Rikōjan̄jan̄ ro an Piraimere
“Eban!”
“Kwōn jab kōm̧m̧an kōjak!”
“Ejjab maron̄ waļo̧k!”
Ej ta eo Andrea, Erick, Kristofer, Suzett, im Yuridia jān Provo, Utah, remaron̄ in kar ba eļan̄n̄e kwōn kar jiron̄ er bwe renaaj kar kōjan̄jan̄ piano n̄an iien kwaļo̧k eo aer ilo kweilo̧k in kwojkwoj eo tok juōn. Ālkin aolep men, juōn wōt iaer ekar kōjan̄jan̄ piano m̧okta ļo̧k!
Bōtaab rikōjan̄jan̄ piano eo aer ilo Piraimere, Jejtōr Perry, kar leļo̧k n̄an er kōttōpar eo—im raar m̧ōņōņō in bōk e.
Juōn kōttan ilo juōn wiik, kajjojo ajri ewōr an iien katak piano ippān Jejtōr Perry, ijjeļo̧kin juōn ajri eo ewōr an kar rūkaki. Ilo m̧weo raar kaminene ilo o̧kōn ko. Em̧ōkaj aer kar ekkatak eoon ko repidodo an al ko n̄an kwaļo̧k eo aer ilo kweilo̧k in kwojkwoj eo. Raar barāinwōt kōmālmel ilo Piraimere ilo an ajri ro jet kar al.
Āliktata, raan eo eļap eaar itok. Kajjojo ajri raar kōjan̄jan̄ juōn ak ruo al ko. Raar ke ikūm̧kūm n̄an kōjan̄jan̄ im̧aan aolepen ward eo? Aaet! Bōtaab eaar jab kabōjrak er.
“Iaar lukkuun ikūm̧kūm,” Kristofer eaar ba, “bōtaab iaar dāpij tōmak.”
Kam̧oolol kōn tōmak im niknik ko aer, aolep raar em̧m̧an aer kōm̧m̧ane raan eo. Im men eo em̧man tata kake ej?
“En̄jake ko rem̧m̧an n̄an maron̄ in jipan̄ ilo jar eo,” Andrea eaar ba. “Ej juōn kōjeram̧m̧an eļap n̄an n̄a.”
Kiiō ajri ro remaron̄ kōjan̄jan̄ ilo iien nokin in jota an baam̧le, ilo peptaij ko, im n̄e baam̧le ko aer rej al ilo kweilo̧k in kwojkwoj eo. Em̧m̧an!
Pija ko jān Christina Smith