Jej Kōnono kōn Kraist
E Naaj Bōk Ioon M̧ōjņo ko Aer
Jet iiō ko ālikin an kōrā eo pāleeō, Gisele, im n̄a kar ro̧o̧l jān tōl Fiji Suva Mission, Gisele kar kile kōn nan̄inmej in kānjer ilo loje. Ļōmņak eo enaaj kar kobaik jilu jerbal in m̧wijm̧wij ko reppen im jorrāān eo kein karuo enaaj jerjer jān lukkuun kar jorrāān eo me enaaj waļo̧k aer m̧wijit lojen. Ilo tōren ekar lukkuun pen en̄taan eo an kōrā eo pāleeō bwe ikar jino lukkuun meļeļe Pinm̧uur eo an Jisōs Kraist.
Ij kememej en̄jake eo ekar lukkuun joon iō kōn ta eo Gisele ekar ioone. Ta eo ekar kōm̧m̧ane bwe en aikuj in bōk jorrāān in? Ekar jab ke mour kake Naan in Meļetļet? Ekar jab ke mour kake Naan in Meļetļet? Etke E ekar jab maron̄ bōbrae nan̄inmej in? Etke?
Ilo baj juōn bon̄ iaar kōtļo̧k bwe būruō im en̄jake ko aō ren jadelōn̄tak ilo jar ilo aō jiron̄ ļo̧k Irooj kōn aolepen inepata ko aō. “Ij jab maron̄ jutak aitok ļo̧k im kalimjake an kōrā eo pāleeō kijenmej kōn metak!” Iaar jiron̄ ļo̧k E. Innām iaar kālet n̄an ālōk ļo̧k n̄an jeje ko rekwojarjar. Iar loe eoon in kainōm̧m̧an kein kōn Jisōs Kraist ilo Alma 7:11–12:
“Im [Jisōs] enaaj wōnmaanļo̧k, en̄taan kōn metak ko im kaen̄tanaan ko im kapo ko otemjeļo̧k; im bwe naan eo en maron̄ kūrm̧ool eo kar ba e enaaj bōk ioon metak ko im nan̄inmij ko an armej ro an.
“Im e enaaj bōk ioon e metak ko armej ro an, bwe en maron̄ kōtļo̧k to ko an mej eo eaar lukwōj armej ro an; im e enaaj bōk ioon mōjno ko aer, bwe būruōn ren maron̄ obrak kōn tiriam̧o, ekkar n̄an kanniōk, bwe e en maron̄ jeļā ekkar n̄an kanniōk ekōjkan an jipan̄ armej ro an ekkar n̄an mōjno ko aer.”
M̧ae iien eo Iar jab kile bwe aolepen kapilōn̄lōn̄ in Pinm̧uur eo RiLo̧mo̧o̧r eo ekar bōk jikin. Iar jab lukkuun kile bwe Jisōs Kraist enaaj kar bōk ioon metak eo an Gisele—ak aō. Iar kōmakūt aō metak im mijak ioon E eo ej bōk “metak ko im nan̄inmij ko an armej ro an.” Kōn meļeļe in ekāāl, Ikar en̄jake juōn eddo eo kar kotake!
Rainin, Gisele ej em̧m̧an an mour, āinwōt n̄e ekar ejjeļo̧k an nan̄inmij in kānjer. Ilo iien kakkōlkōl ko an aolep iien, taktō eo an ej jiron̄ ļo̧k e bwe e ej “juōn menin bwilōn̄.” Eļap aō kam̧m̧oolol kōn ājmour in ānbwin in an, ak eļap aō barāinwōt kam̧m̧oolol kōn ājmour eo me Iar en̄jake, juōn ājmour in bōro. Kaenōm̧m̧an eo me ej pojak wōt jān RiLo̧mo̧o̧r eo kar letok n̄an eō juōn bōklōkōt in inem̧m̧an bwe aolep men renaaj kar em̧m̧an.
Kiō jabdewōt iien Ij jelm̧ae eppen, ļōmņak ko aō aolep iien rej oktak ļo̧k n̄an katak in ekajoor im n̄an ta eo Irooj ekar jiron̄ Rikanaan Joseph Smith bwe Nijin Armej ekar en̄taan men otemjej. E innām kar kajjitōkin Joseph Smith ekar ļapļo̧k jān E? Kwe koļap ļo̧k ke jān e?” (D&C 122:8). Kememej katok eo an Jisōs Kraist aolep iien ej kaenōm̧m̧an eō.
Ij kam̧m̧oolol n̄an indeeo kōn m̧ōņōņō eo an RiLo̧mo̧o̧r eo n̄an deploke ta eo E ekar kijenmej kōn metak im liajlaļ. Ij kam̧ool kōn An iakwe, An tiriam̧o, im An lukkuun kea kōn ajri ro Nejin. E ej ad RiLo̧mo̧o̧r, im Ij iakwe E.
O Jema, jān Simon Dewey, maron̄ jab kapeiki