Dedikesen I Givim Saen blong “Wan Fiuja we I Neva Hapen Bifo”
“Jos bae i gat wan fiuja we i neva hapen bifo, i fas taem we bae i hapen olsem,” Presiden Russell M. Nelson i talem long dedikesen blong Rom Itali Tempol long Maj 2019. “Yumi jes stap bildimap naoia long wanem we bae i kam afta.”
Long dedikesen, evri memba blong Fas Presidensi mo Kworom blong Olgeta Twelef Aposol, blong fas taem, oli bin stap tugeta long wan ples aotsaed long Yunaeted Stet. “Olsem Ol Aposol blong Jisas Kraes tedei,” Presiden Nelson i talem, “mesej we mifala i serem tedei i semfala mesej ia we Ol Aposol longtaem bifo oli bin serem—se God i stap laef, mo we Jisas Hem i Kraes.”
Antap long wok blong dediketem tempol, Presiden Nelson i toktok long ol yut long tempol distrik mo i bin mit wetem Pop Fransis, we i fas taem we wan presiden blong Jos i bin gat wan ofisol taem wetem hed blong Rom Katolik Jos.