Indeks blong Ol Stori blong Konfrens

Lis ia blong ol eksperiens ia we oli jusum, we oli bin tokbaot long taem blong Jeneral Konfrens, oli save yusum long stadi blong yuwan, long famli haos naet, mo ol nara taem blong tij. Ol namba oli ripresentem fas pej blong toktok.

Neil L. Andersen(34) Wan man we i gat filing long man bakegen, i stap tru long ol kavenan blong hem. Wan woman we i neva mared, i lukluk nomo long fasin blong givim seves.

D. Todd Christofferson(81) Ol yut long Itali, oli soem, long Presiden Russel M. Nelson, ol tempol kad we oli bin rere blong mekem wok blong ol bubu blong olgeta.

Carl B. Cook(51) Wan grup “Band of Brothers” we i helhelpem blong mekem wanwan long olgeta i kam strong moa, mo blong jenisim laef blong wanwan long olgeta long Botswana, i blesem plante laef tru long misinari seves. Ol prishud kworom oli kwik mo oli blesem yangfala Carl B. Cook.

Quentin L. Cook(76) Wan invitesen blong Presiden Gordon B. Hinckley i helpem papa blong Elda O. Vincent Haleck blong i kasem baptaes.

Becky Craven(9) Wan ae witnes i komplen se wan enjinia blong tren i no traem blong swingim tren bifo i sperem wan trak we i fas long rod blong tren.

Sharon Eubank(73) Ol laet aotsaed long Sol Lek Tempol oli no on long naet. Wan drim i mekem se Sharon Eubank i wantem mekem fet blong hem i kam antap moa.

Gerrit W. Gong(97) Afta we hem i filim lav mo sore from wan stilman, wan fren blong Gerrit W. Gong i stat blong andastanem Jisas Kraes mo Atonmen blong Hem.

Brook P. Hales(11) Tufala boe blong Brook P. Hales i lanem se, God, taem Hem i stap ansarem ol prea, i save en stat long stat finis. “Hemia tu bae i hapen” i kam moto blong wan fetful woman we i akseptem se hem i blaen i stap.

Mathias Held(31) Mathias mo Irene Held, tufala i joenem Jos afta we tufala i faenemaot wanem i tru, tru long stadi mo tru long Spirit.

David P. Homer(41) Taem hem i bin wan pasenja insaed long wan smol plen, David P. Homer i lanem olsem wanem i impoten blong stap lisin long raet voes. David P. Homer mo waef blong hem, tufala i lanem se ansa blong prea i save slo blong kam. Brata blong David P. Homer, i stap strong kasem en nomata ol samting we oli kam agensem hem.

Kyle S. McKay(105) Wan woman we i stap traehad wetem abius blong drag, mo wan mama we boe blong hem i ded long wan aksiden, tufala i kasem kamfot, mo sapot we i kam long Hae Man we I Mekem Man I Kam Fri.

Russell M. Nelson(67)Wan mama mo ol gel blong hem oli kompit wetem ol spot mo ol gem blong mekem se ol man insaed long famli oli lukluk long olgeta.

(88) Russell M. Nelson mo gel blong hem, Wendy, tufala i tokbaot “ol samting we oli impoten moa” long taem blong “las toktok blong papa mo gel blong hem.” Wan polis ofisa we i stap helpem ol pipol blong oli ronwe long wael faea, i stap tingting: “?Wehem nao famli blong mi?” Wan fren blong Russell M. Nelson i no wantem mekem jenis long laef blong save kwalifae blong kasem ol blesing blong gospel.

Dallin H. Oaks(60) Ol studen blong yunivesiti oli stanap mo lukluk wan dog we i stap krip blong kakae wan skwirel, oli no askem olgetawan se: ?Hemia bae i go i kasem wea?” Wan kapol blong Kolombia, oli ron long bas faef dei mo faef naet blong oli mared long tempol; hemia i jenisim hao tufala i fil abaot tempol mared mo gospel.

Dale G. Renlund(70) Wan prea olbaot i helpem wan lesaktiv memba blong filim wan samting insaed long Jos, se hemia “hem i haos blong Mi.”

Ulisses Soares(6) Wan singgel mama i putum ol blesing blong gospel insaed long hat blong ol pikinini blong hem.

Gary E. Stevenson(47) Olsem wan pris long hae skul, wan fiuja Aposol i no wantem blong go wajem wan rabis muvi, mo i givim strong paoa long tingting blong wan fren.

Juan Pablo Villar(95) Afta we hem i spenem wan dei blong mekem misinari wok wetem misinari brata blong hem, Juan Pablo Villar i disaed blong kasem baptaes mo go long wan misin.

Takashi Wada(38) Mama blong Takashi Wada i joenem Jos afta we Lod i tajem hat blong hem tru long kaen aksen blong wan boe.

W. Christopher Waddell(19) From ol givhan wok blong ol famli mo fren, brata blong W. Christopher Waddell i akseptem gospel bakegen bifo hem i ded.