Aikai tabeua mai buakon aia koaua aika korakora ibukin kawakinan te bong ae te Tabati n tabuia.
Toromon, 9 ana ririki
“I kan roroko n Taromauri n te Tabati ibukina bwa I konaa n ongora te reirei ao ni karekei kakabwaia man te euangkerio—ao I kukurei ni kana te toa.”
Mary, 12 ana ririki
“I kawakina ana bong te Uea n tabuia n roroko n taromauri ao ni kawakina te rau inanon mweengau.”
Atanimwane, 8 ana ririki
“I kaotia nakoia raoraou ae Ngai natin te Atua ni kataia ni kawakina te Tabati n tabuia. I ataia bwa e tangirai Tamau are i Karawa.”
Enos, 11 ana ririki
“I ataia bwa e tangirai Tamau are i Karawa ibukina bwa e anganai maiu ao au utu ae kakateke.”
Orebwa, 13 ana ririki
“I kataia n kawakina te bong ae te Tabati n tabuia man warekan booki aika tabu ao n rooroko n taromauri ao ni kana te toa.”
Maawa, 17 ana ririki
Maawa e tangira te kakabwaia ibukin te Tabati: “Te Tabati bon te bong ae kakukurei—I kukurei n taian reirei man te kiraati ao n namakina te Tamnei ae Raoi.”
Kaakee, 13 ana ririki
“I tangirii taian anene n taromauri ao anenen te Ekaretia ibukina bwa I konaa n reiakina reirein te euangkerio mai iai.”