2010
Erom Juōn Armej Ewōr Tokjen Kiiō
Eprōļ 2010


Raar Kōnono n̄an Kōj

Erom juōn Armej Ewōr Tokjen Kiiō

Jān “Be a Quality Person,” Ensign, Pāpode. 1993, 64–67; punctuation standardized.

Pija
Elder Marvin J. Ashton

Juōn mour ewōr tokjen ej kōņaan eo an Anij eļaptata n̄an kōj. Mour ej n̄an mour em̧m̧an kake jōkdoon jekjek rōt ko jej loe ippād make. Ejjab aikuj in wōr juōn iien kōttar. …

Kōj aolep jej mour ilo juōn wāween ko rejejjet im ewōr unin er. Jab lāj ilo am̧ tomak dood aorōk eo am̧ make. Ak, lale mour eo am̧ jān eļan̄n̄e jaab ak kwoj mour kōn gospel eo an Jisōs Kraist.

Em̧m̧an ippa wāween an eo m̧ōtta, Carol Clark,.… ñe ej ba ke apañ ko ad make ejjab aikuj kōtar an em̧m̧an, ak n̄an mour jeram̧m̧an, oprak, im mōnōnō. Kōtōpar eo ejjab ñan kōtar armej eo ejejjet ak n̄an in armej eo em̧ool.

“Lukkuun kamōņōņō kōn mour ej wawa ioon bōbrae ko ilo ad pād im mōņōņō kojatdikdik bwe aolep men renaaj em̧m̧an. .… Ij kwaļok ilo ejjeļo̧k abur ke mour kon ettōņak ko rejjan̄in jejjet kitier ej ej kam̧ool bwe ej juōn meeoeoļo̧k, ettā bōro, im kōkātak kōnke raan kanooj pen. Ak jen jeļā ke āindein, im kōnke āindein, imaroñ wōnm̧aanļo̧k, jekdoon n̄an rainin ejako juōn eo im iaar lukkuun iakwe—men eo deo ikar kōnaan ilo mour jān aolep men ijjelo̧kin kwojajar make. …

“Jōm̧ar eo ļo̧k, iaar awōļ ñan juōn jera ejjab uwaan—Armej ro Rekwojarjar ilo raan Kein Aliktata bwe iaar lukkuun m̧ōk, ejjeļok kam̧ōņōņō, mour āinwōt mijiin ejjeļok an en̄jake. Iloan jab errā, eaar ba, ‘Ewōr ta am̧ ļōmņak kōn menin ej? Ej juōn kōmmalmel kūlen nukuk ke? Mour in ej am, Carol. Kōm̧m̧ane. ’Iaar ļōmņake juōn dōn̄dōn̄ im juōn naan jouj. Ak, ikar loe juōn jo̧jotok edōbakbak tok ioon meja. Ekar, ilo m̧ool jim̧we. Ikar jab leļo̧k aorōk in mour eo aō, āindein ikar jab en̄jake ewōr aorōk in. Iaar ro̧o̧l ñan m̧weo, im bar riit kōn būrabōl in rijeeor eo im kōn taļōn ko, bar jino juōn kāāļ” (A Singular Life, ed. Carol L. Clark and Blythe Darlyn Thatcher [1987], 35–36).

Ro jeiu im jatu, kōm̧m̧an oktak, eļan̄n̄e en̄in ej ta eo eaikuji. Kwōn jab kotar. Ak kwōn wōnm̧aanļo̧k ilo mour kōn makūtkūt, jikuuļ, ejaake, iakwe ñan ro jet, im ko jet meļeļe ko aer elap tokjāer. Kwōn mour kōn juōn wūņ aolep raan. …

… Ij kipel kom̧ ñan itok im jeļā kōn Anij Jemed Ilañ. Itok n̄an iakwe E. Kememej iien otemjej bwe E ej iakwe kom in enaaj lewaj tōl im jipan̄ n̄an kom eļan̄n̄e kom naaj leļōk ak leļo̧ki n̄an E iien em̧m̧an. Kobaik E ilo am kōm̧m̧an jem̧ļo̧k. Kobaik E ilo an rub im metak buruwōm̧. Kobaik E n̄e kwoj etale wōnm̧aanļo̧k erreo eo an. “Bwe lo, mour in ej iien eo ñan armij bwe ren maanjabpopo ñan iion Anij; aaet, lo raan eo ilo mour in ej raan eo ñan armij bwe ren kōm̧m̧an jerbal ko aer” (Alma 34:32).

Ilo am bun̄m̧aanļo̧k ñan erom juōn armej ewōr tokjen, etātal ippān Jemed Ilañ aolep raan eo ej jeļā ta ko rem̧m̧an ñan kwe. E jjeļā taļōn ko am, kajo̧o̧r ko am, im barāinwōt majnō ko am. Kwoj pād ijin iion laļin ilo iien in ej ñan ejake im kaddōkļo̧k jilu wāween ko. Ij kallim̧ur ke Enaaj jipañ eok. Ejeļā ta ko kwōj aikuj.

Kōmļeļe Pija eo jen Craig Dimond