Ennaan eo an Būreejtōnji eo Kein Kajuōn
Juōn Jerbal Eļap an Anij
Eprōļ 6, 1830
Jibukwi rualiton̄oul iiō ko rem̧ootļo̧k, Joseph Smith, Oliver Cowdery, im elōn̄ ro jet rekar kobatok ippān doon n̄an ejaake Kabun̄ eo an Jisōs Kraist im Armej ro Rekwojarjar ilo Raan Kein Āliktata. Jān aolep bwebwenato ko ekar juōn eo epidodo ak kweiļok ejetōbtōb Joseph ekar ļo̧o̧ke bwe ālikin tok kwojkwoj eo, “Jetōb Kwojarjar eo ekar lutōk tok ioom̧ n̄an juōn jekjek eļap—jet rekar kanaan, ilo ammim aolep kar nebar Irooj, im kar lukkuun lan̄lōn̄.”1
M̧akūtkūt ko an rainin laļin ekar jab jeļā kake; rekar jab jeje ilo nuuj peba ko ak kōjjeļāiki n̄an laļin. Mekarta, ewi wāween an lan̄ ko rej aikuj kar lan̄lōn̄ im kaiboojoj Anij—bwe raan ņe, Kabun̄ eo an Jisōs Kraist ekar ro̧o̧l tok n̄an laļin!
Solomon Chamberlain
Jān raan ņe n̄an kiin, milien em̧m̧aan ro im kōrā ro reobrak kōn tōmak nejin Jemed Ilan̄ kar ļoor im̧we ko an Jetōb Kwojarjar im deļo̧n̄e dān ko rekwojarjar an peptaij. Kar baj juōn em̧m̧aan kar Solomon Chamberlain.
Solomon ekar juōn em̧m̧aan in jetōb im ekar joļok elōn̄ awa ko ilo jar, kappukōt kōn jeorļo̧k an bōd im akweļap ippān Jemed Ilan̄ n̄an tōl e n̄an m̧ool eo. Jet iien turin ļo̧k 1816, Solomon ekar kallim̧ur ilo juōn ettōņak bwe enaaj kar mour n̄an an loe raan eo n̄e Kabun̄ eo an Jisōs enaaj ejaak ālikin an doulul in rijilōk ro kar ejaake bar juōn alen ioon laļ in.
Iiō ko tokālik Solomon ekar etal kōn ļoon ļo̧k n̄an Canada tōre eo wa eo waan ekar bōjrak ilo bukwōn jidikdik an Palmyra, New York. Ijo ekar en̄jake juōn kajoor in iuni kipel e n̄an to. Jab jeļā etke e ekar pād ijo, e ekar jino kōnono ippān armej in bukwōn eo. Ekar jab etto ekar ron̄ kōnono kōn juōn “Baibōļ kouļ.” E ekar ba naan ko ruo rekar jilikin ļo̧k “juōn kajoor āinwōt jarom̧ [bwe] ekar etal jān ioon bōra n̄an jemļo̧kin addiin neō.”
Kajjitōk ko an rekar tōl ļo̧k e n̄an m̧ōn Smith, ijo ekar kōnono ippān ro rej pād kōn nuuj ko rem̧m̧an an gospel eo ekar jepļaaktok. Ālikin joļok ruo raan ko ijo im bōk juōn naan in kam̧ool kōn m̧ool eo, Solomon ekar wōnm̧aanļo̧k ilo iaļ eo an n̄an Canada, bōk ippān 64 peij ko rebeļļo̧k kar jei an Bok in Mormon. Jabdewōt jikin ekar etal ie, e ekar katakin armej eo, “jim̧or utiej im ettā, m̧weie im jeram̧ōļ,.… n̄an kōpooj jerbal eo eļap an Anij me ekar kiiō iten wōnm̧aantak.”2
Juōn Jerbal Eļap an Anij
Jān raan eo ilo Eprōļ 1830, milien em̧ōj aer loe m̧ool eo an gospel eo ekar jepļaaktok im em̧ōj aer deļo̧n̄ dān ko an peptaij. Ij kam̧ool bwe “jerbal in eļap an Anij” ej pād ioon laļ in rainin. Ij kwaļo̧k aō kam̧ool bwe Irooj ej lale Kabun̄ in An im ej tōl e jān rikanaan eo An, Būreejtōn Thomas S. Monson. Ej jab kōjeraam̧m̧an eo ekkā n̄an mour ilo raan kein āliktata. Er kein rej iien ko rekwojarjar, kar loi m̧okta jān ippān rikanaan ro etto im lukkuun mije jān, jarlepju in enjeļ ro. Irooj ej ļōmņak kōn Kabun̄ eo An. E ej barāinwōt ļōmņak kōn jabdewōt ro, āinwōt Solomon Chamberlain, ļoor im̧we ko an Jetōb Kwojarjar im koba ippān būratōr im jejtōr ro aer ioon laļ eo ilo jipan̄ bōk m̧aantak jerbal in eļap an Anij.
Pija jān Matthew Reier kar bōk ioon jet eo an Joseph Smith: Rikanaan Eo an Jepļaaktok Eo
Pija jān Matthew Reier; kōmļeļe ko jān Maryn Roos
Jikin Ajri