Toʻu Tupú
Ko e Liliu Hoku Lotó
ʻOku nofo ʻa e tokotaha naʻá ne faʻú ʻi Fotalesa, Palāsila.
ʻI heʻeku fuofua ako fekauʻaki mo e ongoongolelei ʻo Sīsū Kalaisi kuo fakafoki maí, naʻá ku ongoʻi ʻa e fakamoʻoni ʻa e Laumālié ki hono moʻoní. Naʻe fakaʻau ʻo mālohi ange ʻeku fakamoʻoní, ʻo fakafou ʻi he faʻa lotu, peá u loto leva ke u papitaiso.
Hili pē ʻeku papitaisó, ne kamata fehuʻi mai ʻe he kakai ʻi he uōtí ʻa ʻeku ongo fekauʻaki mo e ngāue fakafaifekaú. Ko hono moʻoní, ne ʻikai te u ʻilo ʻa e meʻa ke lea ʻakí. Hangē naʻe taʻefakapotopoto ʻa e fakakaukau ko ia ke u mavahe mei hoku fāmilí mo e akó ke ʻalu ʻo ngāue fakafaifekaú.
Ka naʻá ku kamata ke fakakaukau ʻi ha ʻaho ʻe taha ki hoku uluí. Naʻá ku manatuʻi ʻa e kau faifekau naʻa nau akoʻi aú, ʻa ia ne nau tali ʻeku ngaahi fehuʻí ʻi he faʻa kātaki mo tokoni ke mahino kiate au ʻa e ongoongoleleí. Naʻá ku fakatokangaʻi ai ka naʻe taʻe ʻoua ʻena tokoní, heʻikai te u ʻilo ʻa e Siasi moʻoní. ʻI he momeniti ne u ʻilo ai ʻení, ne kamata ke u ongoʻi ha holi ʻi hoku lotó ke u ngāue fakafaifekau. Naʻá ku ongoʻi ʻa e ueʻi ʻo e Laumālié ʻoku totonu ke u ngāue fakafaifekau taimi kakato.
ʻOku ou ʻilo ko e ngāue fakafaifekaú ko e ngāue ia ʻa ʻetau Tamai Hēvaní pea te tau lava ʻo tokoni ke ʻomi ʻa e ngaahi laumālié ki he ʻilo maʻongoʻonga ko ia ʻo e ongoongolelei kuo fakafoki maí.