Mensahe sa Visiting Teaching
Ang Atong Potensyal sa Pagkaginikanan
Tun-i sa mainampuong paagi kini nga materyal ug tinguhaa nga masayud unsay angay nga ipakigbahin. Sa unsang paagi nga ang pagsabut sa “Ang Pamilya: Usa ka Pamahayag ngadto sa Kalibutan” makapadugang sa inyong hugot nga pagtuo diha sa Dios ug makapanalangin niadtong inyong giamumahan pinaagi sa visiting teaching? Alang sa dugang nga impormasyon, adto sa reliefsociety.lds.org.
Hugot nga Pagtuo, Pamilya, Kahupayan
“Mahinungdanon kini nga ang espiritu nga mga anak sa Dios ipanganak sa mortal ug makabaton og oportunidad sa pag-uswag ngadto sa kinabuhing dayon,” mitudlo si Elder Dallin H. Oaks sa Korum sa Napulog Duha ka mga Apostoles. “Tungod sa labing importanting tumong sa mahinungdanon nga laraw sa kalipay, Mituo kita nga ang pinaka bahandi sa yuta ug sa langit mao ang atong mga anak ug atong kaliwatan.”1
Si Elder Neil L. Andersen sa Korum sa Napulog Duha ka mga Apostoles miingon:
“Nagatuo kita sa mga pamilya, ug nagatuo kita sa mga anak. …
“… Miingon ang Dios kanila [Adan ug Eva], Sumanay, ug dumaghan kamo, ug pun-on ninyo ang yuta’ (Genesis 1:28). …
“Kini nga sugo wala kalimti o gipadaplin lang sa Ang Simbahan ni Jesukristo sa mga Santos sa Ulahing mga Adlaw.”2
Bisan og dili tanan nato mahimong mga ginikanan niining kinabuhia, makaamuma kita og mga bata sa bisan unsang edad. Atong natagamtam ang mga panalangin isip kabahin sa pamilya sa Langitnong Amahan, ug atong nasinati ang mga kalipay ug mga hagit isip kabahin sa usa ka yutan-on nga pamilya. Ug alang sa kadaghanan, ang pagkaginikanan naghulat nang daan nila diha sa kahangturan.
Dugang nga mga Kasulatan
Buhi nga mga Istorya
“Daghang tingog sa kalibutan karon ang mibaliwala sa importansya sa pagbaton og anak o nagsugyot sa paglangay o paglimit sa mga anak sa pamilya,” miingon si Elder Andersen. “Ang akong mga anak nga babaye bag-o lang nga mipabasa kanako sa usa ka blog nga sinulat sa usa ka Kristiyanong inahan (dili sa atong tinuohan) nga may lima ka anak Mikomentaryo siya: ‘[Ang magdako] niini nga kultura, lisud kaayo ang pagkuha og biblikal nga panglantaw sa pagkainahan. … Ang mga bata dili makaabut og college. Siguradong dili makasuroy sa mga dapit sa kalibutan. Walay kahigayunan sa paggawas inig kagabii aron maglingaw-lingaw. Dili makahimo sa pagpanindot sa imong lawas sa gym. Dili makatrabaho sa gipangandoy nimong trabaho.’ Siya dayon midugang: ‘Ang pagkainahan dili usa ka kalingawan, usa kini ka tawag. Dili kamo mangolekta og mga bata kay nakita ninyong mas nindot sila kay sa mga stamp. Dili kini usa ka butang nga isingit lang kon may panahon. Mao kana nganong gihatagan kamo og panahon sa Dios’”3