O Le Uluai Malaga o le Kerisimasi
Tatou te faamatalaina le tala o le Kerisimasi i tausaga uma lava, ae e faafia ona tatou vaai faalemafaufau i le malaga sa faia e Maria ma Iosefa? O o laua faatuatua ma osigataulaga o ni vaega taua ia o le tala.
Faamatalaga mai le The Annunciation, saunia e Carl Heinrich Bloch
O Maria sa sau mai Nasareta, o se afioaga e 400–500 ona tagata.1 I le lalolagi, o ia o se tamaitai faifaatoaga faatauvaa. Ae sa laua taliaina ma Iosefa o laua valaauga e tausia le Alo o le Atua.
2. Luka 2:4–5
O le malaga i Peteleema e le itiiti ifo ma le fa i le lima aso,2 ae e le o tuuina mai i tusitusiga paia se faaiteite e uiga i se asini na faatasi ma i laua e ui atu i mauga papa. E ui lava ina sa “mamafa i [lana] tama,” sa faia lava e Maria le malaga faatasi ma Iosefa ma faapea ona faataunuuina ai le valoaga: o le a soifua mai le Mesia i Peteleema (tagai Mika 5:2).
3. Luka 2:7–11
I Peteleema, sa le’i i ai ia Iosefa ma Maria so laua lava fale po o se moega pepe, e tuu ai le Tupu o tupu. Atonu sa laua matuai lagonaina le faamaualalo a o laua molimauina, i le totonugalemu o se fanauga faatauvaa, ia faailoga manino o lenei tamameamea o le Alo o le Atua.
Flight, saunia e Rose Datoc Dall
E aunoa ma se lapataiga, sa tatau ai i si aiga toalaiti ona tuua lo laua nuu ma le atunuu. A o le’i atoa foi le lua tausaga o le tamaitiiti o Keriso, ae ua faamata’uina Lona soifua (tagai Mataio 2:16). Ae o le tuuto i le, ma le alofa mo le Faaola sa faaosofiaina ai Maria ma Iosefa e faia le malaga umi i Aikupito.
Ina ua mavae sina taimi i se laueleele sa le masani ai, sa faia loa e Iosefa ma Maria le malaga aupito sili ona umi. Ae atonu sa foliga pupuu ia maila, aua o le taimi lea, sa latou toe foi atu ai i le aiga. O le taimi lava na oo ai iina, sa tuu atu o laua faatuatua i le Atua ma tausia o Ia o le o le a “igoa o le Nasareta” (Mataio 2:23).
E faapei foi o Maria ma Iosefa, o loo tatou faimalaga foi i a tatou lava malaga faatasi ma Iesu Keriso. E ui atonu e umi ma faigata le malaga, ae o tulagavae uma o le faatuatua tatou te latalata atili atu ai i le ola e faavavau—o se meaalofa na tuuina mai e lo tatou Faaola agaalofa, o le o lana lava malaga ua maua ai le faaolataga.