Ko e Muimui ia Sīsuú
Naʻe Papitaiso ʻa Sīsū
Kuó ke sio nai ʻi ha taha kuo papitaiso? ʻI he taimi ʻoku tau papitaiso aí, ʻoku tau muimui ai ki he sīpinga ʻa Sīsuú.
Naʻe folofola ʻa Sīsū ki Hono tokoua (cousin) ko Sioné ke ne papitaiso Ia. Naʻe maʻu ʻe Sione ʻa e mafai ʻo e lakanga fakataulaʻeikí ke papitaiso ʻa e kakaí.
Naʻe fehuʻi ange ʻe Sione kia Sīsū pe ko e hā ʻokú Ne fie papitaiso aí. Naʻe tali ʻe Sīsū ʻokú Ne fie talangofua ki he ngaahi fekau ʻa e Tamai Hēvaní.
Naʻe papitaiso ʻe Sione ʻa Sīsū. Naʻa nau ongoʻi ʻa e Laumālie Māʻoniʻoní. Naʻa nau fanongo ki he leʻo ʻo e Tamai Hēvaní ʻoku pehē, “Ko hoku ʻAlo ʻofaʻangá ʻeni, ʻa ia ʻoku ou fiemālie lahi ai.”
Te u lava ʻo fili ke u papitaiso ʻi ha ʻaho, ʻo hangē ko ia ne fai ʻe Sīsuú. Te u lava ʻo teuteu ke u papitaiso ʻaki ʻeku feinga ke u hangē ko Sīsuú ʻi he ʻaho kotoa pē. ●