Polisi blong Ol Pikinini we Papa o Mama blong Olgeta oli LGBT, Ol Memba insaed long Ol Sem Seks Mared

Ol papa o mama we oli singaotem olgetawan se oli ol lesbian, ol gei, ol biseksuol, o transjenda, naoia oli save askem blong ol pikinini blong olgeta oli save kasem blesing tru long wan we i holem Melkesedek Prishud, mo hem i klin inaf; ol pikinini ia, oli save kasem baptaes tu afta we oli kasem eit yia, mo i no nid blong Fas Presidensi i apruvum baptaes blong olgeta. Presiden Dallin H. Oaks Fas Kaonsela long Fas Presidensi i bin mekem anaonsmen ia long taem blong lidasip sesen long jeneral konfrens.

Antap long hemia, nomata we sem seks mared, i stap yet olsem “wan bigfala fasin blong brekem loa,” Jos bae i nomo tekem se hem i wan “apostasi” long saed blong disiplin blong Jos. “Ol rabis fasin long saed blong ol etero rilesensip (fasin blong man o woman we i save go wetem tugeta, man o woman bakegen) o long saed blong ol sem seks rilesensip, bae oli tritim olgeta long sem fasin,” Presiden Oaks i talem.

Olgeta polisi ia, “oli no ripresentem wan jenis long doktrin blong Jos long saed blong mared o long saed blong ol komanmen blong God long saed blong jastiti o gud fasin long saed blong laef o long saed blong seks,” Fas Presidensi i raetem insaed long wan ofisol toktok. “Doktrin blong plan blong fasin blong sevem man, mo hamas jastiti i impoten, hemia bae i no jenis.

Presiden Oaks i talem se ol polisi ia, i sapos blong helpem ol famli ia, mo “antap long hemia, traehad blong ol memba blong yumi blong soem moa fasin blong andastanem man, lav mo sore, bae i mekem se i gat moa respek mo andastaning long medel blong evri pipol we oli gat gud tingting.”