Elda L. Todd Budge
Jeneral Atoriti Seventi
Taem we Todd i wan yang boe, papa mo mama blong hem i bin tijim hao blong lukaotem tingting blong Lod. Truaot long laef blong hem, hem i bin traem blong praktisim samting ia long evri desisen blong hem.
Ol yia afta, afta we hem mo waef blong hem i mekem wan hom blong tufala wetem faef pikinini, hem i kasem ol filing long saed blong spirit blong lego wok blong hem long bank mo faenens. Jenis ia bae i nidim wan impoten sakrifaes blong hem i save kam strong long wan niu wok blong hem.
Afta long fulap wok mo rere blong jenisim wok, Elda Budge i mitim wan man we i kwalifae blong givim advaes long hem. Man ia i givim tingting blong Elda Budge i stap long wok blong bank, mo rimaenem hem se bae hem i gat fulap moa janis blong kaonselem mo helpem ol pipol. “Yumi nidim ol man wetem fasin blong stap tru long bisnis,” man ia i talem long hem.
Elda Budge i lukluk miting ia olsem wan kwaet sore we i kam long Lod. “Mi ting se Hem i wantem blong save wea ples hat blong mi i stap long hem,” hem i talem. “Taem we Lod i save hat blong mi, Hem i no nidim sakrifaes ia, mo mi bin trastem se Hem bae i yusum mi blong mekem ol wok blong Hem, mo mi no nid blong jenisim wok.”
Wok blong hem i letem hem blong stap olsem wan paoa blong mekem gud long bisnis wol, mo tu blong openem ol doa blong serem gospel long Japan.
Lawrence Todd Budge i bin bon long 29 Disemba, 1959, long Pitsbeg, Kalifonia, YSA; papa mo mama blong hem i Lowelll Jensen mo Deanna Price Budge. Hem i mitim Lori Capener long ol fas yia blong skul long Brigham Yang Yunivesiti. Eit manis afta we hem i kambak long wok blong seves long Japan Fukuoka Misin, tufala i mared long Logan Yuta Tempol. Tufala i gat sikis pikinini.
Afta we hem i graduet long BYU long 1984 wetem wan bajela digri long ekonomi, Elda Budge i bin wok blong Bain & Company Japan; Citibank, N.A.; mo GE Capital. Hem i kam presiden mo jif eksekutiv ofisa blong Tokyo Star Bank Limited long 2003, mo wok olsem bank jeaman blong bod stat long 2008 go kasem 2011.
Elda Budge i bin givim seves olsem wan Eria Seventi, presiden blong Japan Tokio Misin, stek presiden, bisop, presiden blong kworom blong ol elda, mo stek Yang Man presiden.