Itulau o le Lotoifale
Tu Masani Faapelepele ma Uunaiga Tumau
I motu o Samoa, o le faamanatuina o le Kerisimasi e foliga mai e tutusa lava ma le uluai soifua mai o le Faaola. E pei o le fale o manu lea na soifua mai ai le Faaola, latou te lei manatu i ni oa faalelalolagi. E pei o agelu na pepese i Lona soifua mai, e faatumulia magaala i leo o tagata lolotu, aufaipese ma aiga ao latou vivii atu i le faafetai i le Atua.
E pei o Maria, Iosefa, ma le la pepe faatoa fanau mai i totonu o le fale o manu, o se taimi lea e faatasi ai ma aiga ma uo e sili ona taua.
Ma e faapei o le migao na faaalia e tagata uma o e na auai i lenei mea paia na tupu, o tagata o Samoa, e tusa lava po o le a le tapuaiga, o le a maua i totonu o latou fale po o le lotu o faitauina le tala o le soifua mai o Iesu Keriso.
O nei uiga masani taua ua faia ai se uunaiga tumau i le toatele o tagata. O le toatele o loo faaauau pea nei uiga masani mai lo latou laiti e oo atu i le faia o o latou lava aiga ao latou taumafai e faamamalu le Faaola i le taimi o le Kerisimasi.