Ngaahi Fehuʻi mo e Tali Fekauʻaki mo e Temipalé

Ko e hā ʻoku ʻi ai ai hotau ngaahi temipalé?

Ko e ngaahi temipale ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ko ha ngaahi potu māʻoniʻoni ia ʻoku tau ako ai e ngaahi moʻoni taʻengatá mo kau ʻi he ngaahi ouau toputapú.

ʻOku anga fēfē ʻa e loto temipalé?

Ko e temipalé ko ha potu ʻoku nonga, ʻapasia, pea mo fakaʻofoʻofa. ʻOku maʻa mo maau e meʻa kotoa pē he loto temipalé. ʻOku teunga hina ʻa e taha kotoa pē mo lea leʻo siʻi.

Ko e hā e meʻa ʻoku fai ʻi he ngaahi temipalé?

ʻE lava ke silaʻi ai ha uaifi ki hono husepānití, pea ʻe lava ke silaʻi ai ʻa e fānaú ki heʻenau mātuʻá. ʻOku ʻai ʻe he ngaahi silá ke lava ʻa e ngaahi fāmilí ʻo fakataha ʻo taʻengata. ʻOku toe maʻu foki ʻe he kakai tangatá mo e kakai fefiné ʻi he temipalé ʻa e meʻaʻofa ʻo ha ngaahi tāpuaki fakalaumālie ʻoku ui ko e ʻenitaumeni. Te nau lava foki ke toe maʻu e ʻenitaumení mo silaʻi maʻanautolu naʻe pekia ʻoku teʻeki fakahoko ʻa e ngaahi fuakava fakatemipalé.

Ko e hā mo ha toe meʻa ʻoku hoko ʻi he ngaahi temipalé?

Makehe mei he silá mo e ʻenitaumení, ʻoku fakahoko mo ha ngaahi ouau kehe ʻi he temipalé. ʻE lava ke papitaiso mo hilifakinima ʻa e kakaí maʻanautolu naʻe ʻikai ke nau lava ʻo kau ki he Siasí he lolotonga ʻenau kei moʻuí. Ko e taimi ʻe hoko ai ho taʻu 12 pea moʻui taau ke hū ki he temipalé, te ke ala maʻu ʻa e faingamālie ke papitaiso mo hilifakinima maʻanautolu naʻe pekia ʻoku teʻeki ke ʻi ai ʻa e ongoongoleleí.

Fēfē kapau kuo teʻeki hū hoku fāmilí ʻi he temipalé?

ʻOku ʻafioʻi mo ʻofa ʻa e Tamai Hēvaní ʻiate koe mo ho fāmilí. ʻOkú Ne fie maʻu ke maʻu ʻe he taha kotoa ʻa e ngaahi tāpuaki ʻo e ngaahi ouau fakatemipalé. Moʻui taau ke hū he temipalé Fokotuʻu ha taumuʻa he taimí ni ke maʻu ho ʻenitaumení mo mali ʻi he temipalé ʻi ha ʻaho. ʻE tāpuakiʻi koe ʻe hoʻo Tamai Hēvaní pea mo ho fāmilí.

Tā fakatātaaʻi ʻe Brad Teare