Mga Ideya sa Family Home Evening
Kini nga isyu naglangkob og mga artikulo ug mga kalihokan nga magamit alang sa family home evening. Ang mosunod mao ang duha ka mga ehemplo.
“Sama sa Balo nga Babaye sa Sarepta: Ang Milagro sa mga Halad sa Puasa,” pahina 24: Ikonsiderar nga magdungan sa pagbasa niining duha ka artikulo isip pamilya ug dayon tun-an ang istorya sa balo nga babaye sa Sarepta diha sa 1 Kings 17. Dayon makatubag na kamo sa mosunod nga mga pangutana: Sa unsang paagi nga ang pagpuasa nakapanalangin kanato sa indibidwal nga paagi ug isip usa ka pamilya? Kinsa kaha ang mapanalanginan sa atong mga halad sa puasa? Unsa nga mga panalangin ang mahimo natong makita diha sa atong panimalay pinaagi sa paghatag og mas madagayaon nga halad sa puasa? Mahimo ninyong hisgutan ang posibilidad sa paghatag og mas madagayaon nga halad sa puasa o sa laing pamaagi nga inyong matabangan ang kabus ug timawa isip pamilya.
“Bandila ni Kapitan Moroni,” pahina 76: Mahimo kamo nga magdungan sa pagbasa isip pamilya ang mahitungod kang Kapitan Moroni niini nga artikulo. Dayon mahimo ninyong basahon ang Alma 46:11–14 ug maghisgut mahitungod sa unsa ang nakapa-aghat ni Kapitan Moroni sa pagpanalipud sa iyang katawhan—“atong Dios, sa atong tinuohan, ug kagawasan, ug sa atong kalinaw, sa atong mga asawa, ug sa atong mga anak.” Kadtong samang mga butang importante gihapon ug gipang-ataki gihapon karon. Ikonsiderar ang paghimo og inyong kaugalingong “bandila sa kalingkawasan” ug maghisgut og mga paagi nga mapanalipdan ang mga butang nga dunay dakong kahulugan diha kanimo.