Gospel eo ilo Mour eo Aō
Bwebwenato eo an Nipai, Bwebwenato eo Aō
Kūr eo jān Jake ekar rub buruō, ak ikar ļo kōjatdikdik ilo waan jon̄ok an juōn rikanaan in jem̧aan.
Jet iiō ko ālkin aō kar kamōj kalōj, iaar ļoeō make ilo juōn nokin in jota an baam̧le ippān jet ian jodikdik ro rejañin m̧are ilo ward eo aō. Raar kūrļo̧k kōm̧l ñan m̧weo im̧ōn juōn ian rikakpilōklōk ro an būreejtōn eo an stake im kōrā eo ippān ekar kōm̧m̧ane katak eo.
Kōm̧ kar riiti bwebwenato in Nipai ro jein im jatin ilo aer etal im bōktok pileij jin bōrōrō ko jān Leban. (lale 1 Nipai 3–5). Rūkaki eo am̧ kōnnaan kōn peran im kakkōt Nipai ekar kwaļok. Innām ekar raitok im kalimjok doulul jidik eo. An raitok ekar jelete kōm.
“Nipai im em̧m̧aan ro jeimjatin kar leļo̧k juōn jerbal epen,” kōrā ekar kwaļok. “Ekar bōk lōn̄ jet kajjioñ ko, ejjeļok iaer ekar pidodo. Ak ekar ewōr tokjan kūtarre in kate ko. Āinwōt juōn tōpran bōk jeje ko rekwojarjar, Nipai eaar maroñ in bōbrae baam̧le eo an jān ‘idakunkunļo̧k im jako ilo jab tōmak (1 Nipai 4:13).
“Enaaj wōr ‘piliej ko’ ilo mour ko ami,” kōrā eo ekar wōnm̧aanļo̧k.ej ba. “Bōlen kwomaroñ kwaļok am kakkōt ilo am kōtōbar jeļāļo̧kijeņ. Pōlen kwonaaj kūr n̄an kwaļok peran iien eo kwōj jerā. Jabdewōt kaarmejjete ko, men ko ej pinej iial eo, kaburbur ko, rup-bōruōm— jabdewōt men eo enaaj bōk bwe kwōn kōjparok ilju im jeklaj eo an naaj bam̧m̧le eo am im kōjparok er jān idakunkun ļo̧k ilo jab tōmak—ro̧o̧l im bōk piliej ko.”
M̧ōttan jej uwaan ko, rekar em̧m̧an ippa. Iaar door ilo ļōmņak eo ao ñan bar juōn iien ememļo̧kijeņ tok ālik. Ilo iien eo iaar jab ļōmņak bwe mour eo an eaar wōr kabbōjrakrak ko ie. Iaar kam̧ōj jikuuļ, im iaar m̧ōņōņō kake jerbal eo aō, im iaar jerā juōn em̧m̧aan—eo etto amro kar mōtta eo men ko raar bwilbwil ļok—enan̄in emān allōñ. Ij jab tomak ke mour eo ao enaaj kar em̧m̧an ilo an kar men kein waļok im makūtkūt.
Jet alōñ tok ālik kōtaan eo aō ippān Jake (āt eo kar ukōte) eaar wōnm̧aanļo̧k juōn emmakūt eļap. Ak jinen im jeman Jake raar jepel iiō ko moktaļok, im jepel eo aer eaar lap an jelete e. E ekar mijaki eļan̄n̄e kōm naaj mare men ko renaaj kar jorān āinwōt an kar waļo̧kn̄an jinen im jeman.
Iaar ba ñane ke im̧ōnōnō in leļok iien ñan e—elōn̄ ñe ej aikuji—etale ta ko rej waļok ilo ļōmņak eo an im ilo buruwōn. Komro kar kōnnaan kōn ļōmņak ko amro pedped ilo tōmak ijjeļļo̧kin mijak. Kōm kar kōnaan kōn anemkwoj in kālet im loe m̧ool bwe ļōmņak bwe iial eo an jinen im jeman enaaj barāinwōt jelōt jōkjōk in mour eo an. Im komro ar kōnnaan kōn Pinm̧uur eo an Jisōs Kraist im kajoor eo an RiLo̧mo̧o̧r eo ñan kōmour bōro ko ad.
Bwebwenato eo ammro āiwōt ekar kamedļo̧k an lōkatip, im kōtaan t eo amro ekar wanmaanļok āinwōt mokta. Āindein ke ekar kūr tok ña juōn ālkin raelep inJādede bwe en jolok ijo amro, ekar juōn men elapļo̧k jān kabwilōñ eo. Ekar jiron̄ eō ke ejjab maroñ ļo emake n̄an an mare ippa—ak ippān ro jet. Ekar baj jab tōmak mareik juōn.
Ilo awa ko maantak, komro kar kōnnaan kōn ta ko kōm kar mōj am kar kōnono kaki, ak iaar jab maroñ ukkōt ļōmņak eo an. Ekar unoojdikdik im ba, “Joļo̧k aō bōd,” im ear totoik talboon eo. Iaar jijet ippa make ilo beet eo kinneō, jiōbļo̧k kōn kōmjalaal, likkuun kūran̄.
Jet minute jen iien eo juōn motta in ruum̧ eo ar kaļļaļļal ilo kajām eo. “Kwōj ke itok ñan kwelo̧k in stake en?” leddik eo ekar kajitok. Iaar jab kōņaan etal ñan juōn jikkin ilo iien eo ak iaar kōm̧m̧an jabdewōt, ak iaar kōņak juōn nuknuk im delōñ ilowaan kaar eo waan.
Ke kōm kar tōbar ijo armij eo iaar ļoe jinoin tata ekar kōrā eo me eaar kwaļok juōn an katak ilo iien nokin jota an baam̧le allōn̄ ko ļok. Ejjeļok en eaar kōnnaan, ak mejāmmro raar kalimjōk doon, im ilo ļōmņak eo ao, iaar roñ juōn anikein eo ej ba ñan ña, “Ro̧o̧l im bōktok pileej ko”.
Kōn wūn in iaar jeļā ta eo idin eo ej ba ñan ña. Ekar jab baj kōn juōn rikanaan in jem̧aan eo im ej bōktok jeje ko raurōk. Ak ej bar kōn ña. Maeļeļeen bwe jekdoon n̄e Jake eaar jab tōmak ilo mare, ak ij maron̄ wōt. Ij kōjatdikdik kake im im jar kake im jerballe—ejjab juōn kōņaan elap, iial in kōņaan elap ak ilo juōn tōmak, emmourur, kōpooj n̄amke-aolep raan— kōnke-ej karōk-eo- an -Anij-n̄an-ajro ro nejin ilo wāweenb in. Ejjab meļeļen bwe in ro̧o̧l ñan ippān Jake im pād ippān m̧ae Ij “etal im m̧ōk” kōn meļeļe eo kōn m̧are, ak ejjab bar meļeļen bwe in bar jino jerā juōn kāāl ilo iien eo em̧ōkaj. Ekar EM̧M̧AN ippa bwe en wōr juōn iien burom̧ōj im kāājmour.
Ak ilo ture eo iaar maron̄ bōbrae idben̄en̄ ilo aō burom̧ōj make. I maron̄ jumae nana kōjak kake Jake—ak koba in aolep. I maroñ pukot jet motta ro rej tōmak ilo mare im ij reimaanļo̧k n̄an menin kein. Im imaroñ, āinwōt Nipai, lōke ilo juōn iakwe an Jemed Ilañ eo im ejjab letok kien—eļan̄n̄e ej ñan bōktok jeje jemaan ko ak m̧are im kōm̧m̧ane baam̧le ko—ijjello̧kin kōpooj juōn iial n̄an kōj n̄an kōtōprake.
Ij pād wōt ilo”kōtōprake”—ak jab “kōtōprake”—jon̄an in. Ijañin kūjer in mare, ak Ij kam̧m̧oolol kōn iien em̧m̧an in iminene in jerā ippa—en̄jaake ko rekar m̧weie ļo̧k jen ejaake juōn meļeļe in kakkōt ilo ikkure kōn jipadpad ko rejim̧we.
Ij bar eñjake em̧m̧an jān leke ilo jeļā kōn ta eo Elder Richard G. Scott jān Doulul eo an Joñoul ruo Rijilōk ro ekar kwaļok kōn jon̄o̧k an Nipai ilo an kar niknik. Ekar ba:
“Ālikin ruo alen jab tōprak in an kar kajjioñ, Nipai ekar peran wōt. Ekar ajidikdik ļok n̄an jikin eo ñan m̧weo im̧ōn Leban ak uak ko raar jab aolep im pād ippān. Ekar lale, ‘Ikar tōl jān Jetōb, jab jeļā ta eo imaan eo iaikuj kōm̧m̧ane,’ ilo an kakobaba, ‘Ak iaar wōnm̧aanļo̧k wōt.’ (1 Ne. 4:6–7; italics added.)
“Nipai eaar mōnōnō in kar kajjioñ bwijin kataan, ilo an maroñ. Ekar kwaļok an kar tōmak ke ewōr juōn eo enaaj jippañ e. Ar kōnaan bwe menin en tobrak wōt.Ekar makoko in ebbweer Ak ilo an kar wōnm̧aanļo̧k wōt, peran eo an ilo Anij, ar mool, im makūtkūt in anemkwoj in kālet eo an, ar maroñ waļok juōn rijippañ ñan e.Ak ko̧nke ekar ilok wōk, kar leke Irooj, kar pokake, im jejjet an kōjerbale anemkwoj in kālōt eo an, ekar bōk tōl. Ekar im̧ōke ilo aolep bun̄ten ko n̄an anjo, im ilo naan ko an jinen kar liļo̧k.… kajoor [n̄an] kar kōtōprak men Irooj ekar kakien.’ (1 Ne. 5:8; italics added.)”1
Pedped in kakkōt in ej peļļo̧k ñan aolep ro rej kappok jerā, ilo m̧ool. Menin ej barāinwōt ñan ro im rej nañiñmej im rejjab jeļā rōmaroñ jermae ilo mōņōņōjuōn raan in metak, n̄an ñan ripelele ro im rej kate ilo pinnitto ko ilo ilo mare eo aer; ñan jine im jemā ro im rej jar ilot iiō ko kōn juōn nejier ajri eo im eaar eļļo̧k ; ñan juōn jodikdik eo ej jelm̧ae jumae ilo jikuul kōnke tomak ko an(lieo); ñan mijenede ro raar jerbal bwijin raan ko ak rejjañin kaktakin kōnr juōn katak. Ilo jet wāween kōj aolep em̧ōj kar kakien er n̄an ro̧o̧l im bōk pileej ko.
Im āinwōt Nipai, jemaron̄. Kōn peran, kakkōt, im tōmak, jemaron̄ kōm̧m̧an aolep men aolep men ko me Anij ej ba jen kōm̧m̧ane.
Kōmļeļe ko jen Micheal Parker