Nganong wala nay mga milagro nga mahitabo karon sama sa kang Kristo nga panahon?
Ang mga milagro sa Manluluwas “balaan nga mga buhat” ingon man usab “kabahin sa balaan nga pagtulun-an” (Bible Dictionary, “Miracles”). Ang pagkaayo ug ubang mga milagro anaa gihapon sa Simbahan karon, dili lang kini kanunay madrama ug dili kanunay hisgutan sa publiko tungod kay kadtong nakasinati niini miisip niini nga sagrado. Makapangita kamo og mga milagro sa inyong kinabuhi o sa mga kinabuhi sa mga sakop sa inyong pamilya o mga katigulangan. Bisan og kita magtinguha og mga milagro, kinahanglan nga atong hinumduman nga ang Langitnong Amahan motubag sa Iyang panahon ug sa Iyang kaugalingong paagi.
Ang mga milagro kabahin sa ebanghelyo ni Jesukristo. Timailhan kini nga ang hugot nga pagtuo ania sa yuta (tan-awa sa Ether 12:12), ug kini mao ang gasa sa Espiritu (tan-awa sa D&P 46:21).